താലി ധരിച്ചവർക്ക് ആപ്പിളിൽ ജോലി ഇല്ലേ?

മൊബൈല്‍ഫോണ്‍ പ്രേമികള്‍ക്ക് വലിയ പരിചയപ്പെടുത്തല്‍ ആവശ്യമില്ലാത്ത കമ്പനിയായിരിക്കും ഫോക്‌സ്‌കോണ്‍ (Foxconn). ലോകപ്രശസ്തമായ ആപ്പിള്‍ ഐഫോണുകള്‍ നിര്‍മ്മിക്കുന്നത് ഫോക്‌സ്‌കോണാണ്. തമിഴ്‌നാട്ടിലാണ് കമ്പനിയുടെ സെല്‍ഫോണ്‍ പ്ലാന്റ് സ്ഥിതി ചെയ്യുന്നത്. ഇപ്പോഴിതാ ഈ കമ്പനിയെ കുറിച്ച് രസകരമായ ഒരു വാർത്തയാണ് ദേശീയ വാർത്താ ഏജൻസി ആയ റോയിട്ടേഴ്‌സ് പുറത്തുവിട്ടിരിക്കുന്നത്. ഈ കമ്പനി കല്യാണം കഴിഞ്ഞ സ്ത്രീകൾക്ക് ജോലി നൽകില്ല എന്നതാണ് വാർത്ത. റോയിട്ടേഴ്‌സിന്റെ അന്വേഷണ വിഭാഗം ആണ് ഈ വാർത്ത പുറത്തുവിട്ടിരിക്കുന്നത്.

റോയിട്ടേഴ്‌സ് നടത്തിയ അന്വേഷണത്തിൽ, വിവാഹിതരായ സ്ത്രീകളെ അവരുടെ പ്രധാന ഐഫോൺ അസംബ്ലി പ്ലാൻ്റിലെ ജോലികളിൽ നിന്ന് ഫോക്‌സ്‌കോൺ വ്യവസ്ഥാപിതമായി ഒഴിവാക്കിയതായി കണ്ടെത്തി. “വിവാഹിതരായ സ്ത്രീകളെ ജോലിക്കെടുക്കുമ്പോൾ റിസ്ക് വർദ്ധിക്കുന്നു” എന്നാണ് കമ്പനിയുമായി ബന്ധപ്പെട്ടവരിൽ നിന്നും കണ്ടെത്തിയ വിവരം എന്നാണ് റോയിട്ടേഴ്‌സ് രേഖപ്പെടുത്തിയിരിക്കുന്നത്.

ചെന്നൈ നഗരത്തിനടുത്തുള്ള ശ്രീപെരുമ്പത്തൂരിൽ സ്ഥിതി ചെയ്യുന്ന പ്ലാൻ്റിൽ വിവാഹിതരായ സ്ത്രീകളെ ഫോക്‌സ്‌കോൺ ജോലിക്കെടുക്കാത്തതിൻ്റെ കാരണങ്ങളായി ഏജൻ്റുമാരും ഫോക്‌സ്‌കോൺ എച്ച്ആർ സ്രോതസ്സുകളും പറയുന്നത് കുടുംബ ചുമതലകൾ, ഗർഭധാരണം, ജോലിയിൽ നിന്നും ലീവെടുക്കൽ കൂടുന്നു എന്നിവയാണ്. വിവാഹിതരായ ഹിന്ദു സ്ത്രീകൾ ധരിക്കുന്ന താലി പോലെയുള്ള ആഭരണങ്ങളും ഇവരുടെ ഉൽപാദനത്തെ തടസ്സപ്പെടുത്തുമെന്ന രസകരമായ വാദം കൂടി ഇതിനൊപ്പം ചേർക്കുന്നുണ്ട്.

