പ്രമുഖ ക്ലൗഡ് സോഫ്റ്റ്‌വെയർ ദാതാക്കളായ സോഹോയുടെ സ്ഥാപകനും സിഇഒയുമായ ശ്രീധർ വെമ്പു ലോകമെമ്പാടുമുള്ള സ്റ്റാർട്ടപ്പ് സംരംഭകർക്ക് ഇപ്പോൾ നൽകുന്ന ഒരു പ്രധാന സന്ദേശം ഇതാണ്-” Its time to invest in India “.
ലോകമെമ്പാടുമുള്ള യുവ സംരംഭകരോട് ശ്രീധർ വെമ്പു പറഞ്ഞു, “ഇന്ത്യയിൽ നിക്ഷേപം നടത്താനുള്ള ഏറ്റവും നല്ല സമയമാണിത്”.
“ശുഭാപ്തിവിശ്വാസം യാഥാർത്ഥ്യമാകുകയാണ്, ലോകത്തിലെ ഏറ്റവും ചലനാത്മകമായ വലിയ സമ്പദ്‌വ്യവസ്ഥയാണ് ഇന്ത്യ. പതിറ്റാണ്ടുകളുടെ ദൃഢമായ വളർച്ചയ്ക്ക് ഇന്ത്യ സജ്ജമാണ്” എന്ന് വെമ്പു എക്‌സിൽ പോസ്റ്റ് ചെയ്തു.
“ഇന്ത്യയുടെ പല ഭാഗങ്ങളിലും വ്യവസായ സ്ഥാപനങ്ങളിലും വലിയ കമ്പനി മീറ്റുകളിലും കോളേജുകളിലും മറ്റ് വിവിധ ഫോറങ്ങളിലും ഞാൻ സംസാരിച്ചു.ഇന്ത്യയിലേക്ക് മടങ്ങാൻ ആഗ്രഹിക്കുന്ന, വിദേശത്ത് താമസിക്കുന്ന ധാരാളം ഇന്ത്യക്കാരുടെ പ്രതികരണങ്ങൾ കേട്ടു. ഞാൻ ഒരു FAANG (ഫേസ്ബുക്ക്, ആപ്പിൾ, ആമസോൺ, നെറ്റ്ഫ്ലിക്സ്, ഗൂഗിൾ) എഞ്ചിനീയറെ കണ്ടുമുട്ടി, ഗ്രാമീണ ഇന്ത്യയിലേക്ക് മടങ്ങാൻ ആ എഞ്ചിനീയർ ആഗ്രഹിക്കുന്നു” എന്നാണ് ശ്രീധർ വെമ്പുവിന്റെ പോസ്റ്റ്.
വ്യവസായങ്ങളിലുടനീളം വിതരണ ശൃംഖലകളുടെ ആഗോള കേന്ദ്രമായി മാറാൻ പോകുന്ന രാജ്യത്ത് നിക്ഷേപം നടത്താനുള്ള സമയമാണിത് എന്ന് ശ്രീധർ വെമ്പു വിലയിരുത്തുന്നു.
സോഹോയ്‌ക്ക് സമാനമായ ഗവേഷണ-വികസന കമ്പനികളെ പിന്തുണയ്‌ക്കുന്നതിലൂടെ തങ്ങൾ സോഹോയ്‌ക്കുള്ളിൽ വളരെയധികം നിക്ഷേപം നടത്തുന്നു എന്ന് ശ്രീധർ വെമ്പു ചൂണ്ടിക്കാട്ടുന്നു.
ഇന്ത്യയിൽ വികസിപ്പിച്ചിട്ടില്ലാത്ത ചില സാങ്കേതികവിദ്യകൾ ഏറ്റെടുത്തു ആ പ്രശ്‌നം പരിഹരിക്കാൻ പ്രതിജ്ഞാബദ്ധരായ ആളുകളിൽ സോഹോക്ക് താൽപ്പര്യമുണ്ട്, ആ ഡൊമെയ്‌നിൽ വൈദഗ്ദ്ധ്യം നേടുന്ന കഴിവുകളെ സൃഷ്ടിച്ച് പരിപോഷിപ്പിക്കുന്നതിനാണ് ശ്രമങ്ങൾ എന്ന് വെമ്പു വിശദീകരിച്ചു.
Sridhar Vembu, CEO of Zoho, urges startup entrepreneurs worldwide to invest in India, citing its dynamic economy and potential for solid growth. Learn why now is the opportune time to seize opportunities in India.
