കുംഭമേളയുടെ ബഹിരാകാശ ദൃശ്യം

നാസ സ്‌പേസ് സ്‌റ്റേഷനിൽ നിന്നും മഹാ കുംഭമേളയുടെ വർണാഭ ചിത്രം പങ്കുവെച്ച് ശാസ്ത്രജ്ഞൻ. ഉത്തർപ്രദേശിലെ പ്രയാഗ് രാജിൽ നടക്കുന്ന മഹാകുംഭമേളയുടെ ബഹിരാകാശ നിലയത്തിൽ നിന്നുള്ള ചിത്രങ്ങളാണ് പങ്കുവെച്ചത്. കുംഭമേളയുടെ 13ാം ദിവസമായ ഞായറാഴ്ചയിലെ രാത്രി ദൃശ്യങ്ങളാണ് ബഹിരാകാശ സഞ്ചാരിയായ ഡോൺ പെറ്റിറ്റ് സമൂഹ മാധ്യമങ്ങളിൽ പങ്കുവച്ചിരിക്കുന്നത്.

ലോകത്തിൽ തന്നെ ഏറ്റവും അധികം മനുഷ്യർ ഒരുമിക്കുന്നതിന്റെ പ്രകാശമെന്നാണ് ചിത്രത്തോടൊപ്പമുള്ള കുറിപ്പിൽ ഡോൺ പെറ്റിറ്റ് കുറിച്ചത്.
ഗംഗാ തീരത്തെ ദീപാലങ്കാരങ്ങൾ കാണിക്കുന്ന ചിത്രം മഹാമകുംഭമേളയുടെ ഊർജ്ജം പങ്കുവയ്ക്കുന്നതാണെന്ന് സമൂഹമാധ്യമങ്ങളിൽ പ്രതികരണങ്ങൾ നിറയുന്നു. അമേരിക്കൻ ബഹിരാകാശ ഗവേഷകനായ ഡൊണാൾഡ് പെറ്റിറ്റ് ബഹിരാകാശ ഗവേഷണ രംഗത്ത് ഇതിനോടകം വലിയ സംഭാവനകളാണ് നൽകിയിട്ടുള്ളത്. അന്താരാഷ്ട്ര ബഹിരാകാശ നിലയത്തിൽ 555 ദിവസമായി തുടരുകയാണ് ഇദ്ദേഹം.

ലോകത്തിന്റെ നാനാഭാഗത്തുനിന്നും ദശലക്ഷക്കണക്കിന് ആളുകളാണ് ജനുവരി 13 മുതൽ ഫെബ്രുവരി 26 വരെനടക്കുന്ന  മഹാകുംഭ മേളയിലേക്ക് എത്തുന്നത്. 13 കോടിയോളം ഭക്തരെയാണ് ഇത്തവണ മഹാകുംഭമേളയിൽ പ്രതീക്ഷിക്കുന്നത്. 

^{NASA astronaut Don Pettit captures the grandeur of the 2025 Maha Kumbh Mela in Prayagraj from the ISS. Awe-inspiring photos showcase the world’s largest spiritual gathering illuminated from space.}