ലേഡി സൂപ്പർ സ്റ്റാർ എന്ന് നയൻതാരയെ വെറുതെയല്ല വിളിക്കുന്നത്. ടോളിവുഡാണെങ്കിലും ബോളിവുഡാണെങ്കിലും ബോക്സ് ഓഫീസ് ഹിറ്റാണ് നയൻസിന്റെ സിനിമകൾ. സിനിമകളിൽ മാത്രമല്ല, സംരംഭങ്ങളിലും ഹിറ്റടിക്കാനുള്ള ഒരുക്കത്തിലാണ് നയൻസും ഭർത്താവും സംവിധായകനുമായ വിഗ്നേഷ് ശിവനും. സെലിബ്രറ്റി എൻട്രപ്രണർമാരാകുന്ന അടുത്ത ദമ്പതികൾ.
ഇരുവരുടെയും 9Skin ബ്രാൻഡ് മാർക്കറ്റിൽ എത്തി കഴിഞ്ഞു. ചർമ്മ പരിചരണ ഉത്പന്നങ്ങളുമായാണ് 9Skin ബ്രാൻഡ് വിപണിയിലെത്തിയത്.
ബ്രാൻഡിന്റെ സഹസ്ഥാപക സിങ്കപ്പൂരിൽ നിന്നുള്ള സീരിയൽ എൻട്രപ്രണർ ഡെയ്സി മോർഗനാണ് (Daisy Morgan). നയൻതാരയും വിഗ്നേഷ് ശിവനും ഇതിന് മുമ്പ് ചെന്നൈയിലെ ‘ചായ് വാലി’യിൽ നിക്ഷേപം നടത്തിയിരുന്നു.
നയൻസിന്റെ സ്കിൻകെയർ
സൗന്ദര്യ വർധ, ആരോഗ്യ സംരക്ഷണ ഉത്പന്നങ്ങളിലാണ് 9Skin ഇപ്പോൾ ശ്രദ്ധിക്കുന്നത്. ഓരോരുത്തരുടെയും ആവശ്യം മനസിലാക്കിയുള്ള ചർമ പരിചരണ ഉത്പന്നങ്ങളാണ് 9Skin-ന്റേത് എന്ന് നയൻതാര പറഞ്ഞു. ഏത് സ്കിൻ ടൈപ്പിനു പറ്റുന്ന ഉത്പന്നങ്ങളും ബ്രാൻഡിന് കീഴിൽ ലഭിക്കുമെന്ന് ഇരുവരും ഉറപ്പ് നൽകുന്നു. ബൂസ്റ്റർ ഓയിലായ സ്കിന്റിലേറ്റ് (Skintillate), നൈറ്റ് ക്രീം റെജുവനേറ്റ് (Rejuvenate), ആന്റി ഏയ്ജിങ് സെറമായ എറ്റർനല്ലെ (Eternelle), ഗ്ലോ സെറം ഇല്യുമിനേറ്റ് (Illuminate), ഡേ ക്രീം റിവൈവ് (Revive) എന്നിവയാണ് നിലവിൽ ബ്രാൻഡ് വിപണിയിലെത്തിക്കുന്നത്. സിങ്കപ്പൂർ, മലേഷ്യ, ഇന്ത്യ എന്നിവിടങ്ങളാണ് ബ്രാൻഡിന്റെ നിലവിലെ മാർക്കറ്റ്. രാസവസ്തുക്കളും മറ്റും ഉപയോഗിക്കുന്നില്ല എന്ന് ഉറപ്പു തരുന്ന ഉത്പന്നങ്ങൾക്ക് 999 രൂപ മുതൽ 1899 രൂപവരെയാണ് വില. ഗുണമേന്മയുള്ള ചർമ പരിചരണ ഉത്പന്നങ്ങൾ എല്ലാവർക്കും ഉറപ്പാക്കുകയാണ് ബ്രാൻഡിലൂടെ ലക്ഷ്യം വെക്കുന്നതെന്ന് വിഗ്നേഷ് ശിവൻ പറഞ്ഞു.
Renowned actor Nayanthara, director Vignesh Shivan, and serial entrepreneur Daisy Morgan have joined forces to embark on an exciting venture in the skincare industry. Their latest venture, 9Skin, promises to bring about a remarkable transformation in the world of skincare with a fresh perspective on self-care and beauty. This article delves into the details of this groundbreaking brand’s mission and its strategic approach to revolutionising the skincare market.
