റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനിയെ പിന്തള്ളി ബിനാൻസ് സിഇഒ Changpeng Zhao ഏഷ്യയിലെ ഏറ്റവും ധനികനായി മാറുമ്പോൾ അറിയാം Changpeng Zhao ആരെന്ന്. Bloomberg Billionaires Index കണക്കുകൾ പ്രകാരം, ക്രിപ്‌റ്റോ എക്‌സ്‌ചേഞ്ച് ബിനാൻസ് സിഇഒ Changpeng Zhao 96 ബില്ല്യൺ ഡോളർ (ഏകദേശം 7,10,755 കോടി രൂപ) ആസ്തിയുമായി ശതകോടീശ്വരന്മാരുടെ പട്ടികയിൽ ഇടം പിടിച്ചെന്നാണ് CNN റിപ്പോർട്ട് ചെയ്യുന്നത്. അംബാനിയുടെ ആസ്തി ഏകദേശം 92.6 ബില്യൺ ഡോളറാണ് (ഏകദേശം 6,85,418 കോടി രൂപ). ബ്ലൂംബെർഗ് ശതകോടീശ്വര സൂചിക പ്രകാരം, Zhao ഇപ്പോൾ ഔദ്യോഗികമായി ലോകത്തിലെ 11-ാമത്തെ ധനികനാണ്. ക്രിപ്‌റ്റോ ലോകത്ത് നിന്ന് ശതകോടീശ്വരന്മാരുടെ പട്ടികയിൽ പ്രവേശിക്കുന്ന ആദ്യ വ്യക്തിയും Changpeng Zhao ആണ്. സ്വകാര്യ ക്രിപ്‌റ്റോ ആസ്തികൾ ഉൾപ്പെടെയുള്ളവയുടെ മൂല്യനിർണ്ണയം കൂടാതെ തന്നെ 11-ാം സ്ഥാനം നേടിയിരിക്കുന്നതിനാൽ ആ മൂല്യം കൂടി ചേരുമ്പോൾ Zhao യുടെ ആസ്തി വളരെ വലുതായിരിക്കുമെന്ന് റിപ്പോർട്ട് പറയുന്നു. ബ്ലൂംബർഗിന്റെ കണക്കനുസരിച്ച്, ഒറാക്കിൾ സഹസ്ഥാപകൻ ലാറി എല്ലിസണിന്റെ തൊട്ടുപിന്നിലാണ് ഷാവോയുടെ സ്ഥാനം. എല്ലിസണിന്റെ ആസ്തി ഏകദേശം 107 ബില്യൺ ഡോളർ (ഏകദേശം 7,90,623 കോടി രൂപ) ആണ്.