പരിസ്ഥിതി സൗഹൃദമായ EV കൾ ഭാവിയിലെ വാഹനങ്ങളാണ്. വരുന്ന ദശകത്തിൽ ഇന്ത്യയിലെ മൊബിലിറ്റിയുടെ ഭാവി ഇലക്ട്രിക് വാഹനങ്ങൾ ആയിരിക്കുമെന്ന് ബജറ്റിലൂടെ കേന്ദ്രസർക്കാരും വ്യക്തമാക്കി. EV ഇക്കോസിസ്റ്റത്തെ പിന്തുണയ്ക്കുന്നതിന് വിവിധ ഇൻസെന്റിവുകളും പദ്ധതികളും കേന്ദ്രം ആവിഷ്കരിക്കുകയും ചെയ്യുന്നു. ഇലക്ട്രിക് ഇരുചക്രവാഹനങ്ങളുടെ വാർഷിക വിൽപ്പന ഈ സാമ്പത്തിക വർഷം 5 മടങ്ങ് വളർച്ച കൈവരിച്ചതായി ദി ഇക്കണോമിക് ടൈംസ് റിപ്പോർട്ട് ചെയ്തിരുന്നു.വളർച്ചയുണ്ടെങ്കിലും വിപണിയിലെ ഇലക്ട്രിക് വാഹനങ്ങളുടെ വ്യാപ്തി ഇപ്പോഴും 0.8 ശതമാനത്തിൽ കുറവാണ്. റേഞ്ച് സംബന്ധമായ ആശങ്കകൾ, കാറുകളുടെ ഉയർന്ന വില, ചാർജ്ജിംഗ് ഇൻഫ്രാസ്ട്രക്ചറിന്റെ അഭാവം എന്നിവയാണ് ഇതിന് കാരണമായി ചൂണ്ടിക്കാണിക്കുന്നത്. അതേസമയം, വർദ്ധിച്ചുവരുന്ന ഇന്ധന വില, കൂടുതൽ അഫോഡബിൾ ആയ വാഹന ഓപ്ഷനുകളെക്കുറിച്ച് ചിന്തിക്കാനും പ്രേരിപ്പിക്കുന്നു.ഈ സാഹചര്യത്തിൽ നിങ്ങൾ ഒരു ഇലക്ട്രിക് വാഹനം വാങ്ങാൻ ആഗ്രഹിക്കുന്നുണ്ടോ? എങ്കിൽ അറിയേണ്ട ചില കാര്യങ്ങളുണ്ട്.