സ്റ്റോറുകൾ തുറക്കുമെന്ന് റിപ്പോർട്ട്.1,000 ചതുരശ്ര അടിയിലുളള ആപ്പിൾ പ്രീമിയം റീസെല്ലർ സ്റ്റോറുകളേക്കാൾ ചെറുതായിരിക്കും ഈ സ്റ്റോറുകൾ. 500 മുതൽ 600 ചതുരശ്ര അടി വരെ വിസ്തീർണമുളള ആപ്പിൾ സ്റ്റോറുകൾ തുറക്കുന്നതിനായാണ് ചർച്ചകൾ പുരോഗമിക്കുന്നത്.
ടാറ്റ ഗ്രൂപ്പ് ഇന്ത്യയിൽ 100 എക്സ്ക്ലുസിവ് ആപ്പിൾ
ചെറിയ സ്റ്റോറുകൾ ഐഫോണുകളും ഐപാഡുകളും വാച്ചുകളും വിൽക്കും. മാളുകളിലും ഹൈ സ്ട്രീറ്റുകളിലുമായിരിക്കും സ്റ്റോറുകൾ വരുന്നത്. ടാറ്റയുടെ ഉടമസ്ഥതയിലുള്ള ഇൻഫിനിറ്റി റീട്ടെയ്ലാണ് ആപ്പിളുമായി ചർച്ച നടത്തുന്നത്. ഇൻഫിനിറ്റി റീട്ടെയിലാണ് രാജ്യത്തെ ടാറ്റ ക്രോമ സ്റ്റോറുകൾ നിയന്ത്രിക്കുന്നത്.
മുംബൈയിൽ ഫ്ലാഗ്ഷിപ്പ് സ്റ്റോർ
ഇന്ത്യയിൽ ആപ്പിളിന്റെ ആദ്യത്തെ കമ്പനി ഉടമസ്ഥതയിലുള്ള ഫ്ലാഗ്ഷിപ്പ് സ്റ്റോർ മാർച്ച് ക്വാർട്ടറിൽ മുംബൈയിൽ ആരംഭിക്കുമെന്നും റിപ്പോർട്ടുണ്ട്.
സൈബർ മീഡിയ റിസർച്ച് (CMR) പ്രകാരം ജൂലൈ മുതൽ സെപ്തംബർ വരെയുള്ള കാലയളവിൽ ഇന്ത്യയിൽ ഐഫോണുകളുടെ വിൽപ്പന 1.7 ദശലക്ഷത്തിലധികം ആയിരുന്നു. ഇന്ത്യയിൽ വിൽപ്പന വർധിപ്പിക്കുന്നതിലും നിർമാണ ശേഷി വിപുലീകരിക്കുന്നതിലും ആപ്പിൾ ശ്രദ്ധ കേന്ദ്രീകരിക്കുകയാണ്.
ഇന്ത്യയിലെ ആപ്പിളിന്റെ മൂന്ന് നിർമ്മാണപങ്കാളികളായ വിസ്ട്രോൺ, ഫോക്സ്കോൺ, പെഗാട്രോൺ എന്നിവയോട് അടുത്ത രണ്ട് വർഷത്തിനുള്ളിൽ നിർമാണം മൂന്നിരട്ടിയാക്കാൻ ആപ്പിൾ ആവശ്യപ്പെട്ടതായി മറ്റൊരു റിപ്പോർട്ട് പറയുന്നു. ചൈനയിൽ നിന്നുളള പ്രൊഡക്ഷൻ കുറയ്ക്കാൻ ആപ്പിൾ ശ്രമിക്കുന്നുണ്ട്. ഇന്ത്യയെ ഒരു നിർമാണകേന്ദ്രമായി മാറ്റാനാണ് കമ്പനി പദ്ധതിയിടുന്നത്. രാജ്യത്ത് നിന്നും ഐഫോണുകൾ കയറ്റുമതി ചെയ്യുന്നതിനും ആപ്പിളിന് പദ്ധതികളുണ്ട്. The Tata Group is planning to open 100 small exclusive Apple stores across India. Apple is collaborating with Tata-owned Infiniti Retail, says a report. Infiniti Retail which runs the Croma store chain will become an Apple franchise.