രാമായണ കഥ പറയും  എയർപോർട്ട്

അയോധ്യയിലെ മഹാഋഷി വാൽമീകി അന്താരാഷ്ട്ര എയർപോർട്ട്  ഒരു ഗതാഗത കേന്ദ്രം മാത്രമല്ല, അത് രാജ്യത്തിൻ്റെ സാംസ്കാരിക സമൃദ്ധിയുടെ സാക്ഷ്യം കൂടിയാണ്. അയോധ്യയുടെ വിമാനത്താവളമായത് കൊണ്ട് തന്നെ പരമ്പരാഗത വാസ്തുവിദ്യയിൽ നിന്ന്  വ്യതിചലിച്ചുകൊണ്ട്   ആത്മീയമായ ദൃശ്യങ്ങളും അന്തരീക്ഷവുമാണ് വിമാനത്താവളത്തിനു നൽകിയിരിക്കുന്നത്.  വിമാനത്താവളത്തിൻ്റെ വാസ്തുവിദ്യ  ചരിത്രം, പാരമ്പര്യം, സമ്പ്രദായങ്ങൾ, പുരാണ കഥകൾ എന്നിവയെ കൂട്ടിയിണക്കുന്നു.

ഹരിത ബിൽഡിംഗ് സർട്ടിഫിക്കേഷനോടുകൂടിയതാണ് വിമാനത്താവളം.വ്യോമയാനരംഗത്ത്  പരിസ്ഥിതി ബോധമുള്ള ഒരു പുതിയ യുഗത്തിനും അയോദ്ധ്യ തുടക്കം കുറിച്ചിരിക്കുന്നു.  

86111.28 ചതുരശ്ര അടി വിസ്തീർണത്തിൽ ആർക്കിടെക്ടുമാരായ സ്ഥപതിയാണ് Maharishi Valmiki International Airport ന്റെ ശിൽപികൾ. വിമാനത്താവളത്തിന് മൊത്തത്തിൽ ഒരു പൈതൃക കെട്ടിടത്തിന്റെ ഡിസൈനാണ്. പില്ലറുകൾ, വാതിലുകൾ, ചിത്രപ്പണികൾ, പെയിന്റിങ്ങുകൾ എന്നിവയൊക്കെ അയോധ്യയുടെ പൈതൃക ചരിത്രം വിളിച്ചു പറയുന്നു.

രണ്ട് നിലകളുള്ള അയോധ്യ വിമാനത്താവളം വിശുദ്ധ നഗരത്തിൻ്റെ സമ്പന്നമായ ചരിത്രം ചിത്രീകരിക്കുന്ന എലവേഷൻ ഘടകങ്ങളാൽ അലങ്കരിച്ചിരിക്കുന്നു. താഴത്തെ നിലയിൽ  യാത്രക്കാർക്കായി വിശാലമായ സൗകര്യങ്ങൾ ഒരുക്കിയിട്ടുണ്ട്.  എയർപോർട്ട് സാങ്കേതിക, ഭരണ പ്രവർത്തനങ്ങൾ ഒന്നാം നിലയിൽ നിന്നാണ് നടത്തുന്നത്.

ടെർമിനൽ ഉൾഭാഗം രാമായണം കഥകൾ വിവരിക്കുന്ന ചിത്രങ്ങളാൽ നിറഞ്ഞിരിക്കുന്നു.    ശ്രീരാമൻ ആരായിരുന്നുവെന്നു അയോധ്യയിലെത്തുന്നവർക്ക്  ആ ചിത്രങ്ങളിലൂടെ നിസംശയം ഓർത്തെടുക്കാം.  സ്കൈലൈറ്റുകൾ വഴികാട്ടിയായ ബീക്കണുകളായി  യാത്രക്കാർക്ക് ഒരു സെൻസറി അനുഭവം നൽകുകയും ചെയ്യുന്നു.

കാർബൺ ന്യൂട്രാലിറ്റിക്ക് ഉദാഹരണമാണ് വിപുലമായ ഗവേഷണത്തിനും സാങ്കേതിക കൃത്യതയ്ക്കും ശേഷം ഗ്ലാസ് ഫൈബർ റൈൻഫോഴ്‌സ്ഡ് കോൺക്രീറ്റിൽ GRC സൂക്ഷ്മമായി രൂപപ്പെടുത്തിയ അലങ്കാരപ്പണികൾ . ഇത് കാർബൺ പുറന്തള്ളൽ ഗണ്യമായി കുറയ്ക്കുന്നു. ലോകത്തിലെ ഏറ്റവും വലിയ തീർത്ഥാടന കേന്ദ്രങ്ങളിലൊന്നായി അയോധ്യയെ കൂടുതൽ വികസിപ്പിക്കുന്നതിനും ,തടസ്സമില്ലാത്ത കണക്റ്റിവിറ്റി നൽകുന്നതിനും, തീർഥാടകർക്ക്  അയോധ്യയിലേക്കുള്ള യാത്ര കൂടുതൽ ആക്സസ് ചെയ്യുന്നതിനും  വേണ്ടിയാണ് വിമാനത്താവളം രൂപകൽപ്പന ചെയ്തിരിക്കുന്നത്.

^{Discover Ayodhya Airport, a green building-certified marvel blending sustainable infrastructure with cultural heritage. Learn about its design, amenities, and significance in promoting holistic community development.}