സ്വിഗ്ഗിയിൽ ഡിമാന്റ് ബിരിയാണിക്ക് തന്നെ

ഇന്ത്യയിലെ ഫുഡ് കിംഗ് ബിരിയാണി തന്നെ. സ്വിഗ്ഗിയിൽ 2023 ലും ഇന്ത്യയിൽ ഏറ്റവുമധികം ആളുകൾ ആവശ്യപ്പെട്ട ഭക്ഷണം ബിരിയാണിയാണ്. തുടർച്ചയായി എട്ടാം വർഷമാണ് ബിരിയാണി ഈ സ്ഥാനത്ത് എത്തുന്നത്. ഹൈദരാബാദാണ് ഇന്ത്യയിലെ ബിരിയാണി നഗരം. സ്വിഗ്ഗിയുടെ കണക്കിൽ ഇന്ത്യയുടെ ചോക്ലേറ്റ് കേക്ക് നഗരം ബംഗളൂരുവാണ്. 2023 ൽ ചെന്നൈ, ദില്ലി, ഹൈദരബാദിൽ എന്നീ നഗരങ്ങളിൽ നിന്നാണ് ഏറ്റവുമധികം ഓർഡറുകൾ സ്വിഗ്ഗിയിലേക്ക് എത്തിയത്.

ഒന്നാമൻ ബിരിയാണി, നഗരം ഹൈദരാബാദ്

കഴിഞ്ഞ ദിവസമാണ് സ്വിഗ്ഗിയിൽ ഏറ്റവുമധികം ഓർഡർ ചെയ്ത ഭക്ഷണങ്ങളുടെ പട്ടിക പുറത്ത് വന്നത്. 2023-ൽ തുടർച്ചയായ എട്ടാം വർഷവും ഫുഡ് ഡെലിവറി പ്ലാറ്റ്‌ഫോമിൽ ഏറ്റവുമധികം ഓർഡർ ചെയ്ത വിഭവമായതിനാൽ ബിരിയാണി സ്വിഗ്ഗിയുടെ ചാർട്ടുകളിൽ ഒന്നാമതെത്തി.

2023-ൽ ഇന്ത്യ സെക്കൻഡിൽ 2.5 ബിരിയാണി ഓർഡർ ചെയ്തു. ശരാശരി 5.5 എണ്ണം ചിക്കൻ ബിരിയാണി ഓർഡർ ചെയ്യുമ്പോൾ ഒരു വെജ് ബിരിയാണിയാണ് ഓർഡർ ചെയ്തത്. ജനുവരി 1 നും നവംബർ 23 നും ഇടയിലുള്ള ഓർഡർ ഡാറ്റയെ അടിസ്ഥാനമാക്കി “How India Swiggy’d 2023 – unwrapping India’s year in on-demand convenience” എന്ന റിപ്പോർട്ടിൽ പുറത്തുവിട്ട കണക്കുകൾ പ്രകാരം ജനുവരി ഒന്നിന് മാത്രം 430,000 ബിരിയാണികളാണ് പ്ലാറ്റ്‌ഫോമിൽ ഓർഡർ ചെയ്തത്.

2.49 ദശലക്ഷം ഉപയോക്താക്കൾ ബിരിയാണി ഓർഡർ ചെയ്തുകൊണ്ട് സ്വിഗ്ഗിയിൽ അരങ്ങേറ്റം കുറിച്ചു.
ആകെ ലഭിച്ച ആറ് ഓർഡറുകളിൽ ഒന്ന് എന്നാണ് ഹൈദരബാദിനെ ബിരിയാണി പ്രേമത്തിൽ മുന്നിൽ എത്തിച്ചത്.  നഗരത്തിൽ നിന്നുള്ള ഒരു സ്വിഗ്ഗി ഉപയോക്താവ് ഈ വർഷം 1,633 ബിരിയാണികൾ ഓർഡർ ചെയ്തു.

പിന്നാലെ പിസയും

നവംബർ 19 ന് നടന്ന ലോകകപ്പ് ഫൈനൽ ദിനത്തിൽ 188 പിസ വീതമാണ് രാജ്യത്തിന്റെ വിവിധ ഭാഗങ്ങളിലായി ഓരോ മിനിറ്റിലും ഓർഡർ ചെയ്യപ്പെട്ടത്. 269 ഇനങ്ങളുള്ള പിസാ ഓർഡർ ലഭിച്ചത് ഝാൻസിയിൽ നിന്നാണ്.  ഒറ്റ ദിവസം കൊണ്ട് 207 പിസ്സകൾ ഓർഡർ ചെയ്‌തത് ഭുവനേശ്വറിലെ ഒരു വീട്ടിലേക്കായിരുന്നു.

ഭക്ഷണത്തിനായി രാജ്യത്ത് സ്വിഗ്ഗിയിലൂടെ ഏറ്റവുമധികം പണം ചെലവിട്ടത് ഒരു മുംബൈ സ്വദേശിയാണ്. 42.3 ലക്ഷം രൂപയ്ക്കാണ് ഇയാൾ സ്വിഗ്ഗിയിലൂടെ 2023ൽ മാത്രം ഭക്ഷണം ഓർഡർ ചെയ്തത്.

ദുർഗാ പൂജ സമയത്ത് ഏറ്റവുമധികം ഓർഡർ ലഭിച്ചത് ഗുലാബ് ജാമൂനിനായിരുന്നു. നവരാത്രി സമയത്ത് മസാല ദോശയ്ക്കായിരുന്നു ഡിമാന്റ്. കേക്ക് ഏറ്റവുമധികം ആളുകൾ ആവശ്യപ്പെട്ടത് ബംഗളുരു നഗരത്തിലാണ്. 8.5 മില്യൺ ഓർഡറുകളാണ് ചോക്ക്ളേറ്റ് കേക്കിന് മാത്രമായി ലഭിച്ചത്. അങ്ങനെ ബംഗളുരു സ്വിഗിയുടെ ചോക്ലേറ്റ് തലസ്ഥാനമായി.

ജയ്പൂരിൽ നിന്നുള്ള ഒരു ഉപയോക്താവ് Swiggy Instamart ക്വിക്ക് കൊമേഴ്‌സ് പ്ലാറ്റ്‌ഫോമിൽ ഒറ്റ ദിവസം കൊണ്ട് 67 ഓർഡറുകൾ നൽകി. കോഫി, ജ്യൂസ്, കുക്കീസ്, നാച്ചോസ്, ചിപ്‌സ് എന്നിവ ഓർഡർ ചെയ്തു വാങ്ങിയ  ചെന്നൈയിലെ ഉപയോക്താവിൽ നിന്ന് ലഭിച്ച 31,748 രൂപയാണ് ഏറ്റവും ഉയർന്ന ഒറ്റ ഓർഡർ.

ഡൽഹിയിൽ 65 സെക്കൻഡിനുള്ളിൽ ഇൻസ്റ്റന്റ് നൂഡിൽസ് പാക്കറ്റ് ഇൻസ്റ്റാമാർട്ട് എത്തിച്ചു. ആ നൂഡിൽസ് ഉണ്ടാക്കാൻ എടുക്കുന്ന സമയത്തിന്റെ പകുതിയോളം വരും ഈ ഡെലിവറി സമയമെന്നു സ്വിഗ്ഗി അവകാശപ്പെടുന്നു.