ഹോം റിനവേഷൻ & ഇന്റീരിയർ പ്ലാറ്റ്ഫോം ലിവ് സ്പേസ് ഇനി യൂണികോൺ. അമേരിക്കൻ ഇൻവെസ്റ്റ്മെന്റ് കമ്പനിയായ കെകെആർ നേതൃത്വം നൽകിയ ഫണ്ടിംഗ് റൗണ്ടിൽ 180 മില്യൺ ഡോളർ ഫണ്ടിംഗ് നേടിയതോടെ ലിവ് സ്പേസ് യൂണികോൺ ആയി മാറുന്നു. സ്വീഡിഷ് റീട്ടെയ്‌ലർ Ikea, മറ്റ് ആദ്യകാല നിക്ഷേപകരായ ജംഗിൾ വെഞ്ചേഴ്‌സ്, വെഞ്ചൂറി പാർട്‌ണേഴ്‌സ്, പ്യൂഷോ ഇൻവെസ്റ്റ്‌മെന്റ് എന്നിവയും ഈ റൗണ്ടിൽ നിക്ഷേപം നടത്തി. അന്താരാഷ്ട്ര വിപുലീകരണം ഇരട്ടിയാക്കാനും പ്രാദേശിക എതിരാളികളെ മത്സരത്തിൽ മറികടക്കാനും പുതിയ ഫണ്ടിംഗ് സഹായകമാകുമെന്ന് ലിവ് സ്പേസ്. ഏഷ്യാ പസഫിക്, മിഡിൽ ഈസ്റ്റ്, നോർത്ത് ആഫ്രിക്ക, ഓസ്‌ട്രേലിയ തുടങ്ങിയ വിപണികളിൽ കരുത്താർജ്ജിക്കുന്നതിനാണ് കമ്പനി ശ്രമിക്കുമെന്ന് സിഇഒയും കോ ഫൗണ്ടറുമായ അനൂജ് ശ്രീവാസ്തവ പറഞ്ഞു. ഇതുവരെ ഏകദേശം 450 മില്യൺ ഡോളർ സമാഹരിച്ചിട്ടുണ്ട്. വെഞ്ച്വർ ഇന്റലിജൻസ് യൂണികോൺ ട്രാക്കർ പറയുന്നതനുസരിച്ച്, ഇന്ത്യയിൽ നിന്നുള്ള 86-ാമത്തെ യൂണികോണാണ് ലിവ് സ്പേസ്.