നടൻ ധനുഷിന്റെ ആസ്തി അറിയാമോ?

കരിയറിന്റെ തുടക്കത്തിൽ നേരിടേണ്ടി വന്ന പഴികൾക്കും പരിഹാസങ്ങൾക്കുമെല്ലാം തന്റെ പെർഫോമൻസിലൂടെ മറുപടി നൽകി തമിഴ് സിനിമയിലെ മുൻനിര നായകന്മാരിൽ ഒരാളായി ഉയർന്നു വന്ന ആളാണ് ധനുഷ് എന്നറിയപ്പെടുന്ന വെങ്കിടേഷ് പ്രഭു കസ്തൂരി രാജ. കരിയറിൽ ഉടനീളം 50-ലധികം സിനിമകളിൽ അഭിനയിച്ചു എന്നതിൽ അപ്പുറം സംവിധായകൻ, നിർമ്മാതാവ്, ഗാനരചയിതാവ്, ഗായകൻ എന്നീ നിലകളിലും അദ്ദേഹം തൻ്റേതായ ഇടം സിനിമയിൽ ഇതിനോടകം നേടിയിട്ടുണ്ട്.

 ചെന്നൈയിലെ പോയസ് ഗാർഡനിലെ ഒരു ആഡംബര മാളികയിലാണ് ധനുഷ് താമസിക്കുന്നത്. ഏകദേശം 25 കോടി രൂപ വിലമതിക്കുന്ന ഈ വസതിയിൽ തടികൊണ്ടുള്ള തറ, മോഡുലാർ കിച്ചൻ, ടെറസ് ഗാർഡൻ എന്നിവയുൾപ്പെടെയുള്ള എല്ലാ ആധുനിക സൗകര്യങ്ങളുമുണ്ട്. ഒപ്പം  അദ്ദേഹത്തിൻ്റെ ആഡംബര കാറുകളുടെ ശ്രദ്ധേയമായ ശേഖരത്തിൽ സമ്പന്നതയുടെ പ്രതീകമായ റോൾസ് റോയ്‌സ് ഗോസ്റ്റ് ഉൾപ്പെടെ നിരവധി വാഹനങ്ങൾ ആണുള്ളത്. 6.95 കോടി മുതൽ 7.95 കോടി രൂപ വരെ വിലയുള്ള ഈ ബ്രിട്ടീഷ് ആഡംബര വാഹനത്തിന് 6.6 ലിറ്റർ ട്വിൻ ടർബോ V12 എഞ്ചിൻ 563 bhp കരുത്തും 820 Nm torque ഉം നൽകുന്നു. മണിക്കൂറിൽ 250 കിലോമീറ്റർ വേഗത കൈവരിക്കാൻ കഴിയുന്ന ഇത് ധനുഷിൻ്റെ പ്രീയപ്പെട്ട വാഹനങ്ങളിൽ ഒന്നാണ്.

 സെലിബ്രിറ്റികൾക്കിടയിൽ താരമായ ബെൻ്റ്‌ലി കോണ്ടിനെൻ്റൽ ഫ്‌ളൈയിംഗ് സ്‌പർ കാറും ധനുഷിന്റെ വാഹനങ്ങളിൽ ഉണ്ട്. ഏകദേശം 3.40 കോടി രൂപ വിലമതിക്കുന്ന ഈ പ്രീമിയം കാറിൽ ഇരട്ട ടർബോചാർജ്ഡ് ഡബ്ല്യു 12 എഞ്ചിൻ ആണുള്ളത്. വേഗതയ്ക്കും പ്രകടനത്തിനും പേരുകേട്ട അമേരിക്കൻ കാറായ ഫോർഡ് മുസ്താങ് ജിടിയും ധനുഷിന്റെ വാഹന ശേഖരത്തിലുണ്ട്. ഏകദേശം 75 ലക്ഷം രൂപ വിലയുള്ള ഇത് കേവലം 4.9 സെക്കൻഡിനുള്ളിൽ 0 മുതൽ 100 കി.മീ/മണിക്കൂർ വേഗത കൈവരിക്കുന്നു.

തൻ്റെ റോൾസ് റോയ്‌സിനും ബെൻ്റ്‌ലിക്കും പുറമേ, ധനുഷിന് ജാഗ്വാർ XE എന്ന ആഡംബര സെഡാൻ സ്വന്തമാക്കിയിട്ടുണ്ട്. ഏകദേശം 44.98 ലക്ഷം രൂപ വിലയുള്ള ഈ വാഹനത്തിൽ ഓട്ടോമാറ്റിക് ക്ലൈമറ്റ് കൺട്രോൾ, ആൻ്റി ലോക്ക് ബ്രേക്കിംഗ് സിസ്റ്റം (എബിഎസ്), 10 ഇഞ്ച് ടച്ച്‌പ്രോ സിസ്റ്റം തുടങ്ങിയ നൂതന സാങ്കേതികവിദ്യകൾ ഉൾക്കൊള്ളുന്നുണ്ട്. ഇത് അദ്ദേഹത്തിൻ്റെ ഡ്രൈവിംഗ് അനുഭവം വർദ്ധിപ്പിക്കുന്നു. റിപ്പോർട്ടുകൾ പ്രകാരം 230 കോടി രൂപയുടെ ആസ്തിയുള്ള അദ്ദേഹം അഭിനയം, നിർമ്മാണം, ബ്രാൻഡ് അംഗീകാരങ്ങൾ, തന്ത്രപരമായ നിക്ഷേപങ്ങൾ എന്നിവയിലൂടെ സ്വത്ത് സമ്പാദിക്കുന്നത് തുടരുകയാണ്. 

^{Explore the luxurious lifestyle of Tamil cinema icon Dhanush, from his lavish Poes Garden mansion to his impressive collection of luxury cars and an estimated net worth of Rs 230 crore.}