2021-ലെ കോവിഡ് രണ്ടാം തരംഗത്തിൽ മുമ്പ് കണ്ടിട്ടില്ലാത്ത രീതിയിൽ ഡിജിറ്റലിൽ നാടകീയമായ ഉയർച്ചയാണ് കണ്ടത്. മൊബൈൽ ഉപയോഗത്തിലെ ദ്രുതഗതിയിലുള്ള വർദ്ധനവും മെച്ചപ്പെട്ട ഇന്റർനെറ്റ് ഇൻഫ്രാസ്ട്രക്ചറും ഇതിനെ സാധൂകരിക്കുന്നു. ഇത് ഡിജിറ്റൽ യുഗത്തിലേക്കുള്ള ഇന്ത്യയുടെ കുതിച്ചുചാട്ടത്തിന്റെ സൂചനയാണ് നൽകുന്നത്. ഇന്ത്യയിലെ ഡിജിറ്റൽ പരസ്യങ്ങൾ 2023-ഓടെ ടിവി പരസ്യങ്ങൾക്ക് തുല്യമാകുകയോ മറികടക്കുകയോ ചെയ്യുമെന്ന് പ്രതീക്ഷിക്കുന്നു. ഈ പ്രവണതയെ ത്വരിതപ്പെടുത്തുകയും അടിവരയിടുകയും ചെയ്തുകൊണ്ട്, 2021-ലെ ഡിജിറ്റൽ പരസ്യങ്ങളുടെ 75% മൊബൈൽ ഡിവൈസുകളിൽ രേഖപ്പെടുത്തിയിട്ടുണ്ട്. 

പാൻഡെമിക്കിന്റെ വ്യത്യസ്‌ത സമ്മർദ്ദങ്ങൾക്കിടയിലും ഡിജിറ്റലിലൂടെ നയിക്കപ്പെടുന്ന ആഗോള സമ്പദ്‌വ്യവസ്ഥയിൽ ഇന്ത്യ വരും വർഷങ്ങളിൽ വളരുന്നത് തുടരുമെന്നാണ് റിപ്പോർട്ടുകൾ സൂചിപ്പിക്കുന്നത്. ഇന്ത്യൻ പരസ്യ വ്യവസായം നിലവിൽ Rs. 70,715 കോടി രൂപയിലാണ് മുന്നോട്ട് നീങ്ങുന്നത്. 2020-നെ അപേക്ഷിച്ച് 18.6% വളർച്ചയാണ് ഉണ്ടായത്. 2023 അവസാനത്തോടെ 14.75% CAGR-ൽ വളർന്ന് 93,119 കോടി രൂപയിലെത്തുമെന്നാണ് പ്രവചനം. രാജ്യത്ത് പരസ്യ വ്യവസായത്തിൽ 34% വിഹിതവുമായി FMCG (23,736 കോടി രൂപ) യാണ് മുന്നിൽ. 14% വിഹിതവുമായി ഇ-കൊമേഴ്‌സും ( 9,619 കോടി രൂപ), 7% വിഹിതവുമായി ഓട്ടോമോട്ടീവും (4,745 കോടി രൂപ) പിന്നിലുണ്ട്.