ആരാണ് ലിയ ടാറ്റ?

ഒളിമ്പിക്സിൽ സ്വർണമെഡൽ നേടുന്ന സ്ത്രീകളെ പോലെ മുൻനിരയിൽ തന്നെ  സ്ത്രീകൾ എല്ലാ മേഖലയിലും കഴിവ് തെളിയിക്കുകയാണ്. കായികരംഗത്ത് മാത്രമല്ല, മാനേജിംഗ് ഡയറക്ടർമാർ, സിഇഒമാർ തുടങ്ങിയ സുപ്രധാന സ്ഥാനങ്ങൾ നിരവധി പ്രമുഖ കമ്പനികളിൽ സ്ത്രീകൾ  വഹിക്കുന്നുണ്ട്. അതുപോലെ തന്നെയാണ്, 150 ബില്യൺ യുഎസ് ഡോളറിൻ്റെ കമ്പനിയുടെ മേൽനോട്ടം വഹിക്കുന്ന ട്രസ്റ്റിനു കീഴിലുള്ള ജീവകാരുണ്യ സംഘടനകളുടെ ബോർഡിൽ ഇന്ത്യയിലെ ഏറ്റവും ധനിക കുടുംബങ്ങളിലൊന്നിൻ്റെ പാരമ്പര്യം വഹിക്കുന്ന ഒരു സ്ത്രീയെ നിയമിച്ചത്.

നോയൽ ടാറ്റയുടെ മൂന്ന് മക്കളിൽ മൂത്തവളായ 39 കാരിയായ ലിയ ടാറ്റ ആണ് ആ സ്ത്രീ. നോയൽ ടാറ്റയുടെയും ആലു മിസ്ത്രിയുടെയും മകളായി ആണ് ലിയ ജനിച്ചത്. മാതാപിതാക്കൾ രണ്ടുപേരും വളരെ വിജയകരമായ ബിസിനസ്സ് പശ്ചാത്തലത്തിൽ നിന്നുള്ളവരാണ്.

ലിയയ്ക്ക് വളരെ ശ്രദ്ധേയമായ ഒരു വിദ്യാഭ്യാസ പശ്ചാത്തലവുമുണ്ട്. മാഡിഡിലെ ഐഇ ബിസിനസ് സ്കൂളിൽ നിന്നാണ് ലിയ മാർക്കറ്റിംഗിൽ ബിരുദാനന്തര ബിരുദം പൂർത്തിയാക്കിയത്. 2010-ൽ ലൂയിസ് വീറ്റൺ കമ്പനിയുമായുള്ള മൂന്ന് മാസത്തെ ഇൻ്റേൺഷിപ്പിലൂടെ ലിയയ്ക്ക് ബിസിനസ്സ് അനുഭവം ലഭിച്ചുതുടങ്ങി. ഇന്ത്യൻ ഹോട്ടൽ വ്യവസായത്തിനായി പത്ത് വർഷത്തോളം ലിയ ജോലി ചെയ്തു. ഹോട്ടൽ ബിസിനസിൽ ലിയ നേതൃസ്ഥാനങ്ങൾ വഹിച്ചിരുന്നു.

2006-ൽ താജ് ഹോട്ടൽ റിസോർട്ട്‌സ് ആൻഡ് പാലസസിലെ അസിസ്റ്റൻ്റ് സെയിൽസ് മാനേജരായാണ് ലിയ തൻ്റെ കരിയർ ആരംഭിച്ചത്. ലിയയുടെ തികഞ്ഞ അർപ്പണബോധം അവരെ  അസിസ്റ്റൻ്റ് മാനേജർ സ്ഥാനത്തേക്ക് ഉയർത്തി.

