പ്രചോദിപ്പിക്കാൻ ദുബായ്

ഹോപ്പ് മേക്കർ – പ്രതീക്ഷയുടെ പ്രത്യാശയുടെ നിർമാതാക്കൾ. പാവപ്പെട്ടവരുടെ കണ്ണുനീരൊപ്പുന്ന നിരാലംബർക്കു തുണയായി, സമൂഹത്തിനു തന്നെ മാതൃകയാകുന്ന അറബ് ലോകത്തെ ഇത്തരം പ്രതീക്ഷയുടെ നിർമാതാക്കൾക്കായി, അവരുടെ കഥകൾ ലോകത്തെ അറിയിക്കുവാനായി, അവർക്കു ഉചിതമായ പാരിതോഷികം നൽകുവാനായി  ദുബായ് വീണ്ടും തിരച്ചിൽ തുടങ്ങിക്കഴിഞ്ഞു.

തങ്ങളുടെ പ്രചോദനാത്മകമായ കഥകൾ പങ്കിടാൻ  ഈ മേഖലയിലെ ‘പ്രതീക്ഷ മേക്കർമാരോട്’  യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം നേരിട്ട് ട്വിറ്ററിലൂടെ ആവശ്യപ്പെട്ടിരിക്കുകയാണ്. മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്‌സ് സംഘടിപ്പിക്കുന്ന  അറബ് ഹോപ്പ് മേക്കേഴ്‌സ് സംരംഭത്തിന്റെ 2023 പതിപ്പിന്റെ ലോഞ്ച് ദുബായ് ഭരണാധികാരി പ്രഖ്യാപിക്കുകയും ചെയ്തു.

അറബ് മേഖലയിലെ ഇത്തരത്തിലുള്ള ഏറ്റവും വലിയ സംരംഭത്തിലെ വിജയിക്ക് 1 മില്യൺ ദിർഹം പുരസ്കാരമായി നൽകും. ശൈഖ് മുഹമ്മദ് ട്വിറ്ററിൽ :

“നിങ്ങളെയോ നിങ്ങൾക്ക് അറിയാവുന്ന ആരെങ്കിലുമോ പ്രത്യാശ മേക്കർ ആയി കാണുകയാണെങ്കിൽ arabhopemakers.com വഴി നിങ്ങളുടെ നോമിനേഷനുകൾ അയക്കാൻ ഞങ്ങൾ നിങ്ങളോട് ആവശ്യപ്പെടുന്നു.” ദുബായ് ഭരണാധികാരി നേരിട്ട് അഭ്യർത്ഥിച്ചു കഴിഞ്ഞു.  

ആർക്കൊക്കെ അപേക്ഷിക്കാം?

മുഹമ്മദ് ബിൻ റാഷിദ് അൽ മക്തൂം ഗ്ലോബൽ ഇനിഷ്യേറ്റീവ്‌സ് സംഘടിപ്പിക്കുന്ന ഹോപ്പ് മേക്കേഴ്‌സ് സംരംഭം ലക്ഷ്യമിടുന്നത്, സമൂഹത്തിലെ ഒരു പ്രത്യേക വശം മെച്ചപ്പെടുത്താനും, അതിലുള്ളവരുടെ കഷ്ടപ്പാടുകൾ ലഘൂകരിക്കാനും ലക്ഷ്യമിട്ടുള്ള ക്രിയാത്മകവും ഫലപ്രദവുമായ പ്രോജക്റ്റ്, പ്രോഗ്രാം, കാമ്പെയ്‌ൻ അല്ലെങ്കിൽ സംരംഭം എന്നിവക്കു നേതൃത്വം നൽകുന്ന  അറബ് വ്യക്തികളെയും സ്ഥാപനങ്ങളെയുമാണ്. ഒരു പ്രാദേശിക വെല്ലുവിളി പരിഹരിക്കുക അല്ലെങ്കിൽ ജനതയുടെ ജീവിത നിലവാരം ഉയർത്തുക എന്നതാണ് പ്രധാന സൂചിക.

സാധ്യതയുള്ള പ്രത്യാശ നിർമ്മാതാക്കൾക്ക് സ്വയം നാമനിർദ്ദേശം ചെയ്യാനോ അല്ലെങ്കിൽ ശീർഷകത്തിന് യോഗ്യരാണെന്ന് കണ്ടെത്തുന്ന ഇവരെ മറ്റുള്ളവർക്ക് നാമനിർദ്ദേശം ചെയ്യാനോ കഴിയും. സംരംഭങ്ങൾ സുസ്ഥിരവും  സ്വാധീനമുള്ളതുമായിരിക്കണം. വിജയിക്ക് ഒരു മില്യൺ ദിർഹം സമ്മാനം ലഭിക്കും.

