ജാവലിൻ ത്രോ ലോകത്തെ മിന്നും താരങ്ങളാണ് ഇന്ത്യയുടെ നീരജ് ചോപ്രയും പാക്കിസ്താൻ്റെ അർഷദ് നദീമും. 2024ലെ പാരിസ് ഒളിപിക്സോടെ ഇരുവരുടേയും ആസ്തിയിലും വൻ വർധധനയുണ്ടായി. അർഷദ് നദീം പാരിസ്സിൽ സ്വർണവും നീരജ് വെള്ളിയും നേടി.
പാരിസ് ഒളിംപിക്സിനു മുൻപ് 80 ലക്ഷം രൂപയായിരുന്നു നദീമിന്റെ ആസ്തി. ജാവലിൻ വാങ്ങുന്നതിലും ട്രെയിനിങ്ങിനും അടക്കം ഗ്രാമവാസികളുടെ നിരവധി സഹായങ്ങളോടെയാണ് നദീം പാരിസ് ഒളിംപിക്സിൽ പങ്കെടുത്തത്. എന്നാൽ ഒളിംപിക്സിനു ശേഷം നദീമിന്റെ ആസ്തി അഞ്ച് കോടി രൂപയായി വർധിച്ചു. ഒളിംപിക്സ് സ്വർണത്തിലൂടെ നേടിയ സമ്മാനത്തുകയും മറ്റ് സമ്മാനങ്ങളുമാണ് ആസ്തി ഇത്രയും വധിപ്പിച്ചത്. ഒന്നാം സമ്മാനർഹനായതിൽ 50000 ഡോളറാണ് നദീം നേടിയത്. ഇതിനു പുറമേ പാകിസ്താനിലെ വിവിധ സ്ഥാപനങ്ങളും നദീമിന് വൻ തുക സമ്മാനിച്ചു. നൂറ് മില്യൺ പാകിസ്താൻ രൂപയാണ് നദീമിന് ഗവൺമെന്റ് നൽകിയത്. ഇത് കൂടാതെ സിന്ധ്, കറാച്ചി ഗവൺമെന്റുകൾ 50 മില്യൺ പാകിസ്താൻ രൂപയും അദ്ദേഹത്തിന് സമ്മാനമായി നൽകി.
പാരിസ് ഒളിംപിക്സിനു മുൻപ് തന്നെ 25 കോടി രൂപയായിരുന്നു നീരജ് ചോപ്രയുടെ ആസ്തി. 2021 ടോക്കിയോ ഒളിംപിക്സിലെ സ്വർണ നേട്ടവും അതിനെത്തുടർന്ന് ലഭിച്ച വൻ ബ്രാൻഡിങ് അവസരങ്ങളുമാണ് അദ്ദേഹത്തിന്റെ സമ്പത്ത് വർധിക്കുന്നതിൽ പ്രധാന പങ്ക് വഹിച്ചത്. പാരിസ് ഒളിംപിക്സിനു ശേഷം അദ്ദേഹത്തിന്റെ ആസ്തി 37 കോടി രൂപയായി വർധിച്ചു. നിലവിൽ ഒമേഗ, അണ്ടർ ആർമർ തുടങ്ങിയ വമ്പൻ ബ്രാൻഡുകളുടെ ഐക്കൺ താരമാണ് നീരജ്. പാനിപ്പത്തിൽ നീരജിന് പത്ത് കോടി രൂപയുടെ ആഢംബര വീടും സ്വന്തമായുണ്ട്. ഇതിനു പുറമേ റേഞ്ച് റോവർ, ഫോർഡ് മസ്താംഗ് തുടങ്ങി നിരവധി ആഢംബര കാറുകളും താരത്തിനു സ്വന്തമായുണ്ട്.
Discover how Arshad Nadeem and Neeraj Chopra’s net worth surged after the Paris Olympics 2024. From gold and silver medals to multi-crore rewards and endorsements, their financial journeys reflect their athletic excellence.
