ഓട്ടോ പിഎൽഐ സ്കീമിൽ മാരുതി സുസുക്കി ഇന്ത്യ, ഹീറോ മോട്ടോകോർപ്പ് ഉൾപ്പെടെ 75 കമ്പനികൾക്ക്  അനുമതി ലഭിക്കും. ഓട്ടോമോട്ടീവ് ഘടക നിർമ്മാതാക്കൾക്കും വാഹന നിർമ്മാതാക്കൾക്കുമുളള  പ്രൊഡക്ഷൻ-ലിങ്ക്ഡ് ഇൻസെന്റീവ്  സ്കീമിന് വേണ്ടി കമ്പനികളെ സർക്കാർ ഷോർട്ട്‌ലിസ്റ്റ് ചെയ്തു. മാരുതി സുസുക്കി ഇന്ത്യ, ഭാരത് ഫോർജ്, ഹീറോ മോട്ടോകോർപ്പ്, ബോഷ് ഇന്ത്യ, ഒല ഇലക്ട്രിക്, എന്നിവ ഓട്ടോ, ഓട്ടോ ഘടകഭാഗങ്ങൾക്കായി പിഎൽഐ സ്കീം പ്രകാരം അംഗീകരിച്ച 75 സ്ഥാപനങ്ങളിൽ ഉൾപ്പെടുന്നു. ഇതുവരെ വാഹന ഘടക നിർമാണത്തിൽ ഏർപ്പെട്ടിട്ടില്ലാത്ത സിയറ്റും സർക്കാർ സ്ഥാപനമായ ഭാരത് ഹെവി ഇലക്ട്രിക്കൽസും പദ്ധതിക്ക് കീഴിൽ തിരഞ്ഞെടുക്കപ്പെട്ടിട്ടുണ്ട്.കംപോണന്റ് ചാമ്പ്യൻ ഇൻസെന്റീവ് സ്കീമിന് കീഴിൽ 75 കമ്പനികൾ 29,834 കോടി രൂപയുടെ നിക്ഷേപം നടത്തുമെന്ന് സർക്കാർ പ്രതീക്ഷിക്കുന്നു. 74,850 കോടി രൂപയുടെ അധിക നിക്ഷേപമാണിത്. ഓട്ടോമൊബൈലുകൾക്കായി നേരത്തെ പ്രഖ്യാപിച്ച പിഎൽഐ സ്കീമിനൊപ്പം, അഞ്ച് വർഷത്തിനുളളിൽ സർക്കാർ ലക്ഷ്യമിട്ട 42,500 കോടി രൂപ നിക്ഷേപത്തേക്കാൾ അധികമാണിത്.