ഓർമകളുടെ സംരംഭം

 പഠനത്തോടൊപ്പം സംരംഭവും മുന്നോട്ടു കൊണ്ട് പോകുകയാണ് കണ്ണൂരിലെ മൂന്നു ITI വിദ്യാർത്ഥിനികൾ. റെസിൻ ആർട്ട് വർക്കിലൂടെ  അവർ  ഉപഭോക്താക്കളുടെ വിലയേറിയ ഓർമ്മകൾ പുനർനിർമ്മിക്കാൻ ശ്രമിക്കുന്നു. കലാവിരുതിലൂടെ വൈവിധ്യം നിറഞ്ഞ പ്രൊഡക്റ്റുകൾ നിർമിച്ചു നൽകുകയാണ് ഈ മൂവർസംഘം.

തുഷാര സി, അശ്വതി പി പി, ആദിത്യ പി എന്നിവർ കണ്ണൂരിലെ ഗവ. വുമൺസ് ഐടിഐയിൽ നിന്ന് ICTSM കോഴ്സ് (ഇൻഫർമേഷൻ & കമ്മ്യൂണിക്കേഷൻ ടെക്നോളജി സിസ്റ്റം മെയിൻ്റനൻസ്) വിദ്യാർത്ഥികളാണ് . അതിനിടെ ഇവർ പങ്കെടുത്ത  LEAP പ്രോഗ്രാമാണ് ഇവരുടെ സംരംഭക വഴി റെസിൻ ആർട്ടിലേക്ക് തിരിച്ചു വിട്ടത്.  ഓഫ്‌ലൈൻ, ഓൺലൈൻ മോഡ് വഴിയാണ് ഓർഡറുകൾ എടുക്കുന്നത്, ഓർഡറുകൾ ഡോർ സ്റ്റെപ്പ് ഡെലിവറി ചെയ്യാനും സൗകര്യമുണ്ട്.

വ്യത്യസ്ത ബിസിനസ്സ് ആശയങ്ങൾ അന്വേഷിക്കാനും അവർക്ക് താൽപ്പര്യമുള്ള സംരംഭം തുടങ്ങാനും LEAP പ്രോഗ്രാമിലൂടെ ഈ വിദ്യാർഥികൾ തീരുമാനിച്ചു.  ഓൺലൈനിലും വിവിധ സോഷ്യൽ മീഡിയ പ്ലാറ്റ്‌ഫോമുകളിലും കൂടുതൽ ഗവേഷണം നടത്തി. റെസിൻ ആർട്ട് വർക്കുകളിൽ ധാരാളം ട്രെൻഡിംഗ് ഇൻസ്റ്റാഗ്രാം റീലുകൾ അവർ കണ്ടെത്തി.

പ്രാരംഭ ഓറിയൻ്റേഷൻ സെഷനുകളിലൂടെ അവർ LEAP പ്രോഗ്രാമിനെക്കുറിച്ച് മനസ്സിലാക്കി. ഈ സെഷനുകളിലൂടെ ഒരു ബിസിനസ്സ് എങ്ങനെ ഏറ്റെടുക്കാം, ഉൾപ്പെട്ടിരിക്കുന്ന വിവിധ ബിസിനസ്സ് വശങ്ങൾ, വെല്ലുവിളികൾ ഉണ്ടാകുമ്പോൾ എങ്ങനെ പ്രശ്‌നം പരിഹരിക്കാം തുടങ്ങിയ കാര്യങ്ങളിൽ അവർക്ക് പ്രാഥമിക ധാരണ ലഭിച്ചു. മൂവരും കൂടി മൂലധനം കണ്ടെത്തി. ഓർഡറുകൾ ലഭിച്ചത്തോടെ മാതാപിതാക്കളുടെ പിന്തുണയും  ഇവർക്ക് കിട്ടി.  നെറ്റ്‌വർക്കിംഗിലും ഓർഡറുകൾ നേടുന്നതിലും ഈ പെൺകുട്ടികളുടെ സുഹൃത്തുക്കളും സഹായിച്ചു.

^{Meet Thushara C, Ashwati PP, and Aditya P, ITI students from Kannur, who combine their studies with entrepreneurship through Kalavirut. Learn how they use resin art to recreate precious memories for customers, taking orders offline and online with doorstep delivery.}