EmaraTax-നെ കുറിച്ച് ബിസിനസുകളും വ്യക്തികളും അറിഞ്ഞിരിക്കേണ്ടവ
യുഎഇയിൽ 2023 ജൂൺ മുതൽ കോർപ്പറേറ്റ് നികുതി നടപ്പാക്കി തുടങ്ങും. ബിസിനസ് സ്ഥാപനങ്ങളുടെ ലാഭത്തിൽ നിന്ന് നേരിട്ട് ഈടാക്കുന്ന നികുതിയാണ് കോർപ്പറേറ്റ് നികുതി. നികുതിക്ക് വിധേയരായ വ്യക്തികളും ബിസിനസുകളും അവരുടെ ആദ്യ സാമ്പത്തിക വർഷത്തിന്റെ തുടക്കം മുതൽ 9 ശതമാനം കോർപ്പറേറ്റ് നികുതിക്ക് വിധേയമാകുമെന്ന് നിയമം വ്യവസ്ഥ ചെയ്യുന്നു. യുഎഇയുടെ ഫെഡറൽ ടാക്സ് അതോറിറ്റി (FTA) ഡിജിറ്റൽ നികുതി സേവനങ്ങൾക്കായുള്ള EmaraTax പ്ലാറ്റ്ഫോം വഴി കോർപ്പറേറ്റ് നികുതിയുടെ പ്രാരംഭ രജിസ്ട്രേഷൻ ആരംഭിച്ചു.
കോർപ്പറേഷനുകളുടെയും ബിസിനസുകളുടെയും നികുതി സംബന്ധിച്ച 2022-ലെ ഫെഡറൽ ഡിക്രി-നിയമം നമ്പർ 47, 2023 ജൂൺ 1-നോ അതിനു ശേഷമോ ആരംഭിക്കുന്ന അവരുടെ ആദ്യ സാമ്പത്തിക വർഷത്തിന്റെ ആരംഭം മുതൽ നികുതി വിധേയരായ വ്യക്തികളും ബിസിനസുകളും ഒമ്പത് ശതമാനം കോർപ്പറേറ്റ് നികുതി നൽകണമെന്ന് വ്യവസ്ഥ ചെയ്യുന്നു.
എന്താണ് EmaraTax ഡിജിറ്റൽ പ്ലാറ്റ്ഫോം?
FTA- ആരംഭിച്ച ഡിജിറ്റൽ പ്ലാറ്റ്‌ഫോമായ EmaraTax യുഎഇ നികുതിദായകർക്ക് FTA-യുടെ സേവനങ്ങൾ ആക്‌സസ് ചെയ്യാനും നികുതി അടയ്ക്കാനും റീഫണ്ട് നേടാനും കഴിയുന്ന പ്ലാറ്റ്ഫോമാണ്. യു.എ.ഇ.യിൽ നികുതി നിർവ്വഹണത്തിനു എഫ്.ടി.എ.യ്ക്ക് ഈ പ്ലാറ്റ്ഫോം വളരെയധികം സഹായകമാണ്. സപ്പോർട്ട് ആവശ്യമുള്ള നികുതിദായകരുമായി വേഗത്തിൽ ഇടപഴകുന്നതിനും ഉചിതമായ തീരുമാനങ്ങൾ എടുക്കുന്നതിനും ഈ പ്ലാറ്റ്ഫോം FTA യെ പ്രാപ്തമാക്കുന്നു.
EmaraTax ഡിജിറ്റൽ പ്ലാറ്റ്‌ഫോമിൽ നിന്ന് ആർക്കാണ് പ്രയോജനം ലഭിക്കുക?
വ്യക്തിഗത നികുതിദായകർ, നികുതി ഏജന്റുമാർ, ലീഗൽ റെപ്രസെന്റേറ്റിവ്സ്, വിദേശ മിഷനുകൾ, നയതന്ത്രജ്ഞർ, കസ്റ്റംസ് ബോഡികൾ, പരിശോധനാ ഏജൻസികൾ എന്നിവർക്കെല്ലാം EmaraTax ഡിജിറ്റൽ പ്ലാറ്റ്‌ഫോമിൽ നിന്ന് പ്രയോജനം ലഭിക്കുന്നു.
EmaraTax-ൽ രജിസ്റ്റർ ചെയ്യാൻ കമ്പനികളെ ക്ഷണിക്കുമോ?
തിരഞ്ഞെടുത്ത കമ്പനികളെ FTA ഇമെയിലിലൂടെയും എസ്എംഎസിലൂടെയും ക്ഷണിക്കും. ഇത് EmaraTax പ്ലാറ്റ്ഫോം വഴി രജിസ്റ്റർ ചെയ്യാൻ അവരെ അനുവദിക്കുന്നു. യുഎഇയിൽ പ്രവർത്തിക്കുന്ന ചില വിഭാഗങ്ങളിലെ കമ്പനികൾക്ക് 2023 ജനുവരി മുതൽ 2023 മെയ് വരെ പ്രാരംഭ രജിസ്ട്രേഷൻ കാലയളവ് ലഭ്യമാണെന്ന് അതോറിറ്റി വിശദീകരിച്ചു. EmaraTax-ൽ മറ്റ് ബിസിനസുകൾക്ക് രജിസ്ട്രേഷൻ ആരംഭിക്കുന്ന തീയതി FTA പിന്നീട് അറിയിക്കും.
