ഇന്ന്, പണപ്പെരുപ്പം, ദുർബലമായ വാങ്ങൽ ശേഷി, അന്താരാഷ്ട്ര മത്സരം എന്നിവ ഉൾപ്പെടെ, സംഭരിച്ചിരിക്കുന്ന കരുതൽ ആസ്തികളുടെ മൂല്യത്തിൽ രാജ്യങ്ങളും സ്ഥാപനങ്ങളും നിരവധി ഭീഷണികൾ നേരിടുന്നു. അപൂർവമായതും മൂന്നാം കക്ഷി ശക്തികൾക്ക് സ്വാധീനിക്കാനാകാത്തതുമായ ഇതര കരുതൽ ആസ്തികളാണ് ഇപ്പോൾ തേടുന്നത്. വികേന്ദ്രീകൃതമായതിനാൽ ബിറ്റ്കോയിൻ പോലുള്ള ക്രിപ്‌റ്റോകറൻസികൾക്ക് ധാരാളം സാധ്യതകളുണ്ടെന്ന് വിലയിരുത്തപ്പെടുന്നു. ട്രാൻസാങ്ഷൻ ഡാറ്റ സംഭരിക്കുന്നതിനുളള ഒരു വികേന്ദ്രീകൃത സംവിധാനമാണ് ബിറ്റ്കോയിൻ അനുവർത്തിക്കുന്നത്. ഒരു പബ്ലിക് ലെഡ്ജർ അല്ലെങ്കിൽ ഡാറ്റാബേസിലെ ബ്ലോക്കുകളിലാണ് ഡാറ്റ സംഭരണം നടക്കുന്നത്. ഡാറ്റാബേസിൽ സംഭവിക്കുന്ന മാറ്റങ്ങളും പ്രവർത്തനങ്ങളും നിയന്ത്രിക്കുന്ന ഒരു കേന്ദ്രീകൃത അതോറിറ്റിയും ഇല്ലെന്നാണ് ഇതിനർത്ഥം. പകരം, ബിറ്റ്‌കോയിൻ ബ്ലോക്ക്‌ചെയിനിലെ ഇടപാട് ഡാറ്റ, ഒരു നെറ്റ് വർക്ക് പരിശോധിച്ചുറപ്പിക്കുന്നു.ഇതിനർത്ഥം ഡാറ്റാബേസിലെ എന്തെങ്കിലും മാറ്റങ്ങളും പ്രവർത്തനങ്ങളും നെറ്റ്‌വർക്കിലെ എല്ലാ നോഡുകളും പരിശോധിച്ചുറപ്പിക്കുകയും അംഗീകരിക്കുകയും വേണം.  ഇത് ബിറ്റ്കോയിന്റ ബ്ലോക്ക്ചെയിൻ ഘടനയെ സുരക്ഷിതവും സ്ഥിരതയുളളതുമാക്കുന്നു. ഇതിനാൽ ഒരു കരുതൽ ആസ്തി എന്ന നിലയിൽ ബിറ്റ്കോയിൻ മൂന്നാം കക്ഷികളുടെ നിയന്ത്രണമെന്ന ഘടകത്തെ നീക്കം ചെയ്യും.  പ്രധാനമായും കറൻസിയിൽ തന്നെ അവരുടെ സ്വാധീനം ഇല്ലാതാക്കും.കൂടാതെ,   സ്രഷ്ടാവായി ലോകമറിയുന്ന സതോഷി നകാമോട്ടോ ബിറ്റ്കോയിൻ അവതരിപ്പിച്ചപ്പോൾ തന്നെ ബ്ലോക്ക്ചെയിനിൽ അവതരിപ്പിക്കാവുന്ന ബിറ്റ്കോയിൻ ടോക്കണുകളുടെ ഒരു നിശ്ചിത പരിധി കൂട്ടിച്ചേർത്തിരുന്നു. ഈ പരിധി 21 ദശലക്ഷം ടോക്കണുകളായിട്ടാണ് സജ്ജീകരിച്ചത്. പരിമിതമായ വിതരണം ബിറ്റ്കോയിനെ ഒരു ദുർലഭ ആസ്തിയായും പണപ്പെരുപ്പത്തിനെതിരായ മികച്ച പ്രതിരോധവുമാക്കുന്നു. ട്രാൻസാങ്ഷൻ പ്രക്രിയയിൽ ഇടനിലക്കാരെ നീക്കം ചെയ്യുന്നതും ഈ സംവിധാനത്തെ വേഗത്തിലാക്കുന്നു. കൂടാതെ, ഇടപാടുകളിൽ പങ്കെടുക്കുന്ന ഒരു വ്യക്തിയുമായി വാലറ്റ് അഡ്രസുകൾ മാത്രം പ്രകടമാക്കപ്പെടുന്നതിനാൽ ഫിയറ്റ് കറൻസികളേക്കാൾ രഹസ്യാത്മകമായ ഒരു സ്വഭാവം  ബിറ്റ്കോയിൻ നൽകുന്നു.