മാമ്പഴങ്ങളിൽ വെളുത്തത്! കനം കുറഞ്ഞ തൊലി, കനം കുറഞ്ഞ വിത്ത്, കൂടുതൽ പൾപ്പ്, ഭ്രാന്ത് പിടിക്കുന്ന ഒരു രുചി… പഴങ്ങളുടെ രാജാവായ മാമ്പഴത്തിൻ്റെ ഇനങ്ങളിൽ ഏറ്റവും വിശേഷപ്പെട്ടതാണ്! പറഞ്ഞുവരുന്നത് 33 രാജ്യങ്ങൾ നെഞ്ചിലേറ്റിയ ദുധിയ മാൽദ. വളർത്തിയിരുന്നത് വെള്ളമൊഴിച്ചല്ല, പാലൊഴിച്ചാണ്. അത്ര വിശേഷപ്പെട്ട മാമ്പഴമാണിത്.
പട്‌നയിലെ ദിഘ പ്രദേശത്തെ ലോകപ്രശസ്തമായ ദുധിയ മാൽദയുടെ രുചി ലോകപ്രശസ്തമാണ്.
പണ്ടൊരിക്കൽ ലഖ്‌നൗവിലെ നവാബ് ഫിദ ഹുസൈൻ പാക്കിസ്ഥാനിലെ ഇസ്‌ലാമാബാദിലെ ഷാ ഫൈസൽ പള്ളി വളപ്പിൽ നിന്ന് ഈ തൈ കൊണ്ടുവന്ന് പട്‌നയിലെ ദിഘയിൽ നട്ടു. നവാബ് സാഹിബിന് ധാരാളം പശുക്കൾ ഉണ്ടായിരുന്നു. അദ്ദേഹം മിച്ചമുള്ള പാൽ ഉപയോഗിച്ച് മാവുകൾ നനയ്ക്കുമായിരുന്നു. ഒരു ദിവസം മരം വളർന്ന് കായ്കൾ വന്നപ്പോൾ, പാൽ പോലെയുള്ള ഒരു പദാർത്ഥം പുറത്തുവന്നുവെന്നും വിശ്വസിക്കപ്പെടുന്നു. അതിന് ശേഷം ദുധിയ മാൽഡ എന്ന് പേരിട്ടു.
ഈ മാമ്പഴത്തോട്ടം ദിഘാ പ്രദേശത്തുടനീളം ഉണ്ടായിരുന്ന ഒരു കാലമുണ്ടായിരുന്നു. എന്നാൽ, കോൺക്രീറ്റ് കാടുകൾ രൂപപ്പെട്ടതോടെ തോട്ടം ചുരുങ്ങി ചുരുക്കം പ്രദേശങ്ങളിൽ മാത്രമായി ഒതുങ്ങി. കഴിഞ്ഞ സീസണിൽ 33 രാജ്യങ്ങളിലേക്കാണ് ദിഘായിൽ നിന്നും മാങ്ങ കയറ്റി അയച്ചത്.
പ്രധാനമന്ത്രിക്കും രാഷ്ട്രപതിക്കും അടക്കം ഇവിടെ നിന്നാണ് മാമ്പഴം അയയ്ക്കുന്നത്. ഇതുകൂടാതെ, യുഎസ്എ, ഇംഗ്ലണ്ട്, ജപ്പാൻ, ദുബായ് എന്നിവയുൾപ്പെടെ എല്ലാ രാജ്യങ്ങളും എല്ലാ വർഷവും ഓർഡറുകൾ നൽകി വാങ്ങാറുണ്ട്.
രാജ്ഭവൻ, ബിഹാർ വിദ്യാപീഠം, സെൻ്റ് സേവ്യേഴ്‌സ് കോളേജ്, കുർജി ഫാമിലി ഹോസ്പിറ്റൽ എന്നിവിടങ്ങളിലാണ് ദുധിയ മാൽഡ മാമ്പഴം കാണപ്പെടുന്നത്. ബീഹാർ വിദ്യാപീഠത്തിൽ 50 ഓളം ദുധിയ മാൽഡ മരങ്ങളുണ്ട്, പട്‌നയിൽ 1000 മരങ്ങൾ ഇപ്പോഴും അവശേഷിക്കുന്നുണ്ട്.
ഉഷ്ണക്കാറ്റിൽ ഈ വർഷം വൻ നാശനഷ്ടമുണ്ടായതായി ബിഹാർ വിദ്യാപീഠം മാനേജർ പ്രമോദ് പറയുന്നു. പഴങ്ങൾ കുറവാണ്, ഉള്ള പഴങ്ങൾ കൊഴിയുന്നു. കഴിഞ്ഞ രണ്ട് വർഷമായി കാലാവസ്ഥ കാരണം കൂടുതൽ നാശനഷ്ടങ്ങൾ ഉണ്ടായിട്ടുണ്ട്. നിലവിൽ ബിഹാർ വിദ്യാപീഠത്തിന് 33 ഏക്കർ മാമ്പഴത്തോട്ടമുണ്ട്. ദുധിയ മാൽഡ കൂടാതെ ഈ വളപ്പിൽ പലതരം മാമ്പഴങ്ങളും ഉണ്ട്. എന്നാൽ ഓരോ വർഷവും ഇത് കുറഞ്ഞുവരികയാണ്
The unique cultivation method behind Dudhiya Maldah mangoes from Patna, known for their distinctive flavor and global acclaim, despite facing challenges from urbanization and climate change.
