മണപ്പുറം ഫിനാൻസ് എക്‌സിക്യൂട്ടീവ് ഡയറക്ടറായി ഡോ.സുമിത നന്ദനെ നിയമിച്ചു. മണപ്പുറം ഫിനാന്‍സ് എംഡിയും സിഇഒയുമായ വിപി നന്ദകുമാറിന്റെ മകളാണ് ഡോ.സുമിത. കമ്പനിയിൽ എംഡിയുടെയും സിഇഒയുടെയും എക്‌സിക്യൂട്ടീവ് അസിസ്റ്റന്റും കോർപ്പറേറ്റ് കോർഡിനേഷന്റെ ചുമതലയുള്ള സീനിയർ വൈസ് പ്രസിഡന്റായും സുമിത പ്രവർത്തിച്ചിട്ടുണ്ട്.
2018 സെപ്തംബർ 1 വരെ CEO-OGL എന്ന നിലയിൽ ഓൺലൈൻ സ്വർണ്ണ വായ്പയുടെ ചുമതലയും അവർ വഹിക്കുകയും കമ്പനിയുടെ ഡിജിറ്റലൈസേഷൻ സംരംഭങ്ങൾക്ക് നേതൃത്വം നൽകുകയും ചെയ്തു.
“ഡോ. സുമിത നന്ദൻ 2023 ജനുവരി 1 മുതൽ എക്‌സിക്യൂട്ടീവ് ഡയറക്ടറായി മണപ്പുറം ഫിനാൻസ് ലിമിറ്റഡിൽ ചേർന്നതായി നിങ്ങളെ അറിയിക്കുന്നതിൽ ഞങ്ങൾക്ക് സന്തോഷമുണ്ട്. ഞങ്ങളുടെ ബിസിനസ്സ് അടുത്ത ഘട്ടത്തിലേക്ക് കൊണ്ടുപോകുന്നതിന് അവരുടെ പ്രചോദനാത്മകമായ നേതൃത്വവും സംഭാവനയും ഞങ്ങൾ പ്രതീക്ഷിക്കുന്നു,” മണപ്പുറം ഫിനാൻസ് എംഡിയും സിഇഒയുമായ വി പി നന്ദകുമാർ പറഞ്ഞു.
ചെന്നൈയിലെ ശ്രീരാമചന്ദ്ര സർവകലാശാലയിൽ നിന്ന് ഒബ്‌സ്റ്റട്രിക്‌സ് & ഗൈനക്കോളജിയിൽ ബിരുദാനന്തര ബിരുദം നേടിയ സുമിത ഒരു മെഡിക്കൽ പ്രൊഫഷണലാണ്.
Manappuram Finance Names Dr Sumitha Nandan As Executive Director
