യൂട്യൂബർ രൺവീർ അള്ളാബാദിയയുടെ ചാനലുകൾ ഹാക്ക് ചെയ്തു

യൂട്യൂബർ രൺവീർ അള്ളാബാദിയയുടെ ബിയർ ബൈസെപ്‌സ് ഉൾപ്പെടെയുള്ള യൂട്യൂബ് ചാനലുകൾ ബുധനാഴ്ച രാത്രി ഹാക്ക് ചെയ്യപ്പെടുകയും സൈബർ ആക്രമണകാരികൾ ടെസ്‌ല എന്ന് പുനർനാമകരണം ചെയ്യുകയും ചെയ്തു. അടുത്തിടെ സുപ്രീം കോടതിയുടെ യൂട്യൂബ് ചാനൽ ഹാക്ക് ചെയ്യപ്പെട്ടതിന് പിന്നാലെയാണ് ഈ സംഭവം. രൺവീറിൻ്റെ ബിയർ ബൈസെപ്‌സ് ചാനലിൻ്റെ പേര് “@Elon.trump.tesla_live2024” എന്ന് പുനർനാമകരണം ചെയ്തു, അതേസമയം അദ്ദേഹത്തിൻ്റെ സ്വകാര്യ ചാനൽ “@Tesla.event.trump_2024” എന്നാക്കി മാറ്റി.

രണ്ട് ചാനലുകളിൽ നിന്നുമുള്ള എല്ലാ അഭിമുഖങ്ങളും പോഡ്‌കാസ്റ്റുകളും ഹാക്കർമാർ ഇല്ലാതാക്കി. അവയ്ക്ക് പകരം ഇലോൺ മസ്‌കിൻ്റെയും ഡൊണാൾഡ് ട്രംപിൻ്റെയും ഇവൻ്റുകളിൽ നിന്നുള്ള പഴയ സ്ട്രീമുകൾ നൽകി. രൺവീർ അള്ളാബാദിയയുടെ പേജിൽ ഇപ്പോൾ “ഈ പേജ് ലഭ്യമല്ല.  ക്ഷമിക്കൂ. മറ്റെന്തെങ്കിലും തിരയാൻ ശ്രമിക്കുക” എന്ന സന്ദേശം ആണ് കാണാൻ സാധിക്കുന്നത്.

ഈ സംഭവത്തെത്തുടർന്ന്, ഇൻസ്റ്റാഗ്രാമിൽ “എൻ്റെ രണ്ട് പ്രധാന ചാനലുകൾ ഹാക്ക് ചെയ്യപ്പെട്ടത് എൻ്റെ പ്രിയപ്പെട്ട ഭക്ഷണം കൊണ്ട് ആഘോഷിക്കുന്നു. വീഗൻ ബർഗറുകൾ. ബീർബൈസെപ്‌സിൻ്റെ മരണം ഭക്ഷണത്തിൻ്റെ മരണവുമായി കണ്ടുമുട്ടി.” എന്ന് പറഞ്ഞുകൊണ്ട് ഭക്ഷണത്തോടൊപ്പം ഉള്ള ഒരു ഫോട്ടോ രൺബീർ പോസ്റ്റ് ചെയ്തിട്ടുണ്ട്.

“ഇത് എൻ്റെ യൂട്യൂബ് കരിയറിൻ്റെ അവസാനമാണോ? നിങ്ങളെയെല്ലാം അറിഞ്ഞതിൽ സന്തോഷമുണ്ട്” എന്ന് ചോദിച്ച് അദ്ദേഹം പിന്നീട് ഐ മാസ്ക് ധരിച്ച ഒരു സെൽഫി പങ്കിടുകയും ചെയ്തിട്ടുണ്ട്.

22-ാം വയസ്സിൽ രൺവീർ തൻ്റെ ആദ്യ യൂട്യൂബ് ചാനലായ ബീർബൈസെപ്സിലൂടെ ആണ് യൂട്യൂബ് യാത്ര ആരംഭിച്ചത്. അദ്ദേഹം ഇപ്പോൾ ഏഴ് ചാനലുകൾ കൈകാര്യം ചെയ്യുന്നുണ്ട്, അവയിൽ ഉടനീളം ഏകദേശം 12 ദശലക്ഷം വരിക്കാരുമുണ്ട്.

^{Ranveer Allahbadia’s YouTube channels were hacked, deleting his interviews and replacing content with streams featuring Elon Musk and Donald Trump. Despite the setback, Ranveer remains optimistic and plans to rebuild while educating his audience on cybersecurity.}