ഇന്ത്യ  എഐ മിഷന്  പച്ചക്കൊടി

മെയ്ക് ഇൻ ഇന്ത്യ എഐ വിപ്ലവത്തിനൊരുങ്ങി ഇന്ത്യ. രാജ്യത്ത് ആർട്ടിഫിഷ്യല്‍ ഇന്റലിജൻസ് പ്രോത്സാഹിപ്പിക്കുന്നതിനും സാധ്യതകളെ വിനിയോഗിക്കാനും ലക്ഷ്യമിടുന്ന  ഇന്ത്യ എഐ മിഷന് India AI mission കേന്ദ്ര മന്ത്രിസഭ  അംഗീകാരം നൽകി.  നിർമിതബുദ്ധിയില്‍ അധിഷ്ഠിതമായ സ്റ്റാർ‌ട്ടപ്പുകളെ കൂടുതല്‍ ഗവേഷണങ്ങള്‍ക്കായി പ്രോത്സാഹിപ്പിക്കും. ഇതിനായി നിർമിതബുദ്ധി മാർക്കറ്റ് പ്ലേസ് രൂപകല്‍പന ചെയ്യും. ഇന്ത്യ AI ഇന്നൊവേഷൻ സെന്റർ സ്ഥാപിക്കും.

ഇന്ത്യ AI മിഷന്  അംഗീകാരം നല്‍കിയ പ്രധാനമന്ത്രി നരേന്ദ്ര മോദിയുടെ അദ്ധ്യക്ഷതയില്‍ ചേർന്ന കേന്ദ്ര മന്ത്രിസഭ യോഗം പദ്ധതിക്കായി അഞ്ച് വർഷത്തേക്ക് 10,371.92 കോടി രൂപ അനുവദിച്ചു. നിർമിത ബുദ്ധി മേഖലയില്‍ നൂതനമായ മുന്നേറ്റമാണ് ഇതുവഴി ലക്ഷ്യമിടുക.

ഡിജിറ്റല്‍ ഇന്ത്യ കോർപ്പറേഷന്റെ (DIC) ഇന്ത്യഎഐ ഇൻഡിപെൻഡൻ്റ് ബിസിനസ് ഡിവിഷൻ ആണ് ദൗത്യം നടപ്പാക്കുന്നത്. നിർമിതബുദ്ധി നിർമ്മാണ പ്രവർത്തനങ്ങള്‍ വിപുലീകരിക്കുക, ഇന്ത്യക്കായി നിർമിത ബുദ്ധി പ്രവർത്തിപ്പിക്കുക, ഡാറ്റയുടെ ഗുണനിലവാരം മെച്ചപ്പെടുത്തുക, തദ്ദേശീയ എഐ സംവിധാനം വികസിപ്പിക്കുക, സ്റ്റാർട്ടപ്പുകള്‍ക്ക് ധനസഹായം തുടങ്ങിയവയാണ് ലക്ഷ്യം.

 ആർട്ടിഫിഷ്യൽ ഇൻ്റലിജൻസ് കംപ്യൂട്ടിംഗ് ശേഷി വർധിപ്പിക്കാൻ സി-ഡാക്കിൻ്റെ പരം സൂപ്പർ കമ്പ്യൂട്ടറുകളും ഈ പദ്ധതിക്ക് കീഴിൽ ഉപയോഗിക്കും.

ഇന്ത്യ AI പ്രോഗ്രാമിന് കീഴിൽ, ഡീപ്‌ടെക് AI സ്റ്റാർട്ടപ്പുകളെ ത്വരിതപ്പെടുത്തുന്നതിന് പിന്തുണയും നൽകും. നിർമിതബുദ്ധിയില്‍ അധിഷ്ഠിതമായ സ്റ്റാർ‌ട്ടപ്പുകളെ കൂടുതൽ  ഗവേഷണങ്ങള്‍ക്കായി പ്രോത്സാഹിപ്പിക്കും. ഇതിനായി നിർമിതബുദ്ധി മാർക്കറ്റ് പ്ലേസ് രൂപകല്‍പന ചെയ്യും. ഇന്ത്യ എഐ ഇന്നൊവേഷൻ സെന്റർ സ്ഥാപിക്കും. എഐ പ്രോഗ്രാമുകളിലേക്കുള്ള പ്രവേശനത്തിനുള്ള തടസങ്ങള്‍ ലഘൂകരിക്കാൻ ഇന്ത്യ എഐ ഫ്യൂച്ചർ സ്കില്‍‌ രൂപീകരിക്കും. എഐ  സുരക്ഷ ഉറപ്പാക്കാനുള്ള നിർദ്ദേശങ്ങള്‍ നല്‍കും എന്ന് തുടങ്ങി വിവിധ ഘടകങ്ങള്‍ പദ്ധതിയുടെ ഭാഗമാകും.