ചില സന്ദർഭങ്ങളിൽ, ജോലി സുരക്ഷിതമാക്കുന്നതിനായി വനിതകളെ വിവാഹിതരാണെന്നു മറന്നുവച്ചുകൊണ്ട് ജോലിക്ക് പ്രവേശിക്കാൻ ചില നിയമന ഏജൻസികൾ സഹായിക്കുന്നു എന്നും റോയിട്ടേഴ്‌സ് കണ്ടെത്തിയിട്ടുണ്ട്. റോയിട്ടേഴ്സിന്റെ ചോദ്യങ്ങൾക്ക് മറുപടിയായി, ആപ്പിളും ഫോക്‌സ്‌കോണും 2022-ൽ നിയമന രീതികളിലെ വീഴ്ചകൾ അംഗീകരിക്കുകയും പ്രശ്‌നങ്ങൾ പരിഹരിക്കാൻ തങ്ങൾ പ്രവർത്തിച്ചിട്ടുണ്ടെന്നു പറഞ്ഞിട്ടുമുണ്ട്.  ശ്രീപെരുമ്പത്തൂർ പ്ലാൻ്റിൽ റോയിട്ടേഴ്‌സ് രേഖപ്പെടുത്തിയ എല്ലാ വിവേചനപരമായ നടപടികളും 2023ലും 2024ലും നടന്നു എന്നും പത്ര ഏജൻസി തെളിവുകൾ നിരത്തുന്നുണ്ട്.

വൈവാഹിക നില, ലിംഗഭേദം, മതം അല്ലെങ്കിൽ മറ്റേതെങ്കിലും തരത്തിലുള്ള വിവചനം അടിസ്ഥാനമാക്കിയുള്ള തൊഴിൽ വിവേചനത്തെക്കുറിച്ചുള്ള ആരോപണങ്ങളെ ശക്തമായി എതിർക്കുന്നു എന്നാണ് ഫോക്സ്കോൺ പ്രസ്താവനയിൽ പറഞ്ഞത്. ലോകത്തിലെ ഏറ്റവും മൂല്യവത്തായ കമ്പനികളിലൊന്നാണ് ആപ്പിൾ. ഫോക്‌സ്‌കോണിൻ്റെ ഐഫോൺ ഫാക്ടറിയും ഇന്ത്യയിലെ ആപ്പിളിൻ്റെ വിശാലമായ വിതരണ ശൃംഖലയും ഇന്ത്യയുടെ സാമ്പത്തിക മേഖലയിൽ മുന്നേറാൻ സഹായിക്കുന്നതായി പ്രധാനമന്ത്രി നരേന്ദ്ര മോദി മുൻപ് പറഞ്ഞിട്ടുണ്ട്.

 ഇന്ത്യൻ സ്ത്രീകൾക്ക് ജോലി ലഭിക്കുന്നത് തടയുന്ന സാമൂഹിക പ്രതിബന്ധങ്ങൾ നീക്കം ചെയ്യുക എന്നാണ് പത്ര ഏജൻസി മോദി സർക്കാരിനോട് ആവശ്യപ്പെടുന്നത്. ഫോക്‌സ്‌കോൺ ഇന്ത്യയിൽ ആയിരക്കണക്കിന് സ്ത്രീകൾക്ക് ജോലി നൽകുമ്പോൾ മാത്രമേ മോദിയുടെ സ്വപ്‌നങ്ങൾ സാക്ഷാത്കരിക്കൂ എന്നും റിപ്പോർട്ടുകൾ സൂചിപ്പിക്കുന്നു. ഐഫോണുകൾ നിർമ്മിക്കുന്ന ജോലി സാധാരണക്കാർക്ക് കടുത്ത ദാരിദ്ര്യത്തിൽ നിന്നുള്ള രക്ഷപെടലാണ്. ഫോക്‌സ്‌കോൺ സ്ഥാനങ്ങൾ ഉദ്യോഗാർത്ഥികൾക്ക് ഭക്ഷണവും താമസ സൗകര്യവും ഉൾപ്പെടെ 200 ഡോളർ പ്രതിമാസ ശമ്പളവും വാഗ്ദാനം ചെയ്യുന്നുണ്ട്. വിവാഹിതരായ സ്ത്രീകളെ ഫോക്‌സ്‌കോണിൻ്റെ അസംബ്ലി ലൈനുകളിൽ നിയമിക്കാത്തതിനെക്കുറിച്ചുള്ള അഭ്യർത്ഥനകളോട് മോദിയുടെ ഓഫീസും ഇന്ത്യയിലെ തൊഴിൽ, വാണിജ്യ, വിവര സാങ്കേതിക മന്ത്രാലയങ്ങളും പ്രതികരിച്ചില്ല. മുഖ്യമന്ത്രിയുടെ ഓഫീസും സംസ്ഥാന വ്യവസായ, തൊഴിൽ മന്ത്രാലയങ്ങളും ഉൾപ്പെടെയുള്ള തമിഴ്‌നാട് ഉദ്യോഗസ്ഥരും ചോദ്യങ്ങളോട് പ്രതികരിച്ചില്ല.

