ഇനി പുത്തൻ മോടിയിലാകും എയർ ഇന്ത്യ വിമാനങ്ങൾ പറക്കുക. റീബ്രാൻഡിങ്ങിന്റെ ഭാഗമായി എയർ ഇന്ത്യ, ചുവപ്പ്, സ്വർണ്ണം, വയലറ്റ് നിറങ്ങൾ ഉൾക്കൊള്ളുന്ന പുതിയ ലോഗോയും ലിവറിനിറങ്ങളും വ്യാഴാഴ്ച പുറത്തിറക്കി.
പതിറ്റാണ്ടുകളായി എയർ ഇന്ത്യയുടെ ഭാഗ്യചിഹ്നമായി സേവനമനുഷ്ഠിച്ച ‘മഹാരാജ’, എയർ ഇന്ത്യയിൽ തുടരും.
പുതിയ ലോഗോയ്ക്ക് ‘ദി വിസ്റ്റ’ എന്നാണ് പേരിട്ടിരിക്കുന്നത്. പരിപാടിയുടെ ഭാഗമായി എയർലൈൻ അതിന്റെ പുതിയ ടെയിൽ ഡിസൈനും തീം സോംഗും വെളിപ്പെടുത്തി. ചുവപ്പും വെളുപ്പും എയർ ഇന്ത്യയുടെ നിറങ്ങളാണെങ്കിൽ, പർപ്പിൾ എയർലൈൻ വിസ്താരയുടെ ലിവറിയിൽ നിന്നാണ് എടുത്തത്.ലോഗോ പരിധിയില്ലാത്ത സാധ്യതകളെയും ആത്മവിശ്വാസത്തെയും സൂചിപ്പിക്കുന്നുവെന്ന് ടാറ്റ സൺസ് ചെയർമാൻ ചന്ദ്രശേഖരൻ പറഞ്ഞു.
“ഞങ്ങൾ എല്ലാ മാനവ വിഭവശേഷി വശങ്ങളും നവീകരിക്കുന്നതിലാണ് ശ്രദ്ധ കേന്ദ്രീകരിക്കുന്നത്. ഞങ്ങൾ ധാരാളം വിമാനങ്ങൾ ഓർഡർ ചെയ്‌തിരിക്കെ ഞങ്ങളുടെ നിലവിലെ ഫ്ലീറ്റ് നവീകരിക്കുകയും സ്വീകാര്യമായ തലത്തിൽ എത്തിക്കുകയും വേണം. പാത വ്യക്തമാണ്. പുതിയ ലോഗോ ഞങ്ങളുടെ ധീരമായ കാഴ്ചപ്പാടിനെ പ്രതിനിധീകരിക്കുന്നു,
“നിലവിലുള്ള എല്ലാ വിമാനങ്ങളിലും പുതിയ ലിവറി പുറത്തിറക്കുന്നതിന് കുറച്ച് സമയമെടുക്കും. ഞങ്ങൾക്ക് പുതിയ വിമാനങ്ങൾ ലഭിക്കുമ്പോൾ, പ്രത്യേകിച്ച് അടുത്ത ഏതാനും മാസങ്ങൾക്കുള്ളിൽ ഡെലിവറി ചെയ്യാനിരിക്കുന്ന പുതിയ A350 സെറ്റ്, അവ പുതിയ ലിവറി വഹിച്ചായിരിക്കും സര്വീസിനെത്തുക”.
ചില പഴയ എയർ ഇന്ത്യ വിമാനങ്ങൾ റിട്ടയർ ചെയ്യുമെന്നും അവ വീണ്ടും പെയിന്റ് ചെയ്യുന്നത് അനാവശ്യമാണെന്നും അദ്ദേഹം സൂചിപ്പിച്ചു.
എയർ ഇന്ത്യ പുതിയ വെബ്‌സൈറ്റും മൊബൈൽ ആപ്പും പുറത്തിറക്കി, പുതിയ ഡിജിറ്റൽ ടൂളുകളും ഫീച്ചറുകളും ഉപയോഗിച്ച് ഗണ്യമായി മെച്ചപ്പെട്ട വെബ് അനുഭവം വാഗ്ദാനം ചെയ്യുന്നു,
പുതിയ ലോഗോ മുൻനിർത്തി ഇന്ത്യയുടെ മുൻനിര എയർലൈനിന്റെ പങ്ക് പുനർവിചിന്തനം ചെയ്യാനുള്ള സമ്പൂർണ പരിവർത്തനത്തിന്റെ നടുവിലാണ് ഞങ്ങൾ,” എയർ ഇന്ത്യ സിഇഒ കാംബെൽ വിൽസൺ പറഞ്ഞു.
“എയർ ഇന്ത്യ തങ്ങളുടെ സേവനം ഉയർത്തുന്നതിനും ഇന്ത്യയിലേക്കും പുറത്തേക്കും ഇന്ത്യക്കകത്തും പറക്കുന്ന യാത്രക്കാർക്ക് ഇഷ്ടപ്പെട്ട എയർലൈൻ എന്ന സ്ഥാനം ശക്തിപ്പെടുത്തുന്നതിനുമായി അതിഥി അനുഭവത്തിലുടനീളം കാര്യമായ നിക്ഷേപം നടത്തുന്നു,” എയർലൈനിന്റെ പ്രസ്താവന ചൂണ്ടിക്കാട്ടി.
ഡിസംബറോടെ എയർ ഇന്ത്യ രണ്ട് എ350 വിമാനങ്ങളും 2024 ജനുവരി-മാർച്ച് കാലയളവിൽ മൂന്ന് മുതൽ നാല് വരെ എ350 വിമാനങ്ങളും സേവനത്തിൽ ഉൾപ്പെടുത്തുമെന്ന് വിൽസൺ പറഞ്ഞു.
ഫെബ്രുവരിയിൽ എയർ ഇന്ത്യ 470 വിമാനങ്ങൾക്ക് ഓർഡർ നൽകി: 250 യൂറോപ്യൻ വിമാന നിർമാതാക്കളായ എയർബസും 220 ബോയിംഗും വാങ്ങുവാനാണ് ഓർഡർ. ഈ ഓർഡർ ലോകത്തിലെ രണ്ടാമത്തെ ഏറ്റവും വലിയ സിംഗിൾ-ട്രാഞ്ച് എയർക്രാഫ്റ്റ് വാങ്ങലിനെ പ്രതിനിധീകരിക്കുന്നു. ബോയിംഗ് ഓർഡറിൽ 190 B737 MAX, 20 B787, 10 B777 എന്നിവ ഉൾപ്പെടുന്നു.
എയർബസ് കമ്പനിയുടെ ഓർഡറിൽ 210 എ320 ഫാമിലി വിമാനങ്ങളും 40 എ350 വിമാനങ്ങളും ഉൾപ്പെടുന്നു. എ 350, ബി 777, ബി 787 എന്നിവ വലിയ ഇന്ധന ടാങ്കുകളുള്ള വൈഡ് ബോഡി വിമാനങ്ങളാണ്, ഇത് ഇന്ത്യ-വടക്കേ അമേരിക്ക റൂട്ടുകൾ പോലുള്ള ദീർഘദൂരങ്ങൾ മറികടക്കാൻ എയർ ഇന്ത്യയെ പ്രാപ്തമാക്കും.
