സ്റ്റാൻഫോർഡ് യൂണിവേഴ്‌സിറ്റിയുടെ ഗ്രാജ്വേറ്റ് സ്‌കൂൾ ഓഫ് ബിസിനസിലെ ഫിനാൻസ് പ്രൊഫസറായ ഇല്യ എ. സ്‌ട്രെബുലേവ് നടത്തിയ സമീപകാല പഠനത്തിൽ നിന്നുള്ള കണ്ടെത്തലുകൾ കാണിക്കുന്നത്, യു.എസിലെ 500 യൂണികോണുകളുടെ 1078 സ്ഥാപകരിൽ 90 സംരംഭകരും ഇന്ത്യൻ വംശജരാണെന്നതാണ്. രാജ്യത്തെ സ്റ്റാർട്ടപ്പിലും ടെക് സമ്പദ്‌വ്യവസ്ഥയിലും ഇന്ത്യൻ അമേരിക്കക്കാരുടെ ഗണ്യമായ സാന്നിധ്യത്തെ ഇത് വ്യക്തമായി സൂചിപ്പിക്കുന്നു. യുഎസ് വംശജർ അല്ലാത്ത 44% യൂണികോൺ സ്ഥാപകരിൽ, ഇന്ത്യയിൽ ജനിച്ച സ്ഥാപകരുടെ എണ്ണം ഏറ്റവും ഉയർന്നതാണ് – 90. ഇസ്രായേൽ-52, കാനഡ-42, യുകെ31, ചൈന-27 എന്നിങ്ങനെയാണ് യു.എസിൽ ജനിച്ചവരല്ലാത്ത മറ്റു സംരംഭ സ്ഥാപകരുടെ കണക്ക്. സ്റ്റാർട്ടപ്പ് സ്ഥാപകർ മാത്രമല്ല, ഇന്ത്യൻ വംശജരായ എക്‌സിക്യൂട്ടീവുകൾ ഗൂഗിളും മൈക്രോസോഫ്റ്റും ട്വിറ്ററും പോലെ ഏറ്റവും ശക്തമായ ടെക് ഭീമൻമാരുടെ തലപ്പത്ത് പ്രവർത്തിക്കുന്നു. വസ്തുതകൾ ഇങ്ങനെയാണെങ്കിലും നിരവധി ഇന്ത്യൻ ടെക്നോളജി പ്രൊഫഷണലുകൾ ഇതിനകം ഇന്ത്യയിലേക്ക് മടങ്ങാൻ നോക്കുകയാണെന്നും റിപ്പോർട്ടുകൾ വരുന്നുണ്ട്.