കേരളത്തിലെത്തുന്ന വിനോദ സഞ്ചാരികളുടെ സുരക്ഷ ഉറപ്പു വരുത്താനാവശ്യമായ നടപടികള് കൈക്കൊള്ളാൻ സർക്കാർ തീരുമാനം. മുഖ്യമന്ത്രി പിണറായി വിജയന് സുരക്ഷാ സംബന്ധിച്ച് യോഗം വിളിച്ചു ചേർത്ത് ഹൗസ് ബോട്ടുകള്ക്കും റിസോർട്ടുകൾക്കും സുരക്ഷാ മാനദണ്ഡങ്ങൾ കർശനമാക്കാൻ നിദേശം നൽകിക്കഴിഞ്ഞു
ബോട്ടുകളും വള്ളങ്ങളും ഉപയോഗിക്കുന്നത് സുരക്ഷാ മാനദണ്ഡങ്ങള് പാലിച്ചാകണം. റിസോട്ടുകള് ബോട്ടിങ്ങ് നടത്തുമ്പോള് ലൈഫ് ഗാര്ഡുകള് ഉണ്ടാകണം. ഇന്ലാന്ഡ് നാവിഗേഷന് വെരിഫിക്കേഷന് നടത്തി ഹൗസ് ബോട്ടുകള്ക്ക് സര്ട്ടിഫിക്കറ്റ് നല്കണം. യാത്രികര്ക്ക് സുരക്ഷ ഉറപ്പാക്കണം. ജലാശയങ്ങളിലും ബീച്ചുകളിലും ആവശ്യമായ ലൈഫ് ഗാര്ഡുകളെ ഉറപ്പാക്കണം. ആവശ്യമുള്ള സ്ഥലങ്ങളില് പോലീസിന്റെയും ടൂറിസം പോലീസിന്റെയും സാന്നിധ്യവും ഉറപ്പാക്കണം.
ടൂറിസ്റ്റ് ഗൈഡുകള്, ടൂറിസ്റ്റ് കേന്ദ്രങ്ങളിലെ ജീവനക്കാര്, തൊഴിലാളികള് എന്നിവര്ക്ക് പോലീസ് ക്ലിയറന്സ് സര്ട്ടിഫിക്കറ്റ് ഉറപ്പാക്കണം. നിലവിലുളളവരുടെ സര്ട്ടിഫിക്കറ്റ് പുതുക്കണം.
എക്സൈസ് വകുപ്പിന്റെ ശ്രദ്ധ ടുറിസം കേന്ദ്രങ്ങളില് ഉണ്ടാകണം. ആവശ്യമായ സിസിടിവി ക്യാമറകള് ഉണ്ടാകണം. സാമൂഹ്യ വിരുദ്ധര് അഴിഞ്ഞാടുന്ന സ്ഥിതിയുണ്ടാകരുതെന്നും ടൂറിസം കേന്ദ്രങ്ങളില് ആവശ്യമായ വെളിച്ചം ഉണ്ടാകണമെന്നും മുഖ്യമന്ത്രി നിർദേശം നൽകിയിട്ടുണ്ട്.
ഹോംസ്റ്റേകള് പ്രോത്സാഹിപ്പിക്കണം എന്നാണ് മറ്റൊരു നിർദേശം . എന്നാല് കരുതലുകള് സ്വീകരിക്കണം. എല്ലാ ഹോംസ്റ്റേകള്ക്കും തദ്ദേശസ്വയംഭരണസ്ഥാപന ലൈസന്സും ജിഎസ്ടി രജിസ്ട്രേഷനും ഉറപ്പാക്കണം. ക്ലീന് ഡെസ്റ്റിനേഷന് ക്യാമ്പയിന് വ്യാപിപ്പിക്കണം. വേസ്റ്റ് ബിന്നുകള് ആവശ്യത്തിന് സ്ഥാപിക്കണം. അതത് സ്ഥലങ്ങളിലെ മാലിന്യ നീക്കത്തിന് ഹരിത കര്മ്മ സേനയെ ചുമതലപ്പെടുത്തിയെന്ന് ഉറപ്പാക്കണം എന്നും സർക്കാർ നിർദേശങ്ങളിലുണ്ട് .
Kerala’s government enacts comprehensive safety measures to protect tourists, enhancing security standards for houseboats, resorts, and tourism centers. Learn about the new protocols and initiatives aimed at ensuring visitor safety.