EmaraTax-ൽ രജിസ്ട്രേഷന് എത്ര സമയം നൽകും?
കമ്പനികൾക്കും ബിസിനസുകൾക്കും രജിസ്ട്രേഷനായി അപേക്ഷിക്കുന്നതിനും അവരുടെ നിയമപരമായ ബാധ്യതകൾ നിറവേറ്റുന്നതിനും മതിയായ സമയം നൽകുമെന്ന് അതോറിറ്റി ഉറപ്പാക്കും. 2023 ജൂൺ 1-ന് ആരംഭിക്കുന്ന സാമ്പത്തിക വർഷമുള്ള കമ്പനികൾക്ക് മുൻഗണന നൽകും.
കോർപ്പറേറ്റ് നികുതി അടയ്ക്കുന്നതിനുള്ള ഏറ്റവും കുറഞ്ഞ പരിധി എന്താണ്?
പ്രതിവർഷം 375,000 ദിർഹത്തിൽ കൂടുതൽ ലാഭം നേടുന്ന കമ്പനികളും വ്യക്തികളും ഒമ്പത് ശതമാനം നികുതി നൽകണം. ലോകത്തിലെ ഏറ്റവും കുറഞ്ഞ കോർപ്പറേറ്റ് നികുതികളിൽ ഒന്നാണിത്.
വിറ്റുവരവിനോ ലാഭത്തിനോ കോർപ്പറേറ്റ് നികുതി ബാധകമാകുമോ?
കോർപ്പറേറ്റ് നികുതി ചുമത്തുന്നത് കമ്പനിയുടെ മൊത്തം വിറ്റുവരവിനല്ല, ലാഭത്തിനാണ്. ശമ്പളത്തിന് ബാധകമല്ല. വാര്‍ഷിക ശമ്പളം 375,000 ദിര്‍ഹത്തിന് മുകളിലാണെങ്കിലും പ്രവാസികള്‍ നികുതി അടക്കേണ്ടി വരില്ല.
ഒരു ഫ്രീലാൻസർക്ക് കോർപ്പറേറ്റ് നികുതി ബാധകമാകുമോ?
സെൽഫ് സ്പോൺസർഷിപ്പിന് കീഴിൽ ഫ്രീലാൻസ് പെർമിറ്റ് കൈവശമുള്ള വ്യക്തികളും പരിധിയിൽ കൂടുതൽ വരുമാനം നേടുന്നവരും കോർപ്പറേറ്റ് നികുതിക്ക് വിധേയമായിരിക്കും.
കോർപ്പറേറ്റ് നികുതിയിൽ നിന്ന് ആരെയാണ് ഒഴിവാക്കിയത്?
യുഎഇ കോർപ്പറേറ്റ് നികുതി നിയമത്തിലെ എക്‌സിക്യൂട്ടീവ് റെഗുലേഷനിൽ വ്യക്തമാക്കിയിട്ടുള്ള എല്ലാ നിബന്ധനകളും പാലിക്കുന്ന യോഗ്യതയുള്ള ഒരു ഫ്രീ സോൺ എന്റിറ്റിയെ ഒഴിവാക്കും. പ്രകൃതിവിഭവങ്ങൾ വേർതിരിച്ചെടുക്കുന്ന പ്രവർത്തനങ്ങളെയും ഒഴിവാക്കിയിരിക്കുന്നു. എന്നിരുന്നാലും, അവ നിലവിലുള്ള എമിറേറ്റ് തലത്തിലുള്ള നികുതിക്ക് വിധേയമാണ്. സർക്കാർ സ്ഥാപനങ്ങളുടെ പ്രവർത്തനങ്ങൾ (വാണിജ്യ പ്രവർത്തനങ്ങൾ ഒഴികെ), പെൻഷൻ ഫണ്ടുകൾ, നിക്ഷേപ ഫണ്ടുകൾ, പൊതു ആനുകൂല്യ സ്ഥാപനങ്ങൾ എന്നിവയും കോർപ്പറേറ്റ് നികുതിയിൽ നിന്ന് ഒഴിവാക്കിയിട്ടുണ്ട്.
The Emara Tax platform for digital tax services has been made available from January 2023 to May 2023 by the Federal Tax Authority (FTA) of the UAE for early registration of corporate tax for certain categories of companies operating in the country. According to the Federal Decree-Law No. 47 of 2022 on the corporate tax law, taxable persons must pay 9% corporate tax at the beginning of their first financial year that starts on or after June 1st, 2023.The phase is open to feedbacks and suggestions to ensure improvements of registration procedures and processes.
