പട്രോളിംഗിനായി ഇന്റേണൽ കമ്പസ്റ്റ്യൻ എഞ്ചിൻ വാഹനങ്ങളിൽ കിലോമീറ്ററുകളോളം വനംവകുപ്പ് ഉദ്യോഗസ്ഥർക്ക് ഒരു സ്ഥലത്ത് നിന്ന് മറ്റൊരിടത്തേക്ക് സഞ്ചരിക്കേണ്ടി വരാറുണ്ട്. ഈ മോട്ടോർബൈക്കുകൾ വളരെയധികം ശബ്ദമുണ്ടാക്കുകയും അന്തരീക്ഷ മലിനീകരണം സൃഷ്ടിക്കുകയും ചെയ്യുന്നു.വിശാലമായ ഷോല വനങ്ങളും സസ്യജന്തുജാലങ്ങളുമുള്ള കുദ്രെമുഖ് വന്യജീവി ഡിവിഷനിൽ കാടിന്റെ പ്രാകൃത സ്വഭാവം കണക്കിലെടുത്ത് ഇ-മൊബിലിറ്റി ഇവിടെ അനുയോജ്യമാകുമെന്ന് കരുതുന്നതായി പ്രൊഫസർ പൃഥ്വിരാജ് പറയുന്നു. വനത്തിൽ പട്രോളിംഗിന് നിശബ്ദത ആവശ്യമാണ്. അങ്ങനെയൊരു ചിന്തയിൽ നിന്നാണ് VidhYug 4.0 പിറവിയെടുക്കുന്നത്.ഇ-ബൈക്ക് രൂപകൽപ്പന ചെയ്യാൻ, ആദ്യം ഫോറസ്റ്റ് ഡിപ്പാർട്ട്‌മെന്റിനെ സമീപിച്ച് ആവശ്യകതകൾ മനസിലാക്കി. ചെരിവുകളിലും പരുക്കൻ ഭൂപ്രദേശങ്ങളിലും കയറാൻ ആവശ്യമായ പവർ, ടോർക്ക്, വേഗത എന്നിവ‌ കണക്കാക്കി കൺസെപ്റ്റ് ഡിസൈൻ തയ്യാറാക്കി. പ്രോട്ടോടൈപ്പ് തയ്യാറാക്കി കുദ്രേമുഖ് വൈൽഡ് ലൈഫ് ഡിവിഷനിൽ തന്നെ പരീക്ഷിച്ചു. ഉദ്യോഗസ്ഥരിൽ നിന്നുളള ഫീഡ്ബാക്ക് എടുത്തു. കോവിഡ് രണ്ടാം തരംഗത്തിലെ ലോക്ക്ഡൗൺ സമയത്ത് VidhYug 4.0 രൂപകൽപ്പന ചെയ്യുകയും വികസിപ്പിക്കുകയും ചെയ്തു.ഏഴോ എട്ടോ മാസങ്ങൾക്കുള്ളിൽ, ഉൽപ്പന്നം പൂർണ്ണമായും പ്രവർത്തനക്ഷമവും ഉപയോഗത്തിനും തയ്യാറായി.