മഹാരാഷ്ട്രക്കാരയിലെ ദേവ് രാഷ്ട്ര ഗ്രാമത്തിലെ ദത്താത്രയ ലോഹർ കഴിഞ്ഞ ഡ‍ിസംബറിലാണ് പഴയ ഉപേക്ഷിക്കപ്പെട്ട കാറുകളിൽ നിന്നുളള യന്ത്ര ഭാഗങ്ങൾ ഉപയോഗിച്ച് ഒരു മിനി ഫോർ വീലർ നിർമ്മിച്ചത്. 60,000 രൂപ മുതൽമുടക്കിൽ നിർമ്മിച്ച മിനി ഫോർ വീലർ ഇരുചക്രവാഹനങ്ങളിലെ കിക്ക്-സ്റ്റാർട്ട് മെക്കാനിസം ഉപയോഗിക്കുന്ന ഒരു ലെഫ്റ്റ് ഹാൻഡ് ഡ്രൈവ് വാഹനമായിരുന്നു. മഹീന്ദ്ര ഥാറിന് സമാനമായ ഗ്രില്ല് ഉളള വാഹനം മകന്റെ ആഗ്രഹം സാധിച്ചുകൊടുക്കാനാണ് ഇരുമ്പ് പണിക്കാരനായ ദത്താത്രയ നിർമിച്ചത്. 

വാഹനത്തെ കുറിച്ച് 45 സെക്കന്റുളള വീഡിയോ സമൂഹ മാധ്യമങ്ങളിൽ വൈറലായിരുന്നു. ലോഹറിന്റെ വാഹന വീഡിയോ ആനന്ദ് മഹീന്ദ്ര പങ്കുവയ്ക്കുകയും ചെയ്തിരുന്നു. ലോഹറിന്റെ നിർമിതിയിൽ ആകൃഷ്ടനായ മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര അന്ന് മിനി ഫോർ വീലറിന് പകരമായി ഒരു പുതിയ ബൊലേറോ എസ്‌യുവി വാഗ്ദാനം ചെയ്തിരുന്നു. ഓഫർ നൽകി കൃത്യം ഒരു മാസത്തിനുളളിലാണ് ആനന്ദ് മഹീന്ദ്ര വാക്കു പാലിച്ചത്.