വജ്ര വ്യാപാരിയായ റസൽ മേത്തയുടെ മകൾ ശ്ലോക മേത്ത അംബാനി കുടുംബത്തിലെ മരുമകൾ ആയപ്പോൾ ലോകത്തെ തന്നെ ഏറ്റവും മൂല്യമേറിയതും സമാനതകൾ ഇല്ലാത്തതുമായ ഒരു വജ്ര നെക്ലേസാണ് അംബാനി കുടുംബം സമ്മാനമായി നൽകിയത്. ഇളയ മകൾ രാധിക മെ‍ർച്ചൻ്റിനും ഏറെ ഹൃദ്യമായ ഒരു സമ്മാനം നൽകി വിസ്മയിപ്പിച്ചിരിക്കുകയാണ് നിത അംബാനി. ദുബായിൽ 640 കോടി രൂപ വില വരുന്ന മനോഹരമായ വില്ലയാണ് മുകേഷ് അംബാനിയും നിത അംബാനിയും ചേർന്ന് സമ്മാനമായി നൽകിയത്. ബാല്യകാല സുഹൃത്തുക്കളായിരുന്ന രാധിക മർച്ചൻ്റിൻ്റെയും അനന്ത് അംബാനിയുടെയും പ്രണയവിവാഹം അംബാനി കുടുംബം ആഘോഷമാക്കിയിരുന്നു.
വിവാഹ ശേഷം ദുബായിൽ രാധികയെ കാത്തിരുന്നത് രാജകീയ സൗകര്യങ്ങളോടെയുള്ള മനോഹരമായ വില്ലയാണ്. പ്രശസ്തമായ പാം ജുമൈറയിൽ സ്ഥിതി ചെയ്യുന്ന ഈ വില്ല കടലിന് അഭിമുഖമാണ്. നഗരത്തിലെ തന്നെ ഏറ്റവും ചെലവേറിയ പ്രോപ്പ‍ർട്ടികളിൽ ഒന്നാണിത്. മനോഹരമായ ഇൻ്റീരിയറുകൾ മാത്രമല്ല, സമാനതകളില്ലാത്ത ലക്ഷ്വറിയും ഈ വസതി വ്യത്യസ്തമാക്കുന്നു. 70 മീറ്റർ ചുറ്റളവിൽ ബീച്ചിലേക്ക് ഇരുവർക്കും സ്വകാര്യ പ്രവേശനം ലഭിക്കും.
ഇറ്റാലിയൻ മാർബിൾ കൊണ്ട് അലങ്കരിച്ച 10 ആഡംബര മുറികൾ ആണ് വില്ലയിൽ ഉള്ളത്. വിശാലമായ ഡൈനിംഗ് റൂം അംബാനി കുടുംബത്തിന്റെ ഒത്തുചേരലുകൾക്ക് അനുയോജ്യമായ വിധത്തിൽ രൂപകൽപ്പന ചെയ്തതാണ് . സ്വിമ്മിങ് പൂൾ ഉൾപ്പെടെയാണ് വില്ല ഡിസൈൻ ചെയ്തിരിക്കുന്നത്. അവധിക്കാലം ആഘോഷിക്കാനും വിശ്രമിക്കാനും ഒക്കെ ഏറ്റവും അനുയോജ്യമായ ഡിസൈനിലാണ് വില്ല.
Nita Ambani gifts Radhika Merchant a lavish Rs. 640 crore mansion in Dubai’s Palm Jumeirah, highlighting the Ambani family’s tradition of opulence and grand gestures. Discover the luxury features and significance behind this spectacular gift.
