2010ലാണ് മൂന്ന് മാസം ഗർഭിണിയായിരുന്ന Malika, ഭർത്താവ് മോഹിതിനൊപ്പം ലണ്ടനിലേക്ക് പോകുന്നത്. 2012-ൽ ഒരു വയസുള്ള കുഞ്ഞിനെയും കൂട്ടി ഇന്ത്യയിൽ തിരിച്ചെത്തിയ ശേഷം ലണ്ടനിൽ വെച്ച് പരിചിതമായ ബേബി കെയർ ഉൽപ്പന്നങ്ങൾ ലഭ്യമാകാതെ വന്നു. പിന്നീട് ഭർത്താവിന്റെ വിദേശ യാത്രകളെയും വിദേശത്തുളള സുഹൃത്തുക്കളെയുമാണ് ഉല്പന്നങ്ങൾ എത്തിക്കാൻ ആശ്രയിച്ചത്. മോയ്സ്ചറൈസിംഗ് ലോഷനുകൾ, ഡയപ്പറുകൾ, വൈപ്പുകൾ തുടങ്ങിയവയെല്ലാം ഇങ്ങനെ എത്തിച്ചു. പിന്നീട് അതും സാധ്യമാകാതെ വന്നപ്പോൾ പതിയെ ഇന്ത്യൻ ബ്രാൻഡുകളിലേക്ക് മാറി. എന്നാൽ eczema dermatitis എന്ന ചർമരോഗം കുഞ്ഞിനെ പിടികൂടിയത് ഒരു പ്രത്യേക ബ്രാൻഡിന്റെ ലോഷനിൽ നിന്നാണെന്ന് തിരിച്ചറിഞ്ഞതോടെ പുതിയ വഴികളെ കുറിച്ച് ചിന്തിച്ചു തുടങ്ങി. കുഞ്ഞുങ്ങൾക്കായുളള പ്രകൃതിദത്ത ഉല്പന്നങ്ങളെന്ന ചിന്ത സ്റ്റാർട്ടപ്പിലേക്കും നയിച്ചു.