2014-ൽ ഗുരുഗ്രാമിൽ അക്സ് (AKS) എന്ന സ്ത്രീകളുടെ എത്നിക് ക്ലോത്തിംഗ് ബ്രാൻഡ് നിധി ആരംഭിച്ചു. പ്രതിഫലനം എന്നും പ്രതിച്ഛായ എന്നും അർത്ഥമുളള പദമാണ് അക്സ്. 3.5 ലക്ഷം രൂപയ്ക്ക് ആരംഭിച്ച ക്ലോത്തിംഗ് ബ്രാൻഡ് 137 കോടി രൂപയുടെ വിറ്റുവരവ് പിന്നീട് നേടി. 18നും 35നും ഇടയിൽ പ്രായമുള്ള സ്ത്രീകളെയാണ് AKS ലക്ഷ്യമിട്ടത്. കുർത്ത, അനാർക്കലി, മാക്സി വസ്ത്രങ്ങൾ, ലെഹംഗ, പരമ്പരാഗത സ്യൂട്ടുകൾ എന്നിവയാണ് അവതരിപ്പിച്ചത്. ഓരോ രണ്ടാഴ്ച കൂടുമ്പോഴും 15-29വരെ പുതിയ വസ്ത്രശൈലികൾ ബ്രാൻഡ് പുറത്തിറക്കി. അക്കാലത്ത് മറ്റൊരു ബ്രാൻഡും അത് ചെയ്തിരുന്നില്ല. ഒരിക്കൽ വിറ്റു തീരുന്ന ഡിസൈനുകൾ വീണ്ടും ഉണ്ടാക്കില്ലെന്ന് നിധി പറയുന്നു.സൂറത്ത്, അഹമ്മദാബാദ്, ജോധ്പൂർ എന്നിവിടങ്ങളിൽ നിന്നാണ് തുണിത്തരങ്ങൾ കൊണ്ടുവരുന്നത്. 50% ഉൽപ്പാദനം ഡൽഹിയിലും ബാക്കി 50% ജയ്പൂരിലുമാണ് നടക്കുന്നത്. നിലവിൽ, കമ്പനിക്ക് ജയ്പൂരിൽ പ്രിന്റിംഗ്, ഡൈയിംഗ്, സ്റ്റിച്ചിംഗ്, മാനുഫാക്ചറിംഗ് യൂണിറ്റുകളുണ്ട്. കമ്പനി വെയർഹൗസ് ഡൽഹിയിലേക്ക് മാറ്റുകയാണ്.