റേഞ്ച് റോവറിന്റെ പുതിയ ഇന്ത്യ-സ്പെസിഫിക് സ്പെഷ്യൽ എഡിഷൻ മോഡലുമായി ജാഗ്വാർ ലാൻഡ് റോവർ (JLR). റേഞ്ച് റോവർ എസ്‌വി മസാര ലിമിറ്റഡ് എഡിഷൻ മോഡലിന് 4.99 കോടി രൂപയാണ് എക്സ്-ഷോറൂം വില. എസ്‌യുവിയുടെ 12 യൂണിറ്റുകൾ മാത്രമേ നിർമ്മിച്ചിട്ടുള്ളൂ. റേഞ്ച് റോവർ എസ്‌വി രന്തംബോർ എഡിഷന് ശേഷം ഈ വർഷം പുറത്തിറങ്ങുന്ന രണ്ടാമത്തെ ഇന്ത്യ-സ്പെസിഫിക് ലിമിറ്റഡ് എഡിഷൻ റേഞ്ച് റോവർ ആണിത്.
‘മസാര’ എന്ന പേര് സംസ്കൃതത്തിൽ നിന്നാണ് സ്വീകരിച്ചിരിക്കുന്നത്. ഹിമാലയൻ മേഖലയിൽ കാണപ്പെടുന്ന അപൂർവയിനം നീലക്കല്ലുകളിൽ നിന്ന് പ്രചോദനം ഉൾക്കൊണ്ട് ഡീപ് സാറ്റിൻ ബ്ലൂ നിറമാണ് മസാരയ്ക്ക് നൽകിയിട്ടുള്ളത്. മസാര എഡിഷൻ ജെഎൽആറിന്റെ സ്പെഷ്യൽ വെഹിക്കിൾ ഓപ്പറേഷൻസ് (SVO) വിഭാഗമാണ് നിർമ്മിച്ചത്. വാഹനത്തിന്റെ ഗ്രില്ലിലും ബമ്പറുകളിലും വശങ്ങളിലും സിൽവർ ക്രോം കൊറിന്ത്യൻ ബ്രോൺസ് ആക്‌സന്റുകളുണ്ട്. സ്പെഷ്യൽ എഡിഷൻ റേഞ്ച് റോവറാണെന്ന് സൂചിപ്പിക്കാൻ എക്‌സ്റ്റീരിയറിലുടനീളം ‘SV’ ബാഡ്ജിംഗും കാണാം. ബ്ലൂ-ക്രീം എന്നീ നിറങ്ങൾ കലർന്ന ഡ്യുവൽ-ടോൺ ഫിനിഷിൽ വരുന്ന ക്യാബിനാണ് ഇന്റീരിയർ സവിശേഷത. പ്രീമിയം പെർലിനോ ലെതർ സീറ്റ് അപ്‌ഹോൾസ്റ്ററി, എംബ്രോയ്ഡറി സീറ്റുകൾ, പേഴ്‌സണലൈസ്ഡ് സ്‌കാറ്റർ കുഷ്യനുകൾ തുടങ്ങിയവയാണ് മറ്റ് പ്രത്യേകതകൾ.
മെയ്ബാക്ക് ജിഎൽഎസ്, ബെന്റ്ലി ബെന്റെയ്ഗ, റോൾസ് റോയ്സ് കള്ളിനൻ തുടങ്ങിയവയുമായാണ് മസാരയുടെ മത്സരം. 4.4 ലിറ്റർ വി8 ട്വിൻ-ടർബോ പെട്രോൾ എൻജിനാണ് മസാരയ്ക്ക് കരുത്ത് പകരുക. 615 ബിഎച്ച്പി പവർ, 750 എൻഎം പീക്ക് ടോർക്ക് ഉത്പാദിപ്പിക്കാൻ ഇതിനു ശേഷിയുണ്ട്. ഓൾവീൽ ഡ്രൈവ് സംവിധാനവുമുള്ള വാഹനത്തിന് 8 സ്പീഡ് ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനാണ് ഉള്ളത്.
Jaguar Land Rover launches the exclusive Range Rover SV Masāra Edition in India at Rs 4.99 crore. Limited to just 12 units, this luxury SUV features a unique Satin Blue exterior, dual-tone interiors, and a powerful 4.4-litre V8 engine.
