ഫിൻടെക് പേടിഎം, ഹോട്ടൽ അഗ്രഗേറ്റർ ഒയോ, എഡ്ടെക് ബൈജൂസ് എന്നിവയ്ക്ക് ശേഷം നാലാമത്തെ ഡെക്കാകോണായി ബംഗളൂരു ആസ്ഥാനമായുള്ള ഫുഡ് ആൻഡ് ഗ്രോസറി ഡെലിവറി പ്ലാറ്റ്‌ഫോമായ സ്വിഗ്ഗി. 10.7 ബില്യൺ ഡോളർ മൂല്യനിർണയത്തിൽ സ്വിഗ്ഗി 700 മില്യൺ ഡോളർ സമാഹരിച്ചു. ഇൻവെസ്‌കോ നയിച്ച ഫണ്ടിംഗ് റൗണ്ടിൽ ബാരൺ ക്യാപിറ്റൽ ഗ്രൂപ്പ്, സുമേരു വെഞ്ച്വർ, IIFL AMC ലേറ്റ് സ്റ്റേജ് ടെക് ഫണ്ട്, കൊട്ടക്, ആക്‌സിസ് ഗ്രോത്ത് അവന്യൂസ് AIF- I, സിക്‌സ്റ്റീൻത്ത് സ്ട്രീറ്റ് ക്യാപിറ്റൽ, ഗിസല്ലോ, സ്‌മൈൽ ഗ്രൂപ്പ്, സെഗാന്റി തുടങ്ങിയ പുതിയ നിക്ഷേപകരുടെ പങ്കാളിത്തത്തോടെ 700 മില്യൺ ഡോളർ നേടിയതായി കമ്പനി പ്രസ്താവനയിൽ പറ‍ഞ്ഞു. 

നിലവിലുള്ള നിക്ഷേപകരായ ആൽഫ വേവ് ഗ്ലോബൽ (മുമ്പ് ഫാൽക്കൺ എഡ്ജ് ക്യാപിറ്റൽ), ഖത്തർ ഇൻവെസ്റ്റ്‌മെന്റ് അതോറിറ്റി, ARK ഇംപാക്റ്റും പ്രോസസും റൗണ്ടിൽ പങ്കെടുത്തു. 10 ബില്യൺ ഡോളറോ അതിൽ കൂടുതലോ മൂല്യമുള്ള സ്ഥാപനങ്ങളാണ് ഡെക്കാക്കോൺ. 2021 ജൂലൈയിലെ അവസാന ഫണ്ടിംഗ് റൗണ്ടിൽ,SoftBank Vision Fund II, Prosus, Accel, Wellington എന്നിവയിൽ നിന്ന് 5.5 ബില്യൺ ഡോളർ മൂല്യത്തിൽ 1.25 ബില്യൺ ഡോളർ സ്വിഗ്ഗി സമാഹരിച്ചിരുന്നു.