ഇതിനൊക്കെ മറുപടിയായി വിവാഹിതരായ സ്ത്രീകളെ ജോലിക്കെടുക്കാറുണ്ട് എന്നാണ് ആപ്പിൾ വാദിച്ചത്. വൈവാഹിക നിലയോ മറ്റ് ഘടകങ്ങളോ അടിസ്ഥാനമാക്കിയുള്ള തൊഴിൽ വിവേചനത്തെക്കുറിച്ചുള്ള ആരോപണങ്ങളെ ഫോക്സ്കോൺ ഒരു പ്രസ്താവനയിൽ ശക്തമായി നിഷേധിച്ചു. 2022-ൽ ഏജൻസികളെ നിയമിക്കുന്നതിനുള്ള മാനേജ്‌മെൻ്റ് പ്രോസസ്സ് മെച്ചപ്പെടുത്തുന്നതിന്റെ ഭാഗമായി തൊഴിൽ പരസ്യങ്ങൾ അവയുടെ നിലവാരം പുലർത്താത്ത നാല് ഏജൻസികളെ തിരിച്ചറിഞ്ഞു എന്നും ഇത് 20-ലധികം തൊഴിൽ പരസ്യങ്ങൾ നീക്കം ചെയ്യുന്നതിലേക്ക് നയിച്ചു എന്നും കമ്പനി പറയുന്നു. ഏറ്റവും പുതിയ റിക്രൂട്ട്‌മെന്റിൽ നിയമിക്കപ്പെട്ട 25% സ്ത്രീകളും വിവാഹിതരാണെന്നും ഫോക്‌സ്‌കോൺ റിപ്പോർട്ട് ചെയ്തു.വിവാഹിതരായ ഹിന്ദു സ്ത്രീകൾ സാധാരണയായി ധരിക്കുന്ന താലി പോലെയുള്ള മാല ആഭരണങ്ങൾ ഉണ്ടാക്കുന്ന ബുദ്ധിമുട്ടുകളെ കുറിച്ച് വെണ്ടർമാർ പറഞ്ഞു. ലോഹ ആഭരണങ്ങൾ ഐഫോൺ നിർമ്മാണ പ്രക്രിയയെ തടസ്സപ്പെടുത്തുമെന്നും അതിനാൽ കമ്പനിയുടെ അസംബ്ലി ലൈനുകളിൽ വിവാഹിതരായ സ്ത്രീകളെ നിയമിക്കാതിരിക്കാനുള്ള കാരണമാണിതെന്നും ഫോക്‌സ്‌കോണിനായി നിയമിക്കുന്ന വെണ്ടർമാർ പറഞ്ഞു. വലിയ വിവാദങ്ങൾക്കാണ് ഇത് വഴിതെളിയിച്ചിരിക്കുന്നത്.  

^{Explore the controversy surrounding Foxconn’s hiring practices in India, where married women are allegedly excluded from job opportunities at the iPhone assembly plant. Understand the implications for corporate ethics and diversity in global supply chains.}