ടാറ്റ മെഡിക്കൽ സെൻ്റർ ട്രസ്റ്റിൻ്റെ ട്രസ്റ്റിഷിപ്പ്

കൊൽക്കത്തയിലെ ഒരു പ്രശസ്ത കാൻസർ ആശുപത്രിയുടെ പ്രവർത്തനങ്ങൾക്ക് മേൽനോട്ടം വഹിക്കുന്ന ഒരു ബോഡിയായ ടാറ്റ മെഡിക്കൽ സെൻ്റർ ട്രസ്റ്റിൽ (ടിഎംസിടി) ആണ് ലിയ നിലവിൽ പ്രവർത്തിക്കുന്നത്.  2011 മെയ് മാസത്തിൽ രത്തൻ ടാറ്റ ഉദ്ഘാടനം ചെയ്ത ഈ സ്ഥാപനം 2005 ൽ നിലവിൽ ഉള്ള ടിഎംസിടിയുടെ ഒരു ആശയമായാണ് ഉയർന്നു വന്നത്. കമ്പനിക്കുള്ളിലെ ഒരു പ്രധാന ഫൗണ്ടേഷനായ സർ ദോറാബ്ജി ടാറ്റ ട്രസ്റ്റ് 500 കോടി രൂപ ഉദാരമായി ടിഎംസിടിക്ക് സംഭാവന ചെയ്തിരുന്നു.

39-ാം വയസ്സിൽ സാർവ്വജനിക് സേവാ ട്രസ്റ്റ് ഉൾപ്പെടെ അഞ്ച് പ്രധാന ട്രസ്റ്റുകളുടെ ട്രസ്റ്റിയായി ലിയ ചുമതലയേറ്റിട്ടുണ്ട്.  ടാറ്റ ഗ്രൂപ്പിൻ്റെ അംബ്രല്ല ഓർഗനൈസേഷനായി പ്രവർത്തിക്കുന്ന ടാറ്റ സൺസിൻ്റെ പ്രധാന പങ്കാളികളാണ് ഈ ട്രസ്റ്റുകൾ എന്നത് ശ്രദ്ധേയമാണ്.

  ടാറ്റ ട്രസ്റ്റുകളുടെ ട്രസ്റ്റിയായി സേവനമനുഷ്ഠിക്കുന്നതിനിടയിൽ, ട്രെൻ്റ്, വോൾട്ടാസ് തുടങ്ങിയ വിവിധ ടാറ്റ കമ്പനികളുടെ അധ്യക്ഷൻ പോലുള്ള പ്രധാന റോളുകളും ലിയ വായിക്കുന്നുണ്ട്.

ലിയയുടെ അമ്മ

ലിയയുടെ അമ്മ ആലു മിസ്ത്രി, വളരെ അറിയപ്പെടുന്ന ഒരു വംശപരമ്പരയിൽ പെട്ടയാളാണ്.  പരേതനായ സൈറസ് മിസ്ത്രിയുടെ മകളാണ് ആലു മിസ്ത്രി. ഒരു കാലത്ത് ടാറ്റ ഗ്രൂപ്പിൻ്റെ ചെയർമാനായിരുന്നു സൈറസ്. അത് മാത്രമല്ല, ഷപൂർജി പല്ലോൻജി ഗ്രൂപ്പിൻ്റെ പ്രാരംഭ സ്ഥാപക വ്യക്തിയും ഒരു തവണ ചെയർമാനുമായ പല്ലോൻജി മിസ്ത്രിയുടെ ആണ്  ആലുവിന്റെ പിതാവ്. 

ലിയ ടാറ്റയുടെ പിതാവ്

നേവൽ എച്ച്. ടാറ്റയുടെയും സിമോണിൻ്റെയും മകനായ നോയൽ ടാറ്റ ആണ് ലിയയുടെ പിതാവ്. രത്തൻ ടാറ്റയുടെ സഹോദരൻ ആണ് നോയൽ. 

^{Leah Tata, daughter of Noel Tata and Allu Mistry, is a rising leader in the Tata Group. At 39, she holds key roles in Tata Trusts and companies like Trent and Voltas.}