1974 മാർച്ച് 18 ന് ജനിച്ച നിഖിൽ നന്ദ, എസ്കോർട്ട്സ് കുബോട്ട ലിമിറ്റഡിൻ്റെ ചെയർമാനും മാനേജിംഗ് ഡയറക്ടറുമാണ്. അദ്ദേഹത്തിൻ്റെ മേൽനോട്ടത്തിൽ ഈ കാർഷിക യന്ത്രസാമഗ്രികളുടെ നിർമ്മാണ കമ്പനി 42,141 കോടി രൂപയുടെ ശ്രദ്ധേയമായ വിപണി മൂലധനം കൈവരിച്ചു കഴിഞ്ഞു. ഇത് ബിസിനസ് ലോകത്ത് മുൻനിരയിലേക്ക് എത്താൻ അദ്ദേഹത്തെയും സഹായിച്ചു.
ബോളിവുഡ് ഇതിഹാസങ്ങളായ അമിതാഭ് ബച്ചൻ്റെയും ജയ ബച്ചൻ്റെയും മകൾ ശ്വേത ബച്ചൻ ആണ് നിഖിലിന്റെ ഭാര്യ. ഈ കുടുംബബന്ധം നിഖിലിന്റെ പ്രശസ്തമായ പ്രൊഫൈലിൽ കുറച്ചുകൂടി നിറം ചാർത്തുക ആയിരുന്നു. ഡെറാഡൂണിലെ പ്രശസ്തമായ ഡൂൺ സ്കൂളിൽ നിന്നാണ് നിഖിൽ നന്ദ സ്കൂൾ വിദ്യാഭ്യാസം നേടിയത്. തുടർന്ന് പെൻസിൽവാനിയ യൂണിവേഴ്സിറ്റിയിലെ വാർട്ടൺ സ്കൂളിൽ ബിസിനസ് മാനേജ്മെൻ്റ് പഠനം തുടർന്നു. ധനകാര്യത്തിലും വിപണനത്തിലും ശക്തമായ അടിത്തറ നേടിയ ശേഷമാണ് നിഖിൽ, എസ്കോർട്ട്സ് കുബോട്ട ലിമിറ്റഡിനെ അഭൂതപൂർവമായ വിജയത്തിലേക്ക് നയിക്കാനുള്ള തൻ്റെ യാത്ര ആരംഭിച്ചത്.
പ്രമുഖ നടനും സംവിധായകനുമായ രാജ് കപൂറിൻ്റെ മകൾ റിതു നന്ദയുടെ മകനാണ് നിഖിൽ. അദ്ദേഹത്തിൻ്റെ മാതൃസഹോദരന്മാർ ആണ് പ്രശസ്തരായ അഭിനേതാക്കളായ ഋഷി കപൂർ, രൺധീർ കപൂർ, രാജീവ് കപൂർ എന്നിവർ. പ്രശസ്ത താരങ്ങളായ കരിഷ്മ കപൂർ, കരീന കപൂർ ഖാൻ, രൺബീർ കപൂർ എന്നിവർ നിഖിലിന്റെ കസിൻസ് ആണ്. നവ്യ നവേലി നന്ദ, അഗസ്ത്യ നന്ദ എന്നീ രണ്ട് കുട്ടികൾ ആണ് നിഖിലിനും ശ്വേതയ്ക്കും ഉള്ളത്. സോയ അക്തറിൻ്റെ നെറ്റ്ഫ്ലിക്‌സ് ചിത്രമായ “ദി ആർച്ചീസ്” എന്ന ചിത്രത്തിലൂടെ അഗസ്ത്യ സിനിമ അരങ്ങേറ്റം നടത്തിയിരുന്നു. നവ്യ പോഡ്‌കാസ്റ്റിംഗിൽ തൻ്റെ സ്ഥാനം ഉറപ്പിച്ച ആളാണ്.
നിഖിൽ നന്ദ എസ്കോർട്ട്സ് കുബോട്ട ലിമിറ്റഡിനെ കൂടുതൽ ഉയരങ്ങളിലേക്ക് നയിക്കുന്നത് തുടരുകയാണ്. ഒപ്പം അദ്ദേഹത്തിൻ്റെ ചലനാത്മക നേതൃത്വവും ബോളിവുഡ് ബന്ധങ്ങളും ബിസിനസ്സ്, എൻ്റർടൈൻമെൻ്റ് സർക്കിളുകളിൽ സ്വാധീനം ചെലുത്തുന്നുണ്ട്. ആഗോള ശ്രദ്ധയിൽ പെടുന്ന സംരംഭക വിജയവുമായി, കുടുംബ പൈതൃകത്തെ സമന്വയിപ്പിക്കുന്നതിൻ്റെ തെളിവായി അദ്ദേഹത്തിൻ്റെ കഥ നിലകൊള്ളുന്നു.
Nikhil Nanda, Chairman and Managing Director of Escorts Kubota Limited, blends his business acumen with a rich Bollywood legacy. Discover his journey in business and his connections to India’s entertainment royalty.
