2023-ഓടെ 10,000 ഇലക്ട്രിക് ഇരുചക്രവാഹനങ്ങൾ വിന്യസിക്കുന്നതിന് ALT മൊബിലിറ്റിയുമായി പങ്കാളിത്തത്തിലേർപ്പെട്ട് ഹീറോ ഇലക്ട്രിക്. ഹീറോ ഇലക്ട്രികിന്റെ ഇരുചക്രവാഹനമായ ഹീറോ നൈക്‌സിനെ ലോജിസ്റ്റിക്സ് ശൃംഖലയിൽ വിന്യസിക്കുന്നതിനാണ് പുതിയ പങ്കാളിത്തം. ലോജിസ്റ്റിക്‌സ് വിപണിക്ക് വേണ്ടി ഇലക്ട്രിക് വാഹനങ്ങൾ വാടകയ്‌ക്കെടുക്കുന്ന പ്ലാറ്റ്‌ഫോമായ ALT മൊബിലിറ്റിയുമായി പങ്കാളിത്തത്തിൽ ഏർപ്പെട്ടതായി ഹീറോ ഇലക്ട്രിക് അറിയിച്ചു. 

സഹകരണത്തിലൂടെ ഇരുകമ്പനികളും ലോജിസ്റ്റിക് അഗ്രഗേറ്റർമാരുമായും ഫ്ലീറ്റ് ഓപ്പറേറ്റർമാരുമായും ചേർന്ന് പ്രവർത്തിച്ച് 2023 ഓടെ 10,000 ഹീറോ Nyx ഇലക്ട്രിക് സ്കൂട്ടറുകൾ വിന്യസിക്കുമെന്ന് ഹീറോ ഇലക്ട്രിക് പ്രസ്താവനയിൽ അറിയിച്ചു. ലോജിസ്റ്റിക്സ് വിപണിയിൽ കാർബൺ രഹിത മൊബിലിറ്റി പ്രാപ്തമാക്കുന്നതിനും ALT മൊബിലിറ്റി വാഗ്ദാനം ചെയ്യുന്ന ലാസ്റ്റ് മൈൽ ഡെലിവറി ഉപഭോക്തൃ ആവശ്യങ്ങൾ നിറവേറ്റുന്നതിനും ഈ അസോസിയേഷൻ സഹായിക്കുമെന്ന് ഹീറോ ഇലക്ട്രിക് സിഇഒ സോഹിന്ദർ ഗിൽ പറഞ്ഞു.