അമേരിക്കയിലെ ഇന്ത്യൻ കോടീശ്വരികൾ

അമേരിക്കയിൽ ജീവിച്ച് richest self-made women എന്ന അഭിമാനാർഹമായ കോടീശ്വരിപട്ടം കൈവരിച്ചവരിൽ നാല് ഇന്ത്യൻ വംശജകളും. ഫോബ്‌സിന്റെ  100 richest self-made women പട്ടികയിൽ ഇടം നേടിയ നാല് ഇന്ത്യൻ വംശജരായ സ്ത്രീകളിൽ 4.06 ബില്യൺ ഡോളർ ആസ്തിയുള്ള ജയശ്രീ ഉള്ളാളും നീർജ സേത്തിയും മുന്നിലാണ്. പിന്നാലെ ഇന്ദ്ര നൂയി, നേഹ നർഖഡെ എന്നീ വനിതകളും.

ജയശ്രീ ഉള്ളാൽ

പട്ടികയിൽ 15-ാം സ്ഥാനത്തുള്ള ജയശ്രീ ഉള്ളാലിന്റെ ആസ്തി 2.4 ബില്യൺ ഡോളറാണ്.  ഐക്കണിക് പോപ്പ് ഗായിക റിഹാനയെ പിന്തള്ളിയാണ് ഉള്ളാൾ 15 ആം സ്ഥാനത്തെത്തിയത്. 2008 മുതൽ പരസ്യമായി ട്രേഡ് ചെയ്യപ്പെടുന്ന അരിസ്റ്റ നെറ്റ്‌വർക്കിന്റെ പ്രസിഡന്റും സിഇഒയും ആയ അവർ അതിന്റെ സ്റ്റോക്കിന്റെ 2.4 ശതമാനം സ്വന്തമാക്കി.

അരിസ്റ്റ 2022-ൽ ഏകദേശം 4.4 ബില്യൺ യുഎസ് ഡോളറിന്റെ വരുമാനം രേഖപ്പെടുത്തി. 2020 സെപ്റ്റംബറിൽ പബ്ലിക് ആയ ക്ലൗഡ് കംപ്യൂട്ടിംഗ് കമ്പനിയായ സ്നോഫ്ലേക്കിന്റെ ഡയറക്ടർ ബോർഡിലും അവർ ഉണ്ട്. 62-കാരിയായ ജയശ്രീ ഉള്ളാൽ സാൻ ഫ്രാൻസിസ്കോ സ്റ്റേറ്റ് യൂണിവേഴ്സിറ്റിയിൽ ഇലക്ട്രിക്കൽ എഞ്ചിനീയറിംഗും എഞ്ചിനീയറിംഗ് മാനേജ്മെന്റും കഴിഞ്ഞാണ് ബിസിനെസ്സിലേക്കിറങ്ങിയത്.   

നീർജ സേത്തി

പട്ടികയിൽ 25-ാം സ്ഥാനത്തുള്ള 68 കാരിയായ നീർജ സേത്തിയുടെ ആസ്തി 990 മില്യൺ ഡോളറാണ്. സേത്തിയും അവരുടെ ഭർത്താവ് ഭരത് ദേശായിയും ചേർന്ന് 1980-ൽ സ്ഥാപിച്ച സിന്റൽ, ഫ്രഞ്ച് ഐടി സ്ഥാപനമായ Atos SE 2018 ഒക്ടോബറിൽ 3.4 ബില്യൺ ഡോളറിന് വാങ്ങി.

സേതിക്ക് അവരുടെ ഓഹരിയ്ക്കായി 510 ദശലക്ഷം യുഎസ് ഡോളർ ലഭിച്ചു. ഡൽഹി യൂണിവേഴ്‌സിറ്റിയിൽ നിന്ന് ആർട്‌സ്/സയൻസ് ബിരുദവും ബിസിനസ് അഡ്മിനിസ്‌ട്രേഷിൻ മാസ്റ്റർ ബിരുദവും ഓക്‌ലാൻഡ് യൂണിവേഴ്‌സിറ്റിയിൽ നിന്ന് മാസ്റ്റർ ഓഫ് സയൻസും നേടിയിട്ടുണ്ട്.

നേഹ നർഖഡെ

520 മില്യൺ ഡോളർ ആസ്തിയുള്ള 38 കാരിയായ നേഹ നർഖഡെ പട്ടികയിൽ 50-ാം സ്ഥാനത്താണ്. ഒരു ലിങ്ക്ഡ്ഇൻ സോഫ്റ്റ്‌വെയർ എഞ്ചിനീയർ എന്ന നിലയിൽ, നെറ്റ്‌വർക്കിംഗ് സൈറ്റിന്റെ വൻതോതിലുള്ള ഡാറ്റാ  കൈകാര്യം ചെയ്യുന്നതിനായി ഓപ്പൺ സോഴ്‌സ് മെസേജിംഗ് സിസ്റ്റം അപ്പാച്ചെ കാഫ്ക വികസിപ്പിക്കാൻ അവർ സഹായിച്ചു.  2023 മാർച്ചിൽ, നാർഖെഡ് തന്റെ പുതിയ കമ്പനിയായ fraud detection firm Oscilar – ഓസ്‌സിലാർ- ആരംഭിച്ചു. അവിടെ നേഹ നർഖഡെ സഹസ്ഥാപകയും സിഇഒയുമാണ്.

ഇന്ദ്ര നൂയി

പെപ്‌സികോയുടെ മുൻ ചെയർപേഴ്സണും സിഇഒയുമായ ഇന്ദ്ര നൂയിക്ക്  US ൽ 350 മില്യൺ ഡോളറിന്റെ ആസ്തിയുണ്ട്. പട്ടികയിൽ 77-ാം സ്ഥാനത്താണ്. സിഇഒ എന്ന നിലയിൽ, 67-രിയായ ഇന്ദ്ര നൂയി പെപ്‌സികോയെ വൻലാഭത്തിലേക്കു നയിച്ചു.   2006-ൽ കോർപ്പറേറ്റ് അമേരിക്കയിലെ ഏതാനും വനിതാ സിഇഒമാരിൽ ഒരാളായി  
 
ഫോർബ്സ്  പട്ടികയിൽ അമേരിക്കയുടെ  ഏറ്റവും വിജയകരമായ വനിതാ സംരംഭകർ, വിനോദം, എക്സിക്യൂട്ടീവുകൾ എന്നിവരെ  ഉൾപ്പെടുത്തിയിട്ടുണ്ട്. അമേരിക്കയിലെ റൂഫിംഗ്, സൈഡിംഗ്, വിൻഡോകൾ എന്നിവയുടെ ഏറ്റവും വലിയ മൊത്ത വിതരണക്കാരിൽ ഒരാളായ എബിഎസ് സപ്ലൈസിന്റെ ചെയർപേഴ്സൺ ഡയാൻ ഹെൻഡ്രിക്സ് 15 ബില്യൺ ഡോളർ ആസ്തിയുമായി പട്ടികയിൽ ഒന്നാമതെത്തി.

ഈ വർഷത്തെ പട്ടികയിൽ ടെലിവിഷൻ നിർമ്മാതാവ് ഷോണ്ട റൈംസ്, ഇൻസിട്രോ സിഇഒ ഡാഫ്‌നെ കോളർ എന്നിവരുൾപ്പെടെ 124 ബില്യൺ യുഎസ് ഡോളറിന്റെ റെക്കോർഡ് മൂല്യമുള്ള എട്ട് പേർ ഉൾപ്പെടുന്നു.