  ഇന്ത്യ AI പ്രോഗ്രാമിന് കീഴിൽ  ഉയർന്ന നിലവാരമുള്ള സ്കേലബിൾ AI കമ്പ്യൂട്ടിംഗ് ഇക്കോസിസ്റ്റം നിർമ്മിക്കുന്നതിനും തദ്ദേശീയമായ വലിയ മൾട്ടിമോഡൽ മോഡലുകളുടെ വികസനവും വിന്യാസവും ഏറ്റെടുക്കുന്നതിനും സർക്കാർ സഹായിക്കും. നിർണായക മേഖലകളിലും മറ്റും AI ആപ്ലിക്കേഷനുകൾ പ്രോത്സാഹിപ്പിക്കും.

   AI പ്രോഗ്രാമുകളിലെ പ്രവേശനത്തിനുള്ള തടസ്സങ്ങൾ ലഘൂകരിക്കുന്നതിനും ബിരുദ, മാസ്റ്റേഴ്സ് ലെവൽ, പിഎച്ച്ഡി പ്രോഗ്രാമുകളിൽ AI കോഴ്സുകൾ വർദ്ധിപ്പിക്കുന്നതിനും പദ്ധതികളുണ്ടാകും.

എഐ മിഷനിലൂടെ, ഇന്നൊവേറ്റർമാർ, സ്റ്റാർട്ടപ്പുകൾ, വിദ്യാർത്ഥികൾ, വിദ്യാഭ്യാസ സ്ഥാപനങ്ങൾ എന്നിവർക്ക് കമ്പ്യൂട്ട് പവർ ലഭ്യമാക്കുമെന്ന് ഇന്ത്യഎഐ മിഷൻ്റെ അംഗീകാരം പ്രഖ്യാപിച്ചതിന് ശേഷം, ഇലക്ട്രോണിക്സ്, ഇൻഫർമേഷൻ ടെക്നോളജി മന്ത്രി അശ്വിനി വൈഷ്ണവ് പറഞ്ഞു.

  ഇന്ത്യയ്ക്കും ലോകത്തിനും AI യുടെ ഭാവി രൂപപ്പെടുത്തുന്ന ഒരു ശക്തിയായി ഈ പ്രോഗ്രാം മാറ്റുമെന്ന് IT സഹമന്ത്രി രാജീവ് ചന്ദ്രശേഖർ പറഞ്ഞു,

സ്വകാര്യ സ്ഥലത്ത് ഡാറ്റാ സെൻ്ററുകൾ അടക്കം  പിപിപി മോഡിൽ ഗ്രാഫിക് പ്രോസസ്സിംഗ് യൂണിറ്റുകൾ (ജിപിയു), C-DAC (സെൻ്റർ ഫോർ ഡെവലപ്‌മെൻ്റ് ഓഫ് അഡ്വാൻസ്ഡ് കമ്പ്യൂട്ടിംഗ്) കീഴിലുള്ള പൊതു ഡാറ്റാ സെൻ്ററുകൾ എന്നിവ സ്ഥാപിക്കുന്നത് ഇതിൽ ഉൾപ്പെടും.  

 സ്റ്റാർട്ടപ്പുകളേയും നൂതനാശയങ്ങളേയും സഹായിക്കുന്ന എഐ കമ്പ്യൂട്ട് പവർ നേടുന്നതിനായി ഒരു AI ദൗത്യം ആരംഭിക്കും. ഈ ദൗത്യത്തിലൂടെ കൃഷി, ആരോഗ്യ സംരക്ഷണം, വിദ്യാഭ്യാസം എന്നീ മേഖലകൾ പ്രോത്സാഹിപ്പിക്കപ്പെടും എന്ന്  ഡിസംബർ 12 ന് ഡൽഹിയിൽ നടന്ന Global Partnership for AI ഉച്ചകോടിയിൽ പ്രധാനമന്ത്രി നരേന്ദ്ര മോദി ഉറപ്പ് നൽകിയിരുന്നു.

2023-ൽ, ഗവൺമെൻ്റിൻ്റെയും വ്യവസായത്തിൻ്റെയും പ്രതിനിധികൾ ഉൾപ്പെടുന്ന ഒരു വിദഗ്ധ സമിതിയുടെ റിപ്പോർട്ട് സർക്കാർ അംഗീകരിച്ചു, സ്റ്റാർട്ടപ്പുകൾ, അക്കാദമികൾ എന്നിവക്കായി   വളർന്നുവരുന്ന ടെക് മേഖലയിൽ നൂതനത്വം പ്രാപ്തമാക്കുന്നതിന് സർക്കാർ 17 കേന്ദ്രങ്ങളിലായി 24,500 ഗ്രാഫിക്സ് പ്രോസസ്സിംഗ് യൂണിറ്റുകളുടെ GPU കമ്പ്യൂട്ടിംഗ് ഇൻഫ്രാസ്ട്രക്ചർ സൃഷ്ടിക്കണമെന്ന് സമിതി  ശുപാർശ ചെയ്തു.

^{India’s AI mission aims to foster the growth of artificial intelligence in the country, encouraging the use of artificial intelligence to promote innovation and support startups in various sectors.}