Google അതിന്റെ ഡെസ്ക്ടോപ്പ് വെർഷനിലെ സേർച്ച് റിസൾട്ടുകളിൽ “Topic Filters” അടുത്തിടെ അവതരിപ്പിച്ചു.
ഈ സവിശേഷത യൂസറിന്റെ സേർച്ച് ടേമിനനുസരിച്ച് പ്രാധാന്യമുളള വിഷയങ്ങൾ നിർദ്ദേശിക്കുകയും സേർച്ച് റിസൾട്ടുകൾ അതിനനുസരിച്ച് ക്രമീകരിക്കുകയും ചെയ്യുമെന്ന് Google അവകാശപ്പെടുന്നു. ഈ അപ്ഡേറ്റ് ഉപയോക്താക്കൾക്ക് അവർ തിരയുന്ന വിവരങ്ങൾ കൂടുതൽ കൃത്യതയോടെ എളുപ്പത്തിൽ തിരയാനും വർഗ്ഗീകരിക്കാനും സാധ്യക്കുമെന്ന് ഗൂഗിൾ പറയുന്നു.
കൂടാതെ, ‘ഉപയോക്താക്കളെ അവരുടെ മുൻഗണനകളെ അടിസ്ഥാനമാക്കി ഫിൽട്ടറുകൾ കോൺഫിഗർ ചെയ്യാൻ അനുവദിക്കുന്ന ” ‘All filters'” എന്ന പുതിയ ഡ്രോപ്പ്-ഡൗൺ ഓപ്ഷനും Google ഉൾപ്പെടുത്തിയിട്ടുണ്ട്. അത് ഉപയോക്താക്കളെ അവരുടെ മുൻഗണനകൾക്കനുസരിച്ച് ഫിൽട്ടറുകൾ സജ്ജീകരിക്കാൻ പ്രാപ്തമാക്കുന്നു. ഈ അപ്ഡേറ്റ് ഉപയോക്താക്കൾക്ക് അവരുടെ സേർച്ച് എക്സ്പീരിയൻസിൽ കൂടുതൽ നിയന്ത്രണം നൽകുന്നതിനാൽ വിലപ്പെട്ട അപ്ഡേറ്റാണ്. മുമ്പ്, അൽഗോരിതം സ്വയമേവ സൃഷ്ടിക്കുന്ന ടാബുകൾ ആയതിനാൽ ഏതൊക്കെയെന്ന് നിർണയിക്കുന്നതിൽ ഉപയോക്താക്കൾക്ക് നിയന്ത്രണമില്ലായിരുന്നു.
ടോപ്പിക് ഫിൽട്ടറുകൾ എന്ന ഫീച്ചർ ഉപയോഗിച്ച്, ഉപയോക്താവിന്റെ സേർച്ചിനെ അടിസ്ഥാനമാക്കി Google ഇപ്പോൾ പ്രസക്തമായ പദങ്ങൾ നിർദ്ദേശിക്കുന്നു. ഇതുവരെ, സേർച്ച് ടാബുകളിൽ ചിത്രങ്ങൾ, മാപ്പുകൾ, ഷോപ്പിംഗ്, വാർത്തകൾ, വീഡിയോകൾ, ഫ്ലൈറ്റുകൾ, പുസ്തകങ്ങൾ, ധനകാര്യം എന്നിങ്ങനെ എട്ട് വിഭാഗങ്ങളാണ് ഉൾപ്പെട്ടിരുന്നത്.
‘ടോപ്പിക് ഫിൽട്ടറുകൾ’ എന്ന ഫീച്ചർ നിലവിൽ യു.എസ്.എയിലെ ഇംഗ്ലീഷ് ഉപയോക്താക്കൾക്ക് മാത്രമേ ലഭ്യമാകൂ. എന്നാൽ ഇത് ഉടൻ തന്നെ മറ്റ് പ്രദേശങ്ങളിലേക്കും ഭാഷകളിലേക്കും വ്യാപിപ്പിക്കുമെന്നാണ് പ്രതീക്ഷിക്കുന്നത്. കുറച്ച് മാസങ്ങൾക്ക് മുമ്പ്, ഗൂഗിൾ അതിന്റെ സെർച്ച് എഞ്ചിനിൽ റിവേഴ്സ് ഇമേജ് സെർച്ചിനുളള ഫീച്ചർ അവതരിപ്പിച്ചു.
കൂടാതെ ഇന്ത്യൻ ഉപയോക്താക്കൾക്കായി ഹിന്ദിയിൽ മൾട്ടി-സെർച്ച്, bilingual സേർച്ച് റിസൾട്ടിനുളള പിന്തുണ എന്നിവ പോലുള്ള പുതിയ സവിശേഷതകൾ ചേർക്കാനുള്ള പദ്ധതികളും വെളിപ്പെടുത്തിയിരുന്നു.