കുരങ്ങിനും തിമിര ശസ്ത്രക്രിയ  

സ്വന്തം വൈകല്യങ്ങൾ ഡോക്ടറോട് പറഞ്ഞ് ചികിത്സിക്കാൻ സാധിക്കാത്ത മൃഗങ്ങളുടെ ജീവിതം എത്ര ദുരിതപൂർണ്ണമാണ്. എന്നാൽ ഹരിയാനയിലെ ഹിസാർ സർക്കാർ ആരോഗ്യ സർവകലാശാല തിമിരമുള്ള ഒരു കുരങ്ങിന് സർജറി നടത്തി.  വൈദ്യുതാഘാതമേറ്റ് പൊള്ളലേറ്റ് ആശുപത്രിയിൽ പ്രവേശിപ്പിച്ച കുരങ്ങിൻ്റെ തിമിര ശസ്ത്രക്രിയയാണ് ഹിസാർ സർക്കാർ ആരോഗ്യ സർവകലാശാല  വിജയകരമായി  നടത്തി .

ഹിസാറിലെ ലാലാ ലജ്പത് റായ് യൂണിവേഴ്‌സിറ്റി ഓഫ് വെറ്ററിനറി ആൻഡ് അനിമൽ സയൻസസിൻ്റെ (LUVAS) റിപ്പോർട്ട് പ്രകാരം  ഹരിയാനയിൽ കുരങ്ങിൽ നടത്തിയ ആദ്യത്തെ തിമിര ശസ്ത്രക്രിയയാണിത്. വൈദ്യുതാഘാതമേറ്റ് പൊള്ളലേറ്റ നിലയിലാണ് കുരങ്ങിനെ കാമ്പസിലേക്ക് കൊണ്ടുവന്നതെന്ന് ലുവാസിലെ ആനിമൽ സർജറി ആൻഡ് റേഡിയോളജി വിഭാഗം മേധാവി ആർ എൻ ചൗധരി പറഞ്ഞു.

തുടക്കത്തിൽ നടക്കാൻ പറ്റാത്ത അവസ്ഥയായിരുന്നു. എന്നാൽ ഏറെ നാളത്തെ പരിചരണത്തിനും ചികിത്സയ്ക്കും ശേഷം കുരങ്ങൻ നടക്കാൻ തുടങ്ങിയപ്പോൾ കുരങ്ങന് കാഴ്ചശക്തിയില്ലെന്ന് ഡോക്ടർമാർ കണ്ടെത്തിയതായി ചൗധരി ഔദ്യോഗിക കുറിപ്പിൽ പറഞ്ഞു. ഇതിനുശേഷം, കുരങ്ങിനെ ചികിത്സയ്ക്കായി ലുവാസ് സർജറി വിഭാഗത്തിൽ എത്തിച്ചു. സർവ്വകലാശാലയിലെ അനിമൽ ഐ വിഭാഗത്തിൽ നടത്തിയ പരിശോധനയിൽ കുരങ്ങന് രണ്ട് കണ്ണുകളിലും വെളുത്ത തിമിരം ബാധിച്ചതായി ഡോ. പ്രിയങ്ക ദുഗ്ഗൽ കണ്ടെത്തി.

ഒരു കണ്ണിലെ വിട്രിസിനും കേടുപാട് സംഭവിച്ചിരുന്നു.  ശസ്ത്രക്രിയയ്ക്ക് ശേഷം കുരങ്ങന് കാഴ്ച തിരിച്ചു കിട്ടി.

^{LUVAS in Hisar successfully performs a pioneering cataract surgery on a monkey, marking a first for Haryana. Discover this breakthrough in veterinary medicine and animal welfare.}