പഠനം പൂർത്തിയാക്കിയ ശേഷം, ശ്രീകാന്തിന് യുഎസിൽ തുടരാനും അവിടുത്തെ അവസരങ്ങൾ ഉപയോഗിക്കാനും അവസരമുണ്ടായിരുന്നു. എന്നാലും തിരിച്ചുവന്ന് തന്റെ നാടിനും നാട്ടുകാർക്കും വേണ്ടി എന്തെങ്കിലും ചെയ്യണമെന്ന് ശ്രീകാന്ത് ആഗ്രഹിച്ചു. ഇന്ത്യയിൽ തിരിച്ചെത്തിയ ശ്രീകാന്ത് 2012-ൽ തന്റെ കമ്പനിയായ Bollant Industries സ്ഥാപിച്ചു. സംരംഭകത്വത്തിലുളള ശ്രീകാന്തിന്റെ കഴിവും അഭിനിവേശവും രത്തൻ ടാറ്റ തിരിച്ചറിഞ്ഞു. മെന്ററിങ്ങിന് പുറമേ ശ്രീകാന്തിന്റെ കമ്പനിയിൽ അദ്ദേഹം നിക്ഷേപിക്കുകയും ചെയ്തു. പാക്കേജിംഗ് സൊല്യൂഷനുകൾ നിർമ്മിക്കുന്ന ബൊല്ലന്റ് ഇൻഡസ്ട്രീസ് വളർച്ചയിൽ നിന്ന് വളർച്ചയിലേക്ക് കുതിച്ചു. വളർന്നു. 2018-ഓടെ കമ്പനി 150 കോടി രൂപയുടെ വിറ്റുവരവിലേക്ക് ഉയർന്നിരുന്നു. ശ്രീകാന്തിന്റെ വ്യാവസായിക സാമ്രാജ്യത്തിന് കർണാടകയിലും തെലങ്കാനയിലുമായി 5 പ്രൊഡക്ഷൻ പ്ലാന്റുകളും 650-ലധികം ജീവനക്കാരുമുണ്ട്.