അഭിനയം തുണച്ചില്ല, ഇവന്റ് മാനേജ്മെന്റ് രക്ഷക്കെത്തി

അഭിനയത്തിനായി ക്രിക്കറ്റിലെ മികച്ച കരിയർ ഉപേക്ഷിച്ച അഭിനവ് ചതുർവേദി  ഇവന്റ് മാനേജിന്റ് രംഗത്താണ് തന്റെ സംരംഭ പാത കണ്ടെത്തിയത്.

കൗമാരപ്രായത്തിൽ ഡൽഹി ടീമിനായി  ടൂർണമെൻ്റുകളിൽ കളിച്ച  ക്രിക്കറ്റ് താരമായിരുന്നു അഭിനവ് ചതുർവേദി. എന്നാൽ അഭിനയമെന്ന സ്വപ്‌നവും അദ്ദേഹം മനസ്സിൽ സൂക്ഷിച്ചിരുന്നു. 20-ാം വയസ്സിൽ1984-ൽ ഹം ലോഗ് ടിവി ഷോയുടെ കാസ്റ്റിംഗിലൂടെ  ഷോയിലെ നായകന്മാരിൽ ഒരാളായ നൻഹെ ആയി അഭിനവിനെ തിരഞ്ഞെടുത്തു. ഷോയിൽ അഭിനയിച്ച അദ്ദേഹം ഒറ്റരാത്രികൊണ്ട് താരമായി. ഹം ലോഗ് വൻ ഹിറ്റായിരുന്നു, ഇന്ത്യയിൽ ഏറ്റവുമധികം ആളുകൾ കണ്ട ടിവി പ്രോഗ്രാമായി മാറി, ഇന്ത്യൻ ചരിത്രത്തിൽ ഏറ്റവുമധികം ആളുകൾ കണ്ട ടിവി ഷോകളിൽ ഒന്നായി ഇപ്പോഴും തുടരുന്നു. രണ്ട് വർഷത്തിന് ശേഷം ബുനിയാദ് എന്ന മറ്റൊരു വലിയ ടിവി ഷോയിൽ അദ്ദേഹം പ്രവർത്തിച്ചു. ടിവി സൂപ്പർസ്റ്റാർ എന്ന് മുദ്രകുത്തപ്പെട്ട അഭിനവ് പിന്നീട് ബിഗ് സ്‌ക്രീനിലേക്ക് തിരിഞ്ഞു. 1988ൽ പർബത് കെ ഉസ് പാർ എന്ന ചിത്രത്തിലൂടെയാണ് അദ്ദേഹം ബോളിവുഡിൽ അരങ്ങേറ്റം കുറിച്ചത്.ബോളിവുഡിൽ പക്ഷെ അഭിനവ് ചതുർവേദിയുടെചിത്രങ്ങൾ വൻ പരാജയങ്ങൾ ആയി മാറി.

80-കളുടെ അവസാനത്തിലും 90-കളുടെ തുടക്കത്തിലും, ബ്രഷ്താചാർ, ജീവൻ ഏക് സംഘർഷ്, യോദ്ധ തുടങ്ങിയ നിരവധി ചിത്രങ്ങളിൽ അഭിനവ് പ്രവർത്തിച്ചിട്ടുണ്ട്. ഇവയൊന്നും ബോക്സോഫീസിൽ നേട്ടമുണ്ടാക്കിയില്ല.  സൗദാഗർ (1991) പോലുള്ള ഹിറ്റുകൾ അദ്ദേഹത്തിന് ലഭിച്ചിട്ടുണ്ട്, എന്നാൽ ഈ സിനിമകളിൽ അദ്ദേഹത്തിന് ചെറിയ വേഷങ്ങൾ മാത്രമേ ഉണ്ടായിരുന്നുള്ളൂ. പക്ഷേ, നിരവധി പരാജയങ്ങൾക്ക് ശേഷം, 1992 ൽ അഭിനവ് തന്റെ അഭിനയ മോഹം  ഉപേക്ഷിച്ചു.  ആ സമയത്ത്  നടന്  മുംബൈയിലെ വീട് പോലും നഷ്ടപ്പെട്ടു. സിനിമകളോട് എന്നെന്നേക്കുമായി വിടപറഞ്ഞ് ഡൽഹിയിലേക്ക് മടങ്ങാൻ അദ്ദേഹം തീരുമാനിച്ചു.

തൊണ്ണൂറുകളിൽ അഭിനവ് ഡൽഹിയിൽ ഒരു പ്രൊഡക്ഷൻ ഹൗസ് തുടങ്ങാൻ ശ്രമിച്ചെങ്കിലും അത് നടന്നില്ല. 2001-02 മുതൽ അദ്ദേഹം ഒരു ടിവി പരമ്പരയിൽ ഹ്രസ്വമായി പ്രവർത്തിച്ചു, അത് അദ്ദേഹത്തിൻ്റെ അവസാന അഭിനയമായിരുന്നു.

എന്നാൽ ജീവിതത്തിലെ ജയപരാജയങ്ങളെ ഒന്നിൽ നിന്നും അഭിനവിനെ തടഞ്ഞില്ല. 2000ത്തിൽ അദ്ദേഹം കോർപ്പറേറ്റ് ലോകത്ത് ഇവൻ്റ് ഓർഗനൈസറായി പ്രവർത്തിക്കാൻ തുടങ്ങി, ഇന്ന്  ഇവന്റ്റ് മേഖലയിൽ തന്റെ  വിജയം കണ്ടെത്തിയിരിക്കുകയാണ് അഭിനവ്.

^{Explore the journey of Abhinav Chaturvedi, from his cricketing days to television stardom in ‘Hum Log’ and ‘Buniyaad,’ and his eventual transition to the corporate world.}