പലചരക്ക് സാധനങ്ങൾ ഓൺലൈനായി വാങ്ങുന്നവരിൽ 8 ശതമാനം പേരും അതിവേഗ ഡെലിവറിക്കാണ് മുൻഗണന നൽകുന്നത്. അതേസമയം 86 ശതമാനം ഷോപ്പർമാരുടെയും പ്രധാന മാനദണ്ഡം സെലക്ഷൻ, ലഭ്യത, മൂല്യം എന്നിവയാണ്.10 വീടുകളിൽ ഒരാൾ ക്വിക്ക് കൊമേഴ്‌സ് ആപ്പുകൾ വഴി പ്രതിമാസം 10 ഓർഡറുകൾ നൽകുന്നുണ്ട്. ഫാസ്റ്റ് ഡെലിവറി ആപ്പുകൾ ഉപയോഗിക്കുന്ന കുടുംബങ്ങളിൽ 71 ശതമാനം പേരും അവശ്യസാധനങ്ങൾ അല്ലെങ്കിൽ ഭക്ഷണസാധനങ്ങൾ വാങ്ങാൻ ഉപയോഗിക്കുന്നു. 29 ശതമാനം പേർ അവരുടെ ദൈനംദിന പലചരക്ക് സാധനങ്ങൾ വാങ്ങുന്നു.പൈലറ്റ് പ്രോഗ്രാമിൽ ഇൻസ്റ്റമാർട്ട്,ബ്ലിങ്കിറ്റ്,ഫ്ലിപ്കാർട്ട് എന്നിവ ഡെലിവറിയിൽ മുന്നിലെത്തിയപ്പോൾ ബിഗ് ബാസ്കറ്റ്, സെലക്ഷനിലും സർവീസിലും ഒന്നാമതായെന്ന് സർവ്വെ സൂചിപ്പിക്കുന്നു. ആമസോൺ ഫ്രഷ്, സർവീസിലാണ് മുന്നിലെത്തിയതെങ്കിൽ ജിയോമാർട്ട് വാല്യുവിലും സെലക്ഷനിലും റേറ്റിംഗ് നേടി. പുതിയ പ്ലാറ്റ്‌ഫോമായ സെപ്‌റ്റോ,ഓല ഡാഷ് എന്നിവയും ഫാസ്റ്റ് ഗ്രോസറി ‍ഡെലിവറിയിൽ ഇപ്പോൾ രംഗത്തുണ്ട്. കഴിഞ്ഞ വർഷം പുറത്തിറക്കിയ റെഡ്‌സീർ റിപ്പോർട്ട് അനുസരിച്ച്, ഇന്ത്യയുടെ ക്വിക്ക് കൊമേഴ്സ് മേഖല അടുത്ത അഞ്ച് വർഷത്തിനുള്ളിൽ 10-15 മടങ്ങ് വളർച്ച നേടി 2025 ഓടെ 5 ബില്യൺ ഡോളർ വിപണിയായി മാറുമെന്ന് പ്രതീക്ഷിക്കുന്നു.