രാജ്യം ഒരു സ്വാതന്ത്ര്യദിനം കൂടി ആഘോഷിക്കാൻ ഒരുങ്ങുകയാണ്. ഈ സുപ്രധാന ദിനം രാഷ്ട്രത്തെ അഭിസംബോധന ചെയ്തുകൊണ്ടുള്ള പ്രധാനമന്ത്രി മോദിയുടെ പ്രസംഗവും പരേഡും കൊണ്ട് അടയാളപ്പെടുത്തും. രണ്ട് നൂറ്റാണ്ടോളം നീണ്ട ബ്രിട്ടീഷ് കൊളോണിയൽ ഭരണത്തിൽ നിന്ന് ഇന്ത്യയുടെ സ്വാതന്ത്ര്യത്തിലേക്ക് നയിച്ച പോരാട്ടത്തെ ആദരിക്കുകയും ഇന്ത്യയുടെ സ്വാതന്ത്ര്യത്തിന് വേണ്ടി ജീവൻ ബലിയർപ്പിച്ച പതിനായിരക്കണക്കിന് ആളുകളെ ആദരിക്കുകയും ചെയ്തുകൊണ്ടാണ് ഓരോ സ്വാതന്ത്ര്യ ദിനവും കടന്നു പോകുന്നത്.
2047-ഓടെ ഇന്ത്യയെ ഒരു വികസിത രാഷ്ട്രമാക്കി മാറ്റാനുള്ള സർക്കാരിൻ്റെ വീക്ഷണത്തെ പ്രതിഫലിപ്പിക്കുന്ന ‘വിക്ഷിത് ഭാരത്’ എന്നതാണ് ഈ വർഷത്തെ സ്വാതന്ത്ര്യ ദിനത്തിൻ്റെ തീം. ഈ വർഷം നമ്മൾ ആഘോഷിക്കുന്നത് ബ്രിട്ടീഷ് ഭരണത്തിൽ നിന്ന് ഇന്ത്യ സ്വാതന്ത്ര്യം നേടിയതിൻ്റെ 77-ാമതെ ആഘോഷമാണോ അല്ലെങ്കിൽ 78-ാമത്തെ ആണോ എന്ന കാര്യത്തിൽ ആണ് എല്ലാവർക്കും ഏറ്റവും കൂടുതൽ സംശയമുണ്ടാകാറുള്ളത്.
1947 ആഗസ്ത് 15 ന് ഇന്ത്യയിലെ ബ്രിട്ടീഷ് കൊളോണിയൽ ഭരണം അവസാനിച്ചു. അന്നുമുതൽ ഓഗസ്റ്റ് 15 ഇന്ത്യയുടെ സ്വാതന്ത്ര്യ ദിനമായി ആഘോഷിക്കുന്നു. 1948 ഓഗസ്റ്റ് 15 ന് സ്വാതന്ത്ര്യത്തിൻ്റെ ആദ്യ വർഷം അടയാളപ്പെടുത്തി, 2024 ഇന്ത്യയുടെ സ്വാതന്ത്ര്യത്തിൻ്റെ 77-ാം വാർഷികമായി ആചരിക്കുന്നു. എന്നിരുന്നാലും, 1947-നെ ആരംഭ പോയിൻ്റായി കണക്കാക്കുകയാണെങ്കിൽ, 2024 ഓഗസ്റ്റ് 15, തീയതിയുടെ 78-ാമത്തെ സ്വാതന്ത്ര്യ ദിനമാണ്. അതുകൊണ്ട് തന്നെ 2024-ൽ ഇന്ത്യ 78-ാം സ്വാതന്ത്ര്യദിനം ആചരിക്കുമെന്ന് പറയുന്നതും ശരിയാണ്.
ഓഗസ്റ്റ് 15 ന് പ്രധാനമന്ത്രി നരേന്ദ്ര മോദി ചെങ്കോട്ടയിൽ ദേശീയ പതാക ഉയർത്തുകയും രാവിലെ 7:30 ന് രാജ്യത്തെ അഭിസംബോധന ചെയ്തുകൊണ്ട് പ്രസംഗിക്കുകയും ചെയ്യും. അദ്ദേഹത്തിൻ്റെ തുടർച്ചയായ 11-ാം സ്വാതന്ത്ര്യദിന പ്രസംഗമാണിത്. നാലായിരത്തിലധികം വിശിഷ്ടാതിഥികൾ ചെങ്കോട്ടയിൽ നടക്കുന്ന ആഘോഷങ്ങളിൽ പങ്കെടുക്കും. കർഷകർ, യുവാക്കൾ, സ്ത്രീകൾ,സാധാരണക്കാർ എന്നിവരൊക്കെ വിശിഷ്ടാതിഥികളായി എത്തും. മൂന്നാം തവണയും വീണ്ടും തിരഞ്ഞെടുക്കപ്പെട്ടതിന് ശേഷം വാരാണസി സന്ദർശന വേളയിൽ പ്രധാനമന്ത്രി നരേന്ദ്ര മോദി ഈ വിഭാഗങ്ങളെ ‘വികസിത ഇന്ത്യയുടെ നാല് തൂണുകൾ’ എന്നാണ് വിശേഷിപ്പിച്ചത്.
Celebrate India’s 78th Independence Day on August 15, 2024, with flag hoisting by Prime Minister Modi, a grand parade, and the theme “Viksit Bharat.” Understand the significance of this historic day and how the nation will commemorate it.
