വിലക്കുറവിൽ ടാറ്റ പഞ്ച്

വിപണിയിലും നിരത്തിലും കരുത്ത് തെളിയിച്ച ടാറ്റ പഞ്ച് ഇവി 2024 ഇപ്പോൾ വാങ്ങുന്നവർക്ക്  50,000 രൂപ വരെ കിഴിവുകളും ആനുകൂല്യങ്ങളും ലഭിക്കും. ഈ ആനുകൂല്യം  Punch EV Empowered +S LR AC fast charger (FC) വേരിയന്റിന്  മാത്രമേ ലഭ്യമാകൂ.

ജനുവരിയിൽ ലോഞ്ച് ചെയ്തതിന് ശേഷം ആദ്യമായി 7.2kW ചാർജറുള്ള പഞ്ച് EV Empowered +S LR-ന് 50,000 രൂപ വരെ കിഴിവ് ലഭിക്കും എന്നാണ് ടാറ്റ മോട്ടോഴ്സിന്റെ അറിയിപ്പ്.

 ജനുവരി 17 ന് പഞ്ച് ഇവി അവതരിപ്പിക്കുന്നതിന് മുമ്പ്, ഇന്ത്യയിലെ ടാറ്റ ഡീലർഷിപ്പുകൾക്ക് അതിവേഗ 7.2 കിലോവാട്ട് ACയുമായി വരുന്ന ടോപ്പ്-സ്പെക്ക് എംപവേർഡ് + എസ് എൽആർ വേരിയൻ്റിൻ്റെ കൂടുതൽ യൂണിറ്റുകൾ ടാറ്റ വിതരണം ചെയ്തിരുന്നു.

ടാറ്റായുടെ ഈ ടോപ്പ് സ്പെക്ക് മോഡൽ വിറ്റഴിക്കുന്നതിനാണ് ഡീലർമാർ വഴി  ഇൻഷുറൻസ് ആനുകൂല്യങ്ങളും അധിക ഡീലർ ഡിസ്കൗണ്ടുകളും സഹിതം 50,000 രൂപ കിഴിവ് വാഗ്ദാനം ചെയ്യുന്നത് .  

ഇതോടെ പഞ്ച് EV ടോപ്പ്-സ്പെക്ക് മോഡലിൻ്റെ എക്‌സ്-ഷോറൂം വില 15.49 ലക്ഷം രൂപയിൽ നിന്ന് 15 ലക്ഷം രൂപയായി കുറയും.  

മികച്ച പെർഫോമൻസാണ് പഞ്ച് ഇവി എംപവേർഡ് +എസ് എൽആർ എസി എഫ്‌സി വേരിയൻ്റിന്.  ARAI റേറ്റുചെയ്ത 421 കിലോമീറ്റർ റേഞ്ച് ഉള്ള വലിയ 35kWh ബാറ്ററിയും, കൂടുതൽ ശക്തമായ 122hp മോട്ടോറും ഇലക്ട്രോണിക് പാർക്കിംഗ് ബ്രേക്ക്, ഹിൽ-ഡിസൻ്റ് കൺട്രോൾ തുടങ്ങിയ പ്രീമിയം സവിശേഷതകളും ഈ വേരിയന്റിനുണ്ട്.

സൺറൂഫ്, ആംബിയൻ്റ് ലൈറ്റിംഗ്, ലെതറെറ്റ് സീറ്റുകൾ, വെൻ്റിലേറ്റഡ് ഫ്രണ്ട് സീറ്റുകൾ, 360 ഡിഗ്രി ക്യാമറ, ഇൻഫോടെയ്ൻമെൻ്റിനും ഡ്രൈവർ ഡിസ്പ്ലേക്കുമായി 10.25 ഇഞ്ച് സ്ക്രീനുകൾ എന്നീ  സവിശേഷതകളും പഞ്ച് ഇവി എംപവേർഡിനുണ്ട്.

^{The exclusive discounts and benefits offered on the Tata Punch EV Empowered +S LR AC FC variant, including insights into the discount structure, availability, pricing considerations, and premium features.}