ഹെൽത്ത് ആന്റ് ഫിറ്റ്‌നസ് പ്ലാറ്റ്‌ഫോമായ Cult.fit ഇന്ത്യയിലുടനീളമുള്ള ഗോൾഡ് ജിം ഫിറ്റ്‌നസ് സെന്റർ ശൃംഖലയുടെ ഭൂരിഭാഗം ഓഹരികളും ഏറ്റെടുക്കുന്നു.F2 ഫൺ & ഫിറ്റ്‌നസ് ഇന്ത്യ പ്രൈവറ്റ് ലിമിറ്റഡിന്റെ ഭൂരിഭാഗം ഓഹരികളും ഏറ്റെടുത്തതായും അതുവഴി ഇന്ത്യയിലെ ഗോൾഡ്‌ ജിമ്മിന്റെ മാസ്റ്റർ ഫ്രാഞ്ചൈസി പാർട്‌ണറായി മാറുമെന്നും Cult.fit അറിയിച്ചു. ഈ തന്ത്രപരമായ പങ്കാളിത്തത്തിന്റെ ഭാഗമായി, Cult.fit,  മാർക്കറ്റിംഗ് തന്ത്രലൂടെയും ഫ്രാഞ്ചൈസികൾ വഴിയുള്ള സെന്റർ വിപുലീകരണത്തിന് സൗകര്യമൊരുക്കുന്നതിലും വരും വർഷങ്ങളിൽ നിക്ഷേപം നടത്തും. Cult.fit-ന്റെ ഈ നിക്ഷേപം, ഇന്ത്യയിലെ ഏറ്റവും വലിയ ഫിറ്റ്നസ് & വെൽനസ് ഇക്കോസിസ്റ്റം കെട്ടിപ്പടുക്കുന്നതിനുള്ള കമ്പനിയുടെ ശ്രമങ്ങളെ ശക്തിപ്പെടുത്തുന്നതിന് ഏറ്റെടുക്കൽ സഹായകമാകുമെന്ന് കമ്പനി പറയുന്നു. Cult.fit, വരും വർഷങ്ങളിൽ അവരുടെ വളർച്ചയെ കൂടുതൽ മുന്നോട്ട് കൊണ്ടുപോകുന്നതിനായി, മെട്രോ ഇതര നഗരങ്ങളിലും പട്ടണങ്ങളിലും, അതിന്റെ ബിസിനസ്സ് ദേശീയതലത്തിൽ സ്കെയിൽ ചെയ്യുന്നത് തുടരാനാണ് പദ്ധതിയിടുന്നത്.