ദുബായിൽ വിജയിയെ പ്രഖ്യാപിക്കുന്നതിന് മുമ്പ് നോമിനികൾ നിരവധി യോഗ്യതാ ഘട്ടങ്ങളിലൂടെ കടന്നുപോകും, അവിടെ അവരെ സൂക്ഷ്മമായി വിലയിരുത്തുകയും അവരുടെ പ്രോജക്റ്റുകൾ പരിശോധിക്കുകയും ചെയ്യും.

പ്രതീക്ഷയുടെ ഏകദേശം 250,000 കഥകൾ

2017-ൽ ആരംഭിച്ചതു മുതൽ, ഹോപ്പ് മേക്കേഴ്‌സ് സംരംഭം 2,44,000 നോമിനേഷനുകളാണ് പരിശോധിച്ചത്.

സംരംഭത്തിന്റെ ആദ്യ പതിപ്പിൽ, 200,000-ത്തിലധികം അഭയാർത്ഥികളുടെ ജീവൻ രക്ഷിക്കാൻ സഹായിച്ച മൊറോക്കോയിൽ നിന്നുള്ള നവാൽ അൽ സൗഫിയെ അറബ് ഹോപ്പ് മേക്കർ എന്ന് നാമകരണം ചെയ്തു.  യെമനിലെ സന്നദ്ധപ്രവർത്തനത്തിനായി തന്റെ ജീവിതം സമർപ്പിക്കുകയും 250,000 ആളുകളെ സഹായിച്ച 30-ലധികം സംരംഭങ്ങൾക്ക് നേതൃത്വം നൽകുകയും ചെയ്ത കുവൈത്തി വനിത മാലി അൽ അസൂസി അടക്കം മറ്റു നാല് ഫൈനലിസ്റ്റുകൾക്ക് ഓരോരുത്തർക്കും ഒരു മില്യൺ ദിർഹം നൽകി ഷെയ്ഖ് മുഹമ്മദ് എല്ലാവരേയും അത്ഭുതപ്പെടുത്തി. മറ്റു ഫൈനലിസ്റ്റുകൾ  കെയ്‌റോയിലെ പാവപ്പെട്ടവരെ സഹായിക്കാൻ തന്റെ ജീവിതത്തിന്റെ 27 വർഷം ചെലവഴിച്ച ഈജിപ്തിൽ നിന്നുള്ള മജിദ ജോബ്രാൻ, നൂറുകണക്കിന് തെരുവ് കുട്ടികൾക്ക് വീടും പാർപ്പിടവും നൽകിയ ഇറാഖിൽ നിന്നുള്ള ഹെഷാം അൽ താബി, സിറിയയിൽ തകർന്ന വീടുകളുടെ അവശിഷ്ടങ്ങൾക്കിടയിൽ നിന്ന് പതിനായിരക്കണക്കിന് ആളുകളെ രക്ഷിച്ച 3,100 സന്നദ്ധപ്രവർത്തകരുടെ കൂട്ടായ്മയായ വൈറ്റ് ഹെൽമറ്റ് എന്നിവരാണവർ .

 കെയ്‌റോയിലെ തെരുവുകളിൽ ഭവനരഹിതരായ മുതിർന്നവർക്ക് അഭയം നൽകിയതിന് 2018-ൽ ഈജിപ്തിൽ നിന്നുള്ള മഹമൂദ് വാഹിദിനെ അറബ് ഹോപ്പ് മേക്കർ ആയി തിരഞ്ഞെടുത്തു.

2020-ൽ കെനിയയിലെ മൊംബാസയിൽ വിപുലമായ കിഡ്നി ഡയാലിസിസ് സെന്ററുകളും ഇൻകുബേറ്ററുകളും സ്ഥാപിച്ചതിനുള്ള ഹോപ്പ് മേക്കർ കിരീടം യുഎഇയിൽ നിന്നുള്ള അഹമ്മദ് അൽ ഫലാസി നേടി.

The UAE Vice-President has personally invited ‘hope makers’ in the region to share their inspirational stories. Announcing the launch of the 2023 edition of Arab Hope Makers, His Highness Sheikh Mohammed bin Rashid Al Maktoum, Vice-President and Prime Minister of the UAE and Ruler of Dubai, announced the initiative’s launch.