റാമോജി ഗ്രൂപ്പിൻ്റെ മേൽനോട്ടത്തിലുള്ള ഉഷോദയ എൻ്റർപ്രൈസസ് പ്രൈവറ്റ് ലിമിറ്റഡ്, കൊച്ചി ആസ്ഥാനമായുള്ള ഫ്ലെക്സിക്ലൗഡ് ഇൻ്റർനെറ്റ് പ്രൈവറ്റ് ലിമിറ്റഡിൽ നിക്ഷേപം പ്രഖ്യാപിച്ചു. സ്റ്റാർട്ടപ്പുകളുടെയും എസ്എംഇകളുടെയും ആവശ്യങ്ങൾ നിറവേറ്റുന്ന മാനേജ്ഡ് ക്ലൗഡ് ഹോസ്റ്റിംഗ് സൊല്യൂഷനുകളുടെ മുൻനിര ദാതാക്കളാണ്‌ FlexiCloud Internet Private Limited .
വ്യക്തിഗത സംരംഭകർ മുതൽ വൻകിട ബഹുരാഷ്ട്ര കോർപ്പറേഷനുകൾ വരെ 13 രാജ്യങ്ങളിലായി കമ്പനി സേവനം നൽകുന്നു.
ഉഷോദയ എൻ്റർപ്രൈസസിൽ നിന്നുള്ള നിക്ഷേപം ഫ്ലെക്സിക്ലൗഡിനെ അതിൻ്റെ സാങ്കേതിക അടിത്തറ വർധിപ്പിക്കാനും ഗവേഷണ വികസന പ്രവർത്തനങ്ങൾ വിശാലമാക്കാനും വിപണിയിലെ വ്യാപനം വർദ്ധിപ്പിക്കാനും സഹായിക്കും. ഈ സാമ്പത്തിക പിന്തുണ ഫ്ലെക്സിക്ലൗഡിൻ്റെ ഇൻഫ്രാസ്ട്രക്ചറും ഉപഭോക്തൃ സേവന കഴിവുകളും ഗണ്യമായി അപ്‌ഗ്രേഡ് ചെയ്യാൻ സജ്ജമാണ് .
ആർട്ടിഫിഷ്യൽ ഇൻ്റലിജൻസും മെഷീൻ ലേണിംഗ് സാങ്കേതികവിദ്യകളും ഉൾപ്പെടുത്തുന്നതിൽ ശ്രദ്ധ കേന്ദ്രീകരിച്ച്, ക്ലൗഡ് ഹോസ്റ്റിംഗ് മേഖലയിൽ അതിൻ്റെ പ്ലാറ്റ്ഫോം ആസ് എ സർവീസ് (PaaS) വിപുലീകരിക്കാൻ ഫ്ലെക്സിക്ലൗഡ് പദ്ധതിയിടുന്നു.
ഉയർന്ന പ്രകടനം, ശക്തമായ സുരക്ഷ, അസാധാരണമായ ഉപഭോക്തൃ പിന്തുണ എന്നിവയിൽ ശ്രദ്ധ കേന്ദ്രീകരിക്കുന്ന അഡ്വാൻസ്ഡ് മാനേജ്ഡ് ക്ലൗഡ് ഹോസ്റ്റിംഗ് സൊല്യൂഷനുകൾ നൽകുന്നതിൽ FlexiCloud Internet Private Limited മുൻനിരയിലാണ് . ക്ലയൻ്റുകൾക്ക് സങ്കീർണ്ണമായ സാങ്കേതിക വെല്ലുവിളികളെ നിർവീര്യമാക്കാനും തടസ്സമില്ലാത്തതും കാര്യക്ഷമവുമായ ഡിജിറ്റൽ പ്രവർത്തനങ്ങൾ ഉറപ്പാക്കാനും ലക്ഷ്യമിട്ടുള്ള സേവനങ്ങളാണ് ഫ്ലെക്സിക്‌ളൗഡിന്റേത്.
2017-ൽ വിനോദ് ചാക്കോ, അനുജ ബഷീർ എന്നിവർ സ്ഥാപിച്ച ഫ്ലെക്സിക്ലൗഡ് ഇൻ്റർനെറ്റ് 2020-ൽ ഉയർന്ന ട്രാഫിക്കുള്ള വെബ്‌സൈറ്റുകൾ, ആപ്ലിക്കേഷൻ ഹോസ്റ്റിംഗ്, ഇ-കൊമേഴ്‌സ് ബിസിനസുകൾ എന്നിവയ്‌ക്കായി പ്രത്യേകം രൂപകൽപ്പന ചെയ്‌തിരിക്കുന്ന ശക്തമായ പ്ലാറ്റ്‌ഫോമിലൂടെ ശ്രദ്ധേയമായി.
ഫ്ലെക്സിക്ലൗഡ് വിവിധ ക്ലൗഡ് സേവനങ്ങളായ സെർവർ ഓപ്ഷനുകൾ, തന്ത്രപരമായ വിന്യാസ ലൊക്കേഷനുകൾ, വിപുലമായ ആപ്ലിക്കേഷൻ മാനേജ്മെൻ്റ് എന്നിവ വാഗ്ദാനം ചെയ്യുന്നു.
പ്ലാറ്റ്ഫോം സ്റ്റാർട്ടപ്പുകളുടെയും എസ്എംഇകളുടെയും ആവശ്യങ്ങൾ നിറവേറ്റുന്നതിനാണ് ശ്രദ്ധ നൽകുന്നതെന്ന് ഫ്ലെക്സിക്ലൗഡിൻ്റെ സിഇഒ അനൂജ ബഷീർ പറഞ്ഞു. 2013-ൽ തൻ്റെ സംരംഭകത്വ യാത്ര ആരംഭിച്ച അനൂജ ഇന്ന് 30-ലധികം ഇൻകുബേറ്ററുകളുടെ ഉപദേശകയാണ്. സ്ത്രീകൾ, എൽജിബിടിക്യു, ഭിന്നശേഷിക്കാർ എന്നിവരെ സംരംഭകത്വത്തിലും തൊഴിൽ വികസനത്തിലും അവസരമൊരുക്കുന്ന NEED എന്ന എൻജിഒ സംരംഭത്തിലൂടെ അവർ ഒരു സാമൂഹിക സംരംഭക കൂടിയാണ്.
ഈ തന്ത്രപരമായ നിക്ഷേപത്തിലൂടെ കേരളത്തിലേക്കുള്ള പ്രവേശനം യാഥാർഥ്യമായതിൽ സന്തോഷമുണ്ടെന്ന് ഉഷോദയ എൻ്റർപ്രൈസസിൻ്റെ മുഖ്യ നിക്ഷേപ ഉപദേഷ്ടാവ് കാർത്തിക് വിദ്യാസാഗർ പറഞ്ഞു.
കേരള സ്റ്റാർട്ടപ്പ് മിഷൻ്റെ സ്കെയിൽ-അപ്പ് ഗ്രാൻ്റ്, ടൈംസ് ബിസിനസ് അവാർഡ് ഫോർ മോസ്റ്റ് പ്രോമിസിംഗ് ടെക്നോളജി സ്റ്റാർട്ട്അപ്പ്, നാഷണൽ ഫെയിം അവാർഡ്, ഇന്ത്യ എംഎസ്എംഇ അവാർഡ് തുടങ്ങിയ അംഗീകാരങ്ങൾ ഉൾപ്പെടെ ഫ്ലെക്സിക്ലൗഡിന് നിരവധി അവാർഡുകൾ ലഭിച്ചിട്ടുണ്ട്.
മീഡിയ, ഹോസ്പിറ്റാലിറ്റി, ഭക്ഷണ പാനീയങ്ങൾ എന്നിവയിൽ വ്യാപിച്ചുകിടക്കുന്ന വൈവിധ്യമാർന്ന റാമോജി ഗ്രൂപ്പ് പോർട്ട്‌ഫോളിയോയുടെ ഭാഗമായ ഉഷോദയ എൻ്റർപ്രൈസസ് പ്രൈവറ്റ് ലിമിറ്റഡ്, ക്ലൗഡ് കമ്പ്യൂട്ടിംഗിലെ ഈ തന്ത്രപരമായ നിക്ഷേപത്തിലൂടെ അത്യാധുനിക സാങ്കേതികവിദ്യകൾ സ്വീകരിക്കുന്നതിനും സംരംഭക എക്കോസിസ്റ്റം പ്രോത്സാഹിപ്പിക്കുന്നതിനുമുള്ള പ്രതിബദ്ധത ലക്ഷ്യമിടുന്നു .
Ushodaya Enterprises’ strategic investment in FlexiCloud Internet Private Limited, a leading provider of managed cloud hosting solutions based in Kochi, Kerala. Discover how this partnership aims to enhance cloud hosting services and foster innovation in the digital landscape.
