പ്രേമലു താരത്തിന്റെ ആദ്യ കാർ

ഈ വർഷത്തെ ഏറ്റവും വലിയ ബ്ലോക്ബസ്റ്റർ ഹിറ്റ് ആയിരുന്നു നസ്ലിൻ ഗഫൂർ, മമിത ബൈജു എന്നിവർ കേന്ദ്രകഥാപാത്രങ്ങളായ പ്രേമലു എന്ന ചിത്രം. ചിത്രത്തിൽ ആദി എന്ന കഥാപാത്രമായെത്തിയ ശ്യാം മോഹൻ പ്രേക്ഷക ശ്രദ്ധ പിടിച്ചു പറ്റി. ഇപ്പോൾ തന്റെ ആദ്യ വാഹനം സ്വന്തമാക്കിയിരിക്കുകയാണ് ശ്യാം. ഫോക്‌സ്‌വാഗൺ മിഡ് സൈസ് എസ് യു വി ടൈഗൂൺ ആണ് താരം സ്വന്തമാക്കിയത്.

ഇനി ഊബർ യാത്ര വേണ്ട, പ്രപഞ്ചത്തിനും സിനിമയ്ക്കും നന്ദി എന്ന കുറിപ്പോടെയാണ് താരം സമൂഹമാധ്യമങ്ങളിൽ പുതിയ വാഹനത്തിന്റെ ചിത്രം പങ്ക് വെച്ചത്.  ഫോക്‌സ്‌വാഗണിന്റെ മിഡ് സൈസ് എസ് യു വി ടൈഗൂണിന്റെ കറുപ്പ് നിറത്തിലുള്ള 1.5 ലിറ്റർ ജിടി മോഡലാണ് താരം ശ്യാം വാങ്ങിയിരിക്കുന്നത്. ഡിഎസ്‍ജി ഗിയർബോക്സുള്ള വാഹനം നാല് സിലിണ്ടർ ടർബോചാർജ്ഡ് പെട്രോൾ എൻജിനുമായാണ് എത്തുന്നത്.

150 പിഎസ് പവറും 250 എൻഎം ടോർക്കും കരുത്ത് നൽകുന്ന എൻജിനുള്ള വാഹനത്തിന്റെ എക്സ്ഷോറൂം വില 18.69 ലക്ഷം രൂപയാണ്.

^{Shyam Mohan, known for his role in the blockbuster hit Premalu, celebrates a new milestone by owning his first car, a Volkswagen taigun. Learn about the actor’s latest purchase and the features of this stylish SUV.}