Trending

കാഴ്ചയുടെ വസന്തമൊരുക്കാന്‍ ഫെയ്സ്ബുക്ക്

വെര്‍ച്വല്‍ റിയാലിറ്റിയിലൂടെ ആശയവിനിമയത്തിന്റെ പുതിയ തലം തേടുകയാണ് ഫെയ്‌സ്ബുക്ക്. വെര്‍ച്വല്‍ റിയാലിറ്റി പ്രൊഡക്ടുകളുടെ നീണ്ട നിരയാണ് ഫെയ്‌സ്ബുക്കിന്റെ അണിയറയില്‍ ഒരുങ്ങുന്നത്. ഒരു ബില്യന്‍ ആളുകളെ വെര്‍ച്വല്‍ റിയാലിറ്റിയുടെ ലോകത്ത് എത്തിക്കുകയാണ് ലക്ഷ്യം. കംപ്യൂട്ടറുമായോ സ്മാര്‍ട്ട്‌ഫോണുമായോ കണക്ട് ചെയ്യാതെ വെര്‍ച്വല്‍ റിയാലിറ്റിയുടെ അനുഭൂതി നുകരാന്‍ കഴിയുന്ന ഒക്യുലസ് ഗോ ഹെഡ്‌സെറ്റ് ഫെയ്‌സ്ബുക്ക് അടുത്ത വര്‍ഷം വിപണിയില്‍ എത്തിക്കും. വെര്‍ച്വല്‍ റിയാലിറ്റി ഡെവലപ്പേഴ്‌സിന്റെ കോണ്‍ഫറന്‍സില്‍ ഫെയ്‌സ്ബുക്ക് സിഇഒ മാര്‍ക്ക് സക്കര്‍ബര്‍ഗ് ആണ് ഇക്കാര്യം അനൗണ്‍സ് ചെയ്തത്.

അഫോര്‍ഡബിള്‍ പ്രൈസില്‍ എല്ലാവര്‍ക്കും വെര്‍ച്വല്‍ റിയാല്‍റ്റി ലഭ്യമാകണമെന്നാണ് ഫെയ്‌സ്ബുക്കിന്റെ താല്‍പര്യമെന്ന് സക്കര്‍ബര്‍ഗ് പറഞ്ഞു. വെര്‍ച്വല്‍ റിയാലിറ്റി ആളുകളെ ഒറ്റപ്പെടുത്തുന്നുവെന്ന വാദത്തില്‍ കഴമ്പില്ല. 100 മില്യനിലധികം വിആര്‍ ആപ്പുകള്‍ ഡൗണ്‍ലോഡ് ചെയ്യപ്പെട്ടുകഴിഞ്ഞു. ലോകത്തെ കൂടുതല്‍ ആഴത്തില്‍ കണക്ട് ചെയ്യുന്നതിനുളള മാര്‍ഗമായി വെര്‍ച്വല്‍ റിയാല്‍റ്റി മാറി. ഡോക്ടര്‍മാര്‍ പോലും പെയിന്‍ റിലീഫിനായി രോഗികളില്‍ വെര്‍ച്വല്‍ റിയാല്‍റ്റി പരീക്ഷിക്കുന്ന കാലമാണെന്നും സക്കര്‍ബര്‍ഗ് ചൂണ്ടിക്കാട്ടി.

വൈകാതെ ലൈവ് ഇവന്റുകളും വെര്‍ച്വല്‍ റിയാലിറ്റിയിലൂടെ ഫെയ്‌സ്ബുക്ക് അവതരിപ്പിക്കും. ഒക്യുലസ് വെന്യൂസ് എന്ന ഈ ആപ്ലിക്കേഷന്‍ അടുത്ത വര്‍ഷം പുറത്തിറക്കും. ലൈവ് മ്യൂസിക് ഷോയും സ്‌പോര്‍ട്‌സ് ഇവന്റും സിനിമയുമൊക്കെ ഫ്രണ്ട്‌സുമൊത്ത് വെര്‍ച്വല്‍ റിയാലിറ്റി ലോകത്ത് ആസ്വദിക്കാനുളള അവസരമാണ് ഇതിലൂടെ ഫെയ്‌സ്ബുക്ക് ഒരുക്കുന്നത്. സ്‌പേസിലോ ഇഷ്ടമുളളയിടത്തോ ഇരുന്ന് നിങ്ങള്‍ക്ക് കൂട്ടുകാരുമായി സംവദിക്കാം.

Facebook unveiled its new virtual reality headset -Oculus Go.This functions without being plugged into a computer or paired with a phone. Facebook founder Mark Zuckerburg announced the arrival of the new headset at Oculus conference. Headset is the first major hardware launch from Oculus since the company was bought by Facebook in 2014. ​Oculus go is planned to be released by 2018.

Leave a Reply

Close
Close