ലോകത്തിലെ ഏറ്റവും വലിയ സ്വകാര്യ വസതി എന്ന ബഹുമതി ബറോഡയിലെ ഗെയ്ക്വാദ് കുടുംബത്തിൻ്റെ ഉടമസ്ഥതയിലുള്ള ലക്ഷ്മി വിലാസ് കൊട്ടാരത്തിനാണ്. ബക്കിംഗ്ഹാം കൊട്ടാരത്തേക്കാൾ നാലിരട്ടിയിലേറെ വലിപ്പമുണ്ട് മൂന്നു കോടി ചതുരശ്ര അടി വിസ്‌തീർണമുള്ള ഈ കൊട്ടാരത്തിന് . ഒരിക്കൽ ബറോഡയുടെ ഭരണാധികാരികളായിരുന്നു ഗെയ്‌ക്‌വാദുകൾ. രാധികരാജെ ഗെയ്ക്വാദ് സമർജിത്‌സിംഗ് ഗെയ്ക്വാദ് ദമ്പതികളാണ് ഇവിടത്തെ താമസക്കാർ.
ലക്ഷ്മി വിലാസ് കൊട്ടാരം 3,04,92,000 ചതുരശ്ര അടി വിസ്തീർണ്ണമുള്ളതാണ്, അതേസമയം ബക്കിംഗ്ഹാം കൊട്ടാരത്തിൻ്റെ 8,28,821 ചതുരശ്ര അടി മാത്രമാണ്. 15,000 കോടി രൂപ വിലമതിക്കുന്ന ലോകത്തിലെ ഏറ്റവും ചെലവേറിയ വസതിയായ മുകേഷ് അംബാനിയുടെ ആൻ്റിലിയയുടെ വിസ്തീർണ്ണം 48,780 ചതുരശ്ര അടിയാണ്. 170-ലധികം മുറികളുള്ളതാണ് ലക്ഷ്മി വിലാസ് കൊട്ടാരം . ഏകദേശം 180,000 ബ്രിട്ടൺ പൗണ്ട് ചിലവഴിച്ച് 1890-ൽ മഹാരാജ സയാജിറാവു ഗെയ്ക്വാദ് മൂന്നാമൻ നിർമ്മിച്ചതാണ് കൊട്ടാരം. കൊട്ടാരത്തിൽ ഒരു ഗോൾഫ് കോഴ്‌സും ഉണ്ട്.
വായനക്കാരനും എഴുത്തുകാരനുമായ രാധികരാജെ ഗെയ്ക്വാദ് ഡൽഹി സർവകലാശാലയിലെ ലേഡി ശ്രീറാം കോളേജിൽ നിന്ന് ഇന്ത്യൻ ചരിത്രത്തിൽ ബിരുദാനന്തര ബിരുദം നേടിയിട്ടുണ്ട്. 2002-ൽ മഹാരാജാ സമർജിത്‌സിൻ ഗെയ്‌ക്‌വാദുമായുള്ള വിവാഹത്തിന് മുമ്പ് അവർ ഒരു ജേർണലിസ്റ്റായി ജോലി ചെയ്തിരുന്നു.
നിലവിൽ എച്ച്ആർഎച്ച് സമർജിത്‌സിംഗ് ഗെയ്‌ക്‌വാദാണ് കുടുംബത്തെ നയിക്കുന്നത്. 2012ൽ ലക്ഷ്മി വിലാസ് കൊട്ടാരത്തിൽ നടന്ന പരമ്പരാഗത ചടങ്ങിലാണ് സമർജിത്‌സിംഗ് ഗെയ്ക്വാദ് ബറോഡ കിരീടം ചൂടിയത്.
Laxmi Vilas Palace, the world’s largest private residence, owned by the Gaekwad family of Baroda. Learn about its history, dimensions, and the royal family leading it.
