രാജ്യത്തിന്റെ പ്രതിരോധ ആവശ്യകതയുടെ 70% ഇറക്കുമതിയിലൂടെയാണ് നിറവേറ്റുന്നതെന്ന് റിപ്പോർട്ടുകൾ പറയുന്നു. വിദേശനാണ്യം ലാഭിക്കുന്നതിനും പ്രാദേശിക പ്രതിരോധ മേഖലയെ പ്രോത്സാഹിപ്പിക്കുന്നതിനുമായി, പ്രാദേശിക സംരംഭകരെ ആകർഷിക്കുന്നതിനുമായി സർക്കാർ നിരവധി പദ്ധതികൾ പ്രഖ്യാപിച്ചിട്ടുണ്ട്. 2025-ഓടെ സൈനിക ചരക്കുകളിലും സേവനങ്ങളിലും 25.5 ബില്യൺ ഡോളർ വിറ്റുവരവോടെ ഇന്ത്യയെ ‘ലോകത്തിന്റെ പ്രതിരോധ കേന്ദ്രം’ ആക്കാനുള്ള കേന്ദ്രത്തിന്റെ ശ്രമത്തിന് ബജറ്റിലും ധാരാളം പദ്ധതി പ്രഖ്യാപിച്ചിട്ടുണ്ട്. ലോക്കൽ ഡിഫൻസ് ആൻഡ് മാനുഫാക്ചറിംഗ് സെക്ടർ 2022-ഓടെ 1ട്രില്യൺ ഡോളറിലെത്തുമെന്നാണ് റിപ്പോർട്ട്. 2030-ഓടെ വ്യവസായം 70 ബില്യൺ ഡോളർ വിപണിയാകുമെന്ന് മറ്റൊരു റിപ്പോർട്ട് കണക്കാക്കുന്നു. ഇതുകൂടാതെ, രാജ്യത്തിന്റെ പ്രതിരോധ പ്രവർത്തനങ്ങൾ ശക്തിപ്പെടുത്തുന്നതിന് നൂതനമായ സൊല്യൂഷൻസ് നിർമ്മിക്കുന്ന 194 ഡിഫൻസ് ടെക് സ്റ്റാർട്ടപ്പുകൾ ഇന്ത്യയിലുണ്ട്. ഐഡിയഫോർജ്, ടോൺബോ ഇമേജിംഗ്, സിഎം എൻവയോൺസിസ്റ്റംസ്, വിസെക്‌സ്‌പെർട്ട്‌സ് എന്നിവ ഇവയിലെ പ്രധാനികളാണ്.