ഇന്ത്യൻ നാവികസേനയ്ക്കായി ഷിപ്പ്ബോർഡ് മെഷിനറികൾ നിർമിക്കുന്ന സിഎഫ്എഫ് ഫ്ലൂയിഡ് കൺട്രോൾസ് ലിമിറ്റഡ് (CFF Fluid Control Limited) പൊതുമേഖലാ സ്ഥാപനമായ മാസഗൺ ഡോക്ക് ഷിപ്പ് ബിൽഡേഴ്സ് ലിമിറ്റഡുമായി (Mazagon Dock Shipbuilders Limited) 6.58 കോടി രൂപയുടെ പ്രതിരോധ കരാർ ഒപ്പുവെച്ചു. പി17എ പ്രോജക്റ്റിന്റെ നാല് കപ്പൽ സെറ്റുകളുടെ നിർണായക സ്പെയറുകളുടെ വിതരണം ഉൾപ്പെടുന്ന കരാർ 2025 ഡിസംബറോടെ പൂർത്തിയാക്കും. മാസഗണിൽ നിന്നുള്ള പുതിയ പ്രതിരോധ ഓർഡറിലൂടെ വിപണി സ്ഥാനം ശക്തിപ്പെടുത്തിയിരിക്കുകയാണ് മുംബൈ ആസ്ഥാനമായുള്ള സിഎഫ്എഫ്.
സിഎഫ്എഫ് ഫ്ലൂയിഡ് കൺട്രോൾസിന്റെ ₹600 കോടിയിലധികം വരുന്ന ശക്തമായ ഓർഡർ ബുക്കിലേക്കാണ് പുതിയ കരാർ എത്തുന്നത്. ഈ കരാറും ഓർഡർ ബുക്ക് കണക്കും കമ്പനിയുടെ ശക്തമായ ഭാവി വരുമാന സാധ്യത സൂചിപ്പിക്കുന്നതാണ്. പ്രതിരോധ രംഗത്തെ പ്രധാന കമ്പനിയായ സിഎഫ്എഫ് അന്തർവാഹിനികൾക്കും കപ്പലുകൾക്കുമുള്ള അവശ്യ ഘടകങ്ങൾ നിർമ്മിക്കുകയും സേവനം നൽകുകയും ചെയ്യുന്നു. ഇനതിലൂടെ ഇന്ത്യയുടെ നാവിക ശേഷികക്ക് കമ്പനി ഗണ്യമായ സംഭാവന നൽകുന്നു.
2025ലെ അർദ്ധ വാർഷിക (H2FY25), വാർഷിക (FY25) കണക്കുകൾ പ്രകാരം കമ്പനി പോസിറ്റീവ് പ്രകടനമാണ് കാഴ്ചവെയ്ക്കുന്നത്. 2025 സാമ്പത്തിക വർഷത്തിൽ ₹146 കോടി നെറ്റ് സെയിൽസും ₹24 കോടി ലാഭവും നേടി. ₹1000 കോടിയിൽ കൂടുതൽ വിപണി മൂലധനമുള്ള കമ്പനിക്ക് 18% റിട്ടേൺ ഓൺ ഇക്വിറ്റി (ROE), 22% റിട്ടേൺ ഓൺ ക്യാപിറ്റൽ എംപ്ലോയ്ഡ് (ROCE) പോലുള്ള ശക്തമായ സാമ്പത്തിക അനുപാതങ്ങളുമുണ്ട്.
Shares of CFF Fluid Controls Ltd have surged 230% in three years, bolstered by a recent ₹6.58 crore order from Mazagon Dock Shipbuilders. The company, a key supplier to the Indian Navy, reported strong FY25 financials with ₹146 crore in net sales and ₹24 crore in net profit, and boasts an active order book exceeding ₹600 